ទីក្រុងខ្មោច - មជ្ឈមណ្ឌលពាណិជ្ជកម្ម រូលីង អេក្រេស មួយនេះ មិនមែនជាមជ្ឈមណ្ឌលទីមួយ ដែលគេ​បោះបង់​ចោលទេ នៅសហរដ្ឋអាមេរិក។ ហើយគេក៏មិនចាំបាច់ទៅណាឆ្ងាយ ពីរដ្ឋអូហៃយ៉ូនេះដែរ ប៉ុន្តែ​នៅ​មាន​មជ្ឈមណ្ឌល​ពាណិជ្ជកម្មជាច្រើនទៀត ដែលត្រូវបានបោះបង់ចោល នៅជុំវិញតំបន់នោះ។ ការបិទទ្វា​យ៉ាង​អាណោច​អាធម របស់​មជ្ឈមណ្ឌល​ទាំង​នោះ ដែលបង្ហាញពីសុខភាពសេដ្ឋកិច្ច នៅតាមតំបន់ទាំងនេះ ថា​មិន​សូវ​ជា​មាន​ភាពរឹងប៉ឹង ខ្លាំងក្លា​ប៉ុន្មាន​នោះ​ឡើយ។

មជ្ឈមណ្ឌល បានបើកសម្ភោធដំបូងនៅថ្ងៃទី៦ ខែកក្កដា ឆ្នាំ១៩៧៥ មានហាងលក់ប្រមាណជា១៤០ហាង សង់​ជា​២ជាន់។ វាត្រូវបានសាងសង់នៅលើផ្ទៃដី ប្រមាណជា៤សែនម៉ែត្រការ៉េ ក្នុងនោះមានចំណតរថយន្ដ ដែលអាច​ចត​បានរហូួតដល់ទៅ ៧៥០០រថយន្ដ។ បន្ទាប់ពីបើកទ្វាបាន៣៣ឆ្នាំ មជ្ឈមណ្ឌលបានបិទទ្វា នៅ​ថ្ងៃ​ទី៣១តុលា ឆ្នាំ​២០០៨ រហូតមកទល់នឹងថ្ងៃនេះ ដោយបន្សល់ទុកនូវអ្វីៗទាំងអស់ ឲ្យរស់នៅជាមួយតែនឹង​ធូលី និងខ្យល់។

ជាងថតរូបអាជីព លោក សេព ឡវលេស បានសរសេរនៅលើទំព័រហ្វេសប៊ុកផ្លូវការរបស់លោកថា «ខ្ញុំ​ចង់ឲ្យ​បណ្ដា​ជនអាមេរិកាំងទាំងអស់ មើលពីអ្វីដែលបានកើតឡើង នៅក្នុងប្រទេសផ្ទាល់ខ្លួនរបស់ពួកគេ។ (...) ខ្ញុំ​មិន​គិត​ថា បញ្ហា​របស់ប្រទេសយើង នឹងត្រូវដោះស្រាយចេញ នៅពេលដែលយើងមិនយកបញ្ហាទាំងនេះ មក​មើល​​ចំពី​មុខ​​នោះ​ទេ។»

សូមទស្សនារូបថតទាំងនេះដូចទៅ៖

រូបភាពបន្ថែម មាននៅទំព័របន្ទាប់។