![ខឹម វាសនា រងបណ្ដឹងទៅតុលាការនិងទៅព្រះមហាក្សត្រ ពីបទជេរប្រមាថមើលងាយពូជសាសន៍ខ្មែរ](http://monoroom.info/uploads/2016/05/20160527-fb_khem-veasna-ldp.jpg)
ខឹម វាសនា រងបណ្ដឹងទៅតុលាការនិងទៅព្រះមហាក្សត្រ ពីបទជេរប្រមាថមើលងាយពូជសាសន៍ខ្មែរ
ប្រជាពលរដ្ឋមួយរូប រស់នៅសង្កាត់ដង្កោ ខណ្ឌដង្កោ លោក សុច សឿង បានដាក់ពាក្យបណ្ដឹង នៅថ្ងៃទី១២ ខែមិថុនានេះ ប្តឹងប្រធានគណបក្សសម្ព័ន្ធដើម្បីប្រជាធិបតេយ្យ លោក ខឹម វាសនា ទៅកាន់តុលាការ និងខុទ្ទកាល័យព្រះមហាក្សត្រ ពីបទជេរប្រមាថជាសាធារណៈ (ជេរខ្មែរ) ដើម្បីសុំអន្តរាគមន៍ពីអាជ្ញាធររដ្ឋាភិបាល ឲ្យទប់ស្កាត់នូវសកម្មភាព របស់អ្នកនយោបាយរូបនេះ។
ពាក្យបណ្តឹង ដែលដាក់ទូលថ្វាយព្រះមហាក្សត្រ និងដែលបានមកដល់ដៃអ្នកសារព័ត៌មាននៅថ្ងៃនេះ បានសរសេរថា៖ «បុគ្គល ខឹម វាសនា នេះ ជាច្រើនលើកច្រើនសា នៅស្ទើរគ្រប់វេទិកាជួបជុំរបស់ពួកគេ បុគ្គលរូបនេះ តែងតែប្រើពាក្យជេរប្រមាថ ពាសវាលពាសកាល ទៅលើប្រជាជាតិខ្មែរ ព្រះសង្ឃ រួមទាំងព្រះមហាក្សត្រ ជាក់ស្តែង កាលពីថ្ងៃទី១២ ខែកុម្ភៈ ឆ្នាំ២០១៧ គេបានជេរប្រមាថជាតិខ្មែរ យ៉ាងអសុរោះជាទីបំផុត»។
[...]