Posts tagged as "Kem Monovithya"

បណ្ដឹងសារទុក្ខ ស្ដីពីការឃុំខ្លួនលោក កឹម សុខា ប្រធានគណបក្សសង្គ្រោះជាតិ អាចនឹងត្រូវតុលាការកំពូលបើកសវនាការ នៅចុងខែតុលានេះ បន្ទាប់ពីរូបលោក ត្រូវបានចាប់ខ្លួន និងបញ្ជូនទៅដាក់ឃុំ តាំងពីដើមខែកញ្ញានោះមក។

កញ្ញា កឹម មនោវិទ្យា កូនស្រីលោក កឹម សុខា ដែលកំពុងមានវត្តមាន នៅឯបរទេស បានជូនដំណឹងនេះ នៅលើបណ្ដាញសង្គម ដោយសរសេរជាភាសាអង់គ្លេស ហើយមានន័យជាខេមរភាសាថា៖ «សវនាការជំនុំជម្រះ លើការឃុំខ្លួនលោក កឹម សុខា ដោយខុសច្បាប់ នឹងគ្រោងធ្វើ​នៅថ្ងៃទី៣១ ខែតុលានេះ នៅឯតុលាការកំពូល»។

Hearing for #KemSokha unlawful detention is set for October 31 at Supreme Court.

លោក ហូ វ៉ាន់ មន្ត្រីជាន់ខ្ពស់របស់គណបក្សសង្គ្រោះជាតិ ដែលជាគណបក្សប្រឆាំងធំជាងគេ នៅក្នុងប្រទេសកម្ពុជា បានថ្លែងទៅកាន់អ្នកសារព័ត៌មាន នៅខាងមុខទីស្នាក់ការកណ្ដាល របស់គណបក្ស ក្នុងព្រឹកថ្ងៃទី៣នេះថា លោកមិនមានការអះអាងបញ្ជាក់នៅឡើយទេ អំពីការបញ្ជូនប្រធានគណបក្សលោក ទៅឃុំខ្លួននៅឯពន្ធនាគារត្រពាំងផ្លុង ក្នុងខេត្តត្បូងឃ្មុំ ដែលស្ថិតនៅចំងាយប្រមាណជា ជិត២០០គីឡូម៉ែត្រ ពីរាជធានីភ្នំពេញ។

ការថ្លែងរបស់លោក ហូ វ៉ាន់ បានធ្វើឡើង ទន្ទឹមនឹងដំណើរមកដល់ របស់មន្ត្រីជាន់ខ្ពស់ច្រើននាក់ ជាពិសេសក្រុមអ្នកតំណាងរាស្ត្រ ដែលបាន និងកំពុងធ្វើដំណើរ ទៅកាន់ទីស្នាក់ការកណ្ដាល របស់គណបក្ស ដើម្បីជួបប្រជុំ«ជាបន្ទាន់»មួយ នៅចំពោះហេតុការណ៍ចាប់ខ្លួន លោក កឹម សុខា កាលពីយប់រំលងអាធ្រាត ថ្ងៃទី២ ចូលមកថ្ងៃទី៣ ខែកញ្ញា ឆ្នាំ ២០១៧នេះ ដល់គេហដ្ឋានរបស់លោក ក្នុងសង្កាត់​បឹងកក់​ទី២ ខណ្ឌទួលគោក។

កញ្ញា កឹម មនោវិទ្យា កូនស្រីលោក កឹម សុខា [...]

ពន្ធនាគារត្រពាំងផ្លុង ដែលល្បីថា ជាកន្លែងដាក់ពិរុទ្ធជន ដែលជាប់ទោសធ្ងន់ធ្ងរ បានទទួលដាក់អ្នកនយោបាយម្នាក់ទៀត នៅថ្ងៃនេះ គឺលោក កឹម សុខា ប្រធានគណបក្សសង្គ្រោះជាតិ ដែលជាគណបក្សធំជាងគេ នៅកម្ពុជា។ ព័ត៌មាននៃការបញ្ជូនខ្លួន ទៅឃុំនៅទីនោះ ទើបនឹងត្រូវបានឲ្យដឹង ដោយលោក ខៀវ សុភ័គ អ្នកនាំពាក្យក្រសួងមហាផ្ទៃ នៅមួយម៉ោងមុននេះ។

តែភាពល្បីល្បាញ នៃពន្ធនាគារត្រពាំងផ្លុង ក៏បានបង្កការព្រួយបារម្ភខ្លាំងក្លា សម្រាប់ក្រុមអ្នកគាំទ្រគណបក្សប្រឆាំង និងជាពិសេស សម្រាប់ក្រុមគ្រួសាររបស់លោក តែម្ដង។ កូនស្រីរបស់លោក កឹម សុខា គឺកញ្ញា កឹម មនោវិទ្យា ដែលកំពុងស្ថិតនៅឯបរទេស បានសំដែងការបារម្ភនេះ នៅលើបណ្ដាញសង្គមថា៖ «សុវត្ថិភាព របស់លោក កឹម សុខា មិនត្រូវបានឲ្យដឹង ច្បាស់នៅឡើយ»។

កញ្ញា មនោវិទ្យា ដែលជាសមាជិកគណៈកម្មការនាយក នៃគណបក្សសង្គ្រោះជាតិមួយរូបផងនោះ  បានសរសេរទាមទារថា៖ «យើងត្រូវការឲ្យមានការចូល [...]