ក្រុមបាល់ទាត់ឆែលស៊ី (Chelsea) សំរេចចិត្តរួចហើយថា នឹងឲ្យកីឡាករហ្វ្រែង ឡាំផាដ (Frank Lampard) ចាកចេញពី​ក្រុមនៅក្នុងរដូវក្តៅខាងមុខ បន្ទាប់ពីបដិសេធសំណើរកិច្ចសន្យាថ្មីទៅ ដល់ខ្សែបំរើរូបនេះ។

កីឡាករ ចន ម៉ាតា ទាត់នៅក្នុងក្រុមឆែលស៊ី។

ស្ថិតក្នុងវ័យ ៣៤ឆ្នាំ ក្រុមឆែលស៊ីជឿថា ពួកគេបានឃើញកីឡាករដ៏ល្អបំផុតម្នាក់ ដែលបាន ខិតខំខ្លាំងណាស់ ក្នុងការជួយ​ឲ្យក្រុមទទួលបានជោគជ័យ។ ប៉ុន្តែកីឡាករឡាំផាដ ខ្វះគ្រាប់បាល់បញ្ចូលទីតែ៣គ្រាប់ទៀតប៉ុណ្ណោះ អាចស្មើនឹងកីឡាករ បប៊ី ថាមប្លីង (Bobby Tambling) ដែលជាអ្នកស៊ុតបាល់បញ្ចូលទីឲ្យក្រុមឆែលស៊ីបានច្រើន ជាងគេ។

កីឡាករ ចន ម៉ាតា (Juan Mata) បាននិយាយកោតសរសើរដល់ ខ្សែបំរើអន្តរជាតិអង់គ្លេសរូប នេះថា «ខ្ញុំយល់ថា ហេតុអ្វី​បានជា ប្រិយមិត្តចង់ឲ្យហ្វ្រែងនៅទីនេះ គឺដោយសារអ្នកគាំទ្រទាំង អស់ស្រលាញ់គាត់»។

កីឡាកររូបនេះបានបន្តថា «គាត់ជាបុរសដ៏អស្ចារ្យម្នាក់ ជាប្រធានក្រុមដ៏អស្ចារ្យ និងជាវីរបុរស ម្នាក់សំរាប់ក្រុម។ សំរាប់​រូប​ខ្ញុំផ្ទាល់ និងមិត្តរួមក្រុមទាំងអស់ ពិតជាមានកិត្តិយសណាស់ ដែល បានលេងជាមួយគាត់។ សំរាប់រយះពេល ១០ឆ្នាំ គាត់​ស្ទើតែស៊ុតបានច្រើនជាង ១០រដូវកាល នៅក្នុងលីក។ គាត់ជាកីឡាករកំពូលម្នាក់»។

ហ្វែ្រង ឡាំផាដ កីឡាករខ្សែរបំរើរបស់ឆែលស៊ី ពេលប្រកួតជាមួយនឹងអាស្តុនវីឡា។

ម៉ាតាក៏បានស្ងើចសរសើរ ដល់​​កីឡាករជំនាន់ក្រោយ ដែលជាតារាកំពុងតែរះក្នុងទឹកដី ស្តែមហ្វដ ប្រិដ្ជ (Stamford Bridge) ដែរ។

កីឡាករខ្សែបំរើអន្តរជាតិប្រេស៊ីល អូស្កា (Oscar) បានរកគ្រាប់បាល់បញ្ចូលទី មួយគ្រាប់ទៀត ហើយជួយឲ្យក្រុមឆែលស៊ី​យក​ឈ្នះ ក្រុមប្រិនហ្វដ (Brentford) ដោយលទ្ធផល ៤-០ក្នុងការប្រកួត អេហ្វអេខាប់ (FA Cup) និងជួយឲ្យក្រុម កក់កៅអី​ទៅវគ្គបន្ទាប់ដែលត្រូវជួបជាមួយក្រុម មីដលប្រូ (Middlesbrough) ក្នុងជុំទី៥។

ម៉ាតា បានបន្ថែមថា នឹងមានអ្វីជាច្រើនទៀត ដែលកីឡាករខ្សែបំរើវ័យក្មេងរូបនេះ នឹង ផ្តល់ជូន។

គាត់បន្តថា «អូស្កា ជាកីឡាករដ៏អស្ចារ្យម្នាក់។ គាត់មានអាយុត្រឹមតែ២១ឆ្នាំ ក្មេងណាស់ តែគាត់បានក្លាយ ទៅជា​កីឡាករ​ដ៏ល្អរួចទៅហើយ។ ខ្ញុំមានអារម្មណ៏សប្បាយរីករាយ ណាស់ដែលបានលេងជាមួយគាត់។ ខ្ញុំរីករាយពីព្រោះ គាត់ជាកីឡាករ​ដែលអស្ចារ្យម្នាក់»។

នៅពេលដែលពាក្យចចាមអារាមនៅតែបន្ត ជុំវិញបញ្ហាអនាគតរបស់អ្នកចាត់ការបណ្តោះ អាសន្នទៅលើ លោក រ៉ាហ្វា បិនីតេស (Rafa Benitez) នោះ កីឡាករម៉ាតាបានប្រាប់ឲ្យដឹងថា កីឡាករក្នុងក្រុមទាំងអស់ ស្ម័គ្រចិត្តជួយដល់អ្នកចាត់ការ​រូបនេះឲ្យអស់ពីលទ្ធភាព។

ខ្សែបំរើអន្តរជាតិអេស្ប៉ាញរូបនេះដដែលបានបន្តថា «រ៉ាហ្វា គឺជាអ្នកចាត់ការទូទៅ យើងទាំង អស់គ្នានៅជាមួយគាត់ ដើម្បី​គាំទ្រគាត់។ អ្នកចាត់ការ បុគ្គលិក កីឡាករ និងអ្នកគាំទ្រទាំងអស់ ចង់បានអ្វីៗដូចគ្នា គឺដើម្បីឈ្នះពានរង្វាន់។ ដូច្ឆេះយើង​មកទីនេះ ដើម្បីឈ្នះ»៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៩ ខែកុម្ភះ ឆ្នាំ២០១៣
ប្រភព៖ The Sun
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ