Posts tagged as "Kem Ley"

ប្រសិនជាអ្នកផង បានសរសេរចម្រៀង កំណាព្យ ឬសារលិខិតមរណទុក្ខ ដើម្បីសម្ដែងការអាឡោះអាល័យ ចំពោះ​មរណភាព​របស់លោក កែម ឡី នោះ តែសម្រាប់កញ្ញា ឯក សុជាតា ហៅ សាសា វិញ បានជ្រើសរើស​រឿង​កំប្លែងខ្លីមួយ មកបង្ហោះផ្សាយ​។ រឿងខ្លីនោះ ទំនងជាអតីតពិធីការិនីទូរទស្សន៍រូបនេះ ចង់និយាយចំអក​ពីពូជផៅសន្ដាន និងបងប្អួនត្រកូលជាប់ខ្សែ ជាមួយជនសង្ស័យ «ជួប សម្លាប់» ដែលត្រូវ​បាន​អាជ្ញាធរកម្ពុជា ចាប់ខ្លួននៅក្រោយឃាតកម្មភ្លាមៗ ហើយបញ្ជូនទៅតុលាការនៅប៉ុន្មានថ្ងៃក្រោយមក។

នេះជាអត្ថន័យទាំងស្រុង នៃរឿងកំប្លែងខ្លី របស់អតីតតារាទូរទស្សន៍ មានឈ្មោះហៅក្រៅ សាសា ដែល​នាង​បាន​បង្ហោះ នៅលើគណនីហ្វេសប៊ុករបស់នាង ក្នុងថ្ងៃនេះ៖

-----------

ពេលនាំឃាតករមកសួរចម្លើយ...

ចៅក្រម: អ្នកឯងឈ្មោះអី?

ឃាតករ: ខ្ញុំឈ្មោះ ជួប សម្លាប់។

ចៅក្រម: ស្អី? ចុះឪពុកម្តាយឈ្មោះអី?

អ្នកផងពិតជា​មាន​អារម្មណ៍​ចម្លែក​ណាស់ ដែលនៅព្រឹកថ្ងៃទី២៤ ខែកក្កដា ដែលជាថ្ងៃដង្ហែសពលោក កែម ឡី នេះ បណ្ដាស្ថានីយ៍ប្រេង​ឥន្ទនៈនានា (ឬមួយចំនួនធំ) បានបិទទ្វា​មិនបម្រើសេវាកម្ម​ ដល់អតិថិជន​របស់​ខ្លួន។ តើនោះ មកពីម្ចាស់ស្ថានីយ៍ បានស្ម័គ្រចិត្ត​បិទទ្វាស្ថានីយ៍​របស់ខ្លួន​មួយថ្ងៃ ដើម្បីចូលរួមមរណទុក្ខ ឬយ៉ាង​ហោាច​ណាស់ ចូលរួមក្នុងឱកាស នៃការដង្ហែសពលោក កែម ឡី ដោយសារតែមរណៈភាពរបស់លោក បាន​កើត​ឡើង​នៅ​ក្នុង​ស្ថានីយ៍​ប្រេង​ឥន្ទនៈ​ដូចគ្នាឬ?

មិនអញ្ចឹងទេ! បើតាមលិខិមួយ ចុះហត្ថលេខានៅថ្ងៃទី២២ ខែកក្កដា ឆ្នាំ២០១៦ ដោយលោក ឃួង ស្រេង បាន​ឲ្យដឹងថា គឺសាលារាជធានីនេះតែម្ដង ដែលបានបញ្ជាទៅគណៈអភិបាល នៃខណ្ឌទាំង៨ របស់​រាជធានី​ភ្នំពេញ ឲ្យណែនាំទៅបណ្ដា​ម្ចាស់​អាជីវកម្ម​លក់ហ្គាស និងស្ថានីយ​ប្រេងឥន្ទនៈ​គ្រប់ប្រភេទ ឲ្យ«ផ្អាកសកម្មភាព​លក់​ដូរ ចំនួន១ថ្ងៃ គឺថ្ងៃទី២៤ ខែកក្កដា ឆ្នាំ២០១៦»។ លោក ឃួង ស្រេង ដែលជាអភិបាលស្ដីទី [...]

«រួមដង្ហែសពវរ:ជនសំដីមាស បណ្ឌិត កែម ឡី»

កំណាព្យ និពន្ធដោយលោក សៅ សាវី

១) ២០១៦ ១០កក្កដា ឃាតករឫស្យាចិត្តអប្រិយ
ឆក់យកជីវិតបណ្ឌិតកែមឡី ក្មេងចាស់ប្រុសស្រីភ័យក្តុកក្តួល។

២) កាល់តិចបូកគោទីចុងក្រោយ បណ្ឌិតដង្ហោយឲ្យបន្ត
បណ្តាំបណ្ឌិតពិតជាល្អ កសាងឯកសារ១០០រាត្រី ។

៣) វិរ:បុរសសំដីមាស គឺកែមឡីនេះរកគ្មានពី
និយាយពន្យល់ខ្មែរគ្រប់ទី ហ៊ានប្តូរជីវីនឹងពាក្យពិត។

៤) ជាអ្នកវិភាគដោយសច្ចធម៌ មិនចេះលាបពណ៌មិនប្រឌិត
ទាញយកភស្តុតាងពេលវិភាគ មិនឲ្យឃ្លាតចាករឿងដែលមាន។

៥) វិទ្យុទូរទស្សន៍ស្ទើគ្រប់ប៉ុស្ត៍ វីរ:បុរសជាវាគ្មិន
វិភាគវែកញែកផ្តល់ពត៍មាន ឲ្យខ្មែរគ្រប់ប្រាណយល់ដឹងច្បាស់។

៦) [...]

លោកបណ្ឌិត កែម ឡី ជាទីគោរព!

លោកបានចែកឋានទៅ ១៣ ថ្ងៃហើយ។ ខ្ញុំសូមជំរាបលោកតាមត្រង់ ថាមកទល់នឹងថ្ងៃនេះ ខ្ញុំនៅតែអួល​ដើម​ក​នៅឡើយ ពេលដែលខ្ញុំនឹកដល់លោក។ តែយ៉ាងណាក៏ដោយ ក្នុងថ្ងៃផ្សាយពិសេស នាឱកាសដង្ហែសព​លោក នៅថ្ងៃ​ស្អែកនេះ ខ្ញុំនឹង​ព្យាយាមទប់អារម្មណ៍ អោយបាននឹងន ដើម្បីរួមចំណែកជូនដំណើរលោក ជា​ចុង​ក្រោយ ទៅ​កាន់​ស្រុក​កំណើត​លោកវិញ។

តាមពិត លោកតែងតែដាស់តឿនពួកយើង មិនអោយមានទុក្ខសោកយូរទេ។ ពាក្យមួយឃ្លារបស់លោក ដែល​យើង​ទន្ទេញចាំមាត់គ្រប់គ្ នានៅពេលនេះ គឺ «ជូតទឹកភ្នែក ហើយបន្តដំណើរទៅមុខទៀត»។ យើងនឹង​អនុវត្ត​តាម​បណ្តាំ​នេះ អោយបានខ្ជាប់ខ្ជួន។

ថ្វីត្បិតតែ ថ្ងៃស្អែកនេះ អ្នកដែលគោរពស្រឡាញ់លោក ជាច្រើនម៉ឺននាក់ អាចនឹងទៅចូលរួមដង្ហែសពលោក​ក្តី ពួក​គាត់នៅតែរកចម្លើយ​មិនទាន់ឃើញថា ហេតុអ្វីក៏គេដាច់ចិត្ត ផ្តាច់យកជីវិតលោក ទាំងស្រស់ៗបែបនេះ។ ខ្ញុំ​ក៏​មាន​ចម្ងល់​នេះ​ដែរ។ នៅពេល [...]

កម្មវិធីដង្ហែបុណ្យសព លោក កែម ឡី ទើបនឹងបាន​ធ្លាក់​ចុះ​មកដល់ នៅមុនពេលនេះបន្តិច។ កម្មវិធីបុណ្យក្នុង​ថ្ងៃ​អាទិត្យ​ខាងមុខ នឹងចាប់ផ្ដើម នៅម៉ោង៤ភ្លឺ ដោយការជួបជុំក្រុមគ្រួសារ ញាតិមិត្តជិតឆ្ងាយ នៅក្នុងទីអារាម នៃ​វត្ត​ចាស់ ដែលស្ថិតក្នុងសង្កាត់ជ្រោយចង្វា រាជធានីភ្នំពេញ ហើយនឹងបញ្ចប់ទៅ នៅម៉ោង១២កន្លះថ្ងៃត្រង់ នៅ​ក្នុង​បរិវេណ នៃគេហដ្ឋានរបស់ក្រុមគ្រួសារ លោក កែម ឡី នៅក្នុងខេត្តតាកែវ។

បើតាមព្រះតេជគុណ ប៊ុត ប៊ុនតិញ តំណាងគណៈកម្មការរៀបចំបុណ្យសព បានមានថេរដីកា​កាលពី​ម្សិល​ម៉ិញ​ថា សាលារាជធានីភ្នំពេញ បានឯកភាពយល់ព្រម ឱ្យគណៈកម្មការនិងគ្រួសារសព បានដង្ហែសពលោក កែម ឡី តាម​ផ្លូវ​ដែល​បាន​ស្នេីរសុំហើយ។

ការដង្ហែសពនេះ ត្រូវបាន​ចាត់ទុកម្យ៉ាងទៀត ថាជាការលាគ្នា ឬអាចជាការជូនដំណើរចុងក្រោយ នៃបណ្ដា​ជន​ខ្មែរ​​ជា​​ច្រើន​​សិប​​ពាន់​ម៉ឺននាក់ ជូនដល់លោក កែម ឡី ដែលត្រូវបានបាញ់សម្លាប់ យ៉ាងព្រៃផ្សៃ កាលពីថ្ងៃ​អាទិត្យ [...]