![សុខ អាន ដៃស្ដាំ ហ៊ុន សែន ទទួលមរណភាព](http://monoroom.info/uploads/2017/03/20170315-fb_sok-an.jpg)
សុខ អាន ដៃស្ដាំ ហ៊ុន សែន ទទួលមរណភាព
ជីវិត នៅលើវាលវដ្ដសង្សារ ពិតជាមិនទៀងឡើយ... នៅក្នុងអាយុ៦៦ ឆ្នាំ លោក សុខ អាន ដែលគេស្គាល់ថា ជា«ដៃស្ដាំ»ដ៏រឹងមាំ របស់លោកនាយករដ្ឋមន្ត្រី ហ៊ុន សែន បានធ្លាក់ខ្លួនឈឺជាទម្ងន់ មុននឹងធ្វើមរណភាព នៅល្ងាចថ្ងៃទី១៥ ខែមីនា ឆ្នាំ២០១៧នេះ។ លិខិតជាផ្លូវការ ចេញផ្សាយដោយរដ្ឋាភិបាលកម្ពុជា បានសរសេរថា លោក សុខ អាន បានផុតដង្ហើម នៅវេលាម៉ោង ១៨ និង៣២នាទី នៅក្នុងមន្ទីរពេទ្យមួយ នៃរដ្ឋធានីប៉េកាំង ប្រទេសចិន ខណៈនៅមុននេះប៉ុន្មានថ្ងៃ លោក សុខ អាន ត្រូវបានមន្ត្រីរដ្ឋាភិបាលអះអាងថា លោកត្រូវបានដឹកចេញ ពីការព្យាបាល នៅក្នុងប្រទេសបារាំង យកទៅព្យាបាល នៅក្នុងប្រទេសសាំងហ្គាពួរវិញ។
នៅលើបណ្ដាញសង្គម ពាក្យចចាមអារាមជាច្រើន បានលើកឡើង ពីសភាពធ្ងន់ធ្ងរ នៃជំងឺរបស់លោក ដែលបានទៅព្យាបាលជាបន្ទាន់ អស់ជាច្រើនសប្ដាហ៍ នៅក្នុងប្រទេសបារាំង ហើយការចាកចេញ ពីប្រទេសបារាំងនេះ ដោយហេតុថា ជំងឺរបស់លោក [...]