វីដេអូបង្ហាញពីបាតុកម្មខ្មែរនៅមុខសភាអ៊ឺរ៉ុប ក្នុងរសៀលថ្ងៃសៅរ៍
ឈរក្រោមតំណក់ទឹកភ្លៀង នៅកណ្ដាលរាជធានីប្រ៊ុយសែល (រាជាណាចក្រប៊ែលហ្សិក) មុខអាគារនៃស្ថាប័ននីតិបញ្ញត្តិ របស់សហគមន៍អ៊ឺរ៉ុប ក្រុមបាតុករខ្មែរ ដែលរស់នៅឯនាយសមុទ្រ បានថ្លែងម្នាក់ម្ដងៗ ដើម្បីទាមទារឲ្យសហគមន៍ដឹងឮកាន់តែច្រើនឡើង និងជួយឈឺឆ្អាល ទាក់ទងនឹងព្រឹត្តិការណ៍ថ្មីៗ ចុងក្រោយបង្អស់ ដែលបានកើតឡើង នៅក្នុងប្រទេសកម្ពុជា។
លោក សួន ណារិទ្ធិ តំណាងម្នាក់ នៃក្រុមអ្នករៀបចំបាតុកម្មនេះ បានថ្លែងប្រាប់ទស្សនាវដ្ដី មនោរម្យ.អាំងហ្វូ ថា ពួកលោករួមនឹងខ្មែរមកពីបណ្ដាប្រទេសនៅអ៊ឺរ៉ុបខាងលិច ជាពិសេសនៅក្នុងប្រទេសបារាំង ប៊ែលហ្សិក និងអាល្លឺម៉ង់ បានប្រមូលគ្នានៅរសៀលថ្ងៃសៅរ៍ ទី២៥ ខែមិថុនានេះ ដើម្បីប្រាប់ទៅសហគមន៍អ៊ឺរ៉ុប ដែលជាម្ចាស់ជំនួយដ៏សំខាន់របស់ប្រទេសកម្ពុជា អំពីអ្វីដែលលោក ហៅថាជាអំពើអយុត្តិធម៌ រំលោភសិទ្ធិមនុស្ស នៅក្នុងមាតុភូមិកំណើតរបស់លោក និងដើម្បីស្នើសុំឲ្យមានការដោះលែង [...]
