តារាសម្ដែង នរៈពិទូ កូនប្រុស ថៃ នរៈសត្យា ត្រូវបានចាប់ខ្លួនជាមួយនឹងភរិយា ពាក់ព័ន្ធគ្រឿងញៀន
ឪពុកជាមន្ត្រីជាន់ខ្ពស់ នៅក្នុងជួររដ្ឋាភិបាល តែកូនប្រុស បែរជាត្រូវបានចាប់ខ្លួន ទាក់ទងនឹងគ្រឿងញៀន។ តែគេនឹងកាន់តែសោកស្ដាយ ក្នុងចិត្តថែមទៀត នៅពេលដែលដឹងថា ឪពុកជាវរជនម្នាក់ ជំនាញផ្នែកវប្បធម៌ ដែលតែងកោះហៅអ្នកផងទាំងឡាយ មកធ្វើការក្រើនរំលឹក ស្ដីប្រៀនប្រដៅ ទាក់ទងនឹងបញ្ហាវប្បធម៌នោះ តែកូនប្រុសដែលជាតារាសម្ដែងមួយរូបដែរ បែរជានៅជាប់វិលវល់ តែជាមួយគ្រឿងញៀន រហូតត្រូវបានចាប់ខ្លួនដូច្នេះ។
ដំណឹងនេះ ត្រូវបានស្នងការនគរបាលជាតិ ផ្សព្វផ្សាយឲ្យដឹង កាលពីថ្ងៃទី១០ ខែមករានេះ នៅលើគេហទំព័រផ្លូវការរបស់ខ្លួន។ គេហទំព័របានសរសេរថា ការឃាត់ខ្លួនជនទាំង៦នាក់ បានធ្វើឡើង នៅយប់ថ្ងៃទី៩ ខែមករា វេលាម៉ោង២៣និង២០នាទី នៅចំណុចខារ៉ាអូខេ ដឹសោន ហ្វាមីលី (The sound family KTV) ស្ថិតក្នុងភូមិកម្មករ សង្កាត់ស្ចាយប៉ោ ក្រុងបាត់ដំបង ដោយការិយាល័យប្រឆាំងគ្រឿងញៀន [...]
