ទូរស័ព្ទ មានប្រដាប់បញ្ជាំងវីដេអូ Samsung Galaxy Beam

Loading...
  • ដោយ: មនោរម្យ.អាំងហ្វូ
  • កែប្រែចុងក្រោយ: April 09, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រោយពីដំណឹងលេចលឺអំពីទូរស័ព្ទប្រភេទនេះ តាំងពីប៉ុន្មានសប្ដាហ៍កន្លងមកហើយ នៅថ្ងៃព្រហស្បត្តិ៍មុននេះ ក្រុមហ៊ុន ស៊ាំមស៊ុង របស់ប្រទេសកូរ៉េខាងត្បូង បានប្រកាសជាផ្លូវការ នូវការដាក់ចេញលក់របស់ទូរស័ព្ទ Samsung Galaxy Beam ដែលបំពាក់ដោយឧបករណ៍បញ្ចាំងវីដេអូមួយ។ គឺជាបច្ចេកវិទ្យាថ្មីមួយទៀង ដែលក្រុមហ៊ុនយក្សក្នុងពិភពលោក ខាង ទូរគមនាគមន៍របស់កូរ៉េនេះ បានផ្ដល់ជូនអោយអ្នកប្រើប្រាស់ នូវជីវិតប្រចាំថ្ងៃថ្មីមួយ។

ផ្នែកខាងក្នុងរបស់ទូរស័ព្ទ មិនមានអ្វីអោយផ្លែកពីទូរស័ព្ទមុនៗនោះទេ ដូចជា អេក្រង់ ៤អ៊ីង (៨០០ x ៤៨០), ប្រូសេស៊័រ ឌូអ័ល ក័រ ១ Ghz, ផ្ទុកការចង់ចាំបាន ៨ Go, ហើយអាចទទួលយកបាននូវ microSD។ ខាងផ្នែកថតរូបវិញ វាមានសមត្ថភាពចាប់រូបបាន ៥ មេហ្គាពិកស៊ែល​ ជាមួយផ្លាស (៧២០p), ឬអាចប្រើបា្រស់ ជាវេបកាម  webcam ជាមួយនឹង សមត្ថភាពរូបភាព ១,៣ មេហ្គាពិកស៊ែល។ ទូរស័ព្ទនេះ ក៏មានដូចជាទូស័ព្ទផ្សេងៗទៀតដែរ ខាងផ្នែក Wifi, 3G+ និង Bluetooth ដើរជាមួយប្រព័ន្ធមេ Android ២,៣, ហើយមានទំងន់តែ ១៤៥ក្រាមប៉ុណ្ណោះ។

ឧបករណ៍បញ្ចាំងវីដេអូ​របស់ទូរស័ព្ទនេះមានឈ្មោះថា picoprojecteur មានសមត្ថភាព ពន្លឺ ១៥ lumens និង ទំហំ ពិកស៊ែល résolution​ ៦៤០ x ៣៦០ អាចបញ្ជាំងរូបភាពរហួតដល់ ៥០អ៊ីង ជាមួយនឹងគម្លាតពីជញ្ជាំង ប្រមាណជា ២ម៉ែត្រប៉ណ្ណោះ។ កំរាស់របស់ទូរស័ព្ទដែលមានត្រឹមតែ ១២,៥ម៉ីលីម៉ែត្រប៉ុណ្ណោះនោះ ទូរស័ពនេះអាចបញ្ចាំងរូបភាពបាន ក្នុងរយះពេល ដល់ទៅ ៣ម៉ោង។

ដោយគ្រាន់តែចុចលើ ប៊ូតុងមួយរបស់វា លោកអ្នកអាចបញ្ចាំងរូបភាពបានភ្លាមៗ ពីអ្វីដែលោកអ្នកចង់បង្ហាញ ជាមួយអ្នក នៅជុំវិញដូចជា ក្រុមគ្រួសារ ឬក៏មិត្តភ័ក្រ ។ លោកអ្នកក៏អាចបង្ហាញពីការកាងាររបស់លោកអ្នក តាមកម្មវិធីប៉ាវ័រប៉័ញ Powerpoint បានផងដែរ។ វាក៏អាចថត និងបង្ហាញប្រដាប់ប្រដា ដែលដាក់នៅពីមុខកាម៉េរារូបភាព ដែលមាន កម្មវិធីមួយជាស្រេចដើម្បីជួយសំរួល ដូចជាលោកអ្នកចង់គូររូបភាព ឬចង់ចង្អុលបង្ហាញអ្វីមួយ នៅលើរូបភាពបញ្ចាំង ទាំងនោះ ។

ដើម្បី ទទួលបានរូបភាពល្អ លោកអ្នកគូរតែបញ្ចាំងវា នៅក្នុងបន្ទប់មួយដែលរាងងងឺតបន្តិច ហើយជ្រើសរើសការបញ្ចាំង មួយសមស្រប នៅក្នុង Menu ដូចជា ពន្លឺ ពណ៌ជាដើម៕

ដោយ ទស្សនាវដ្ដី មនោរម្យព័ងអាំងហ្វូ - ប៉ារីស ទី ០៩ មេសា ២០១២ ។
Crédit Photo : Samsung.com
Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...