តាមរយះ លោក Xavier Niel ប្រធានក្រុមហ៊ុន Free ដែលបានធ្វើការបង្ហាញ នូវផលិតផលថ្មីនេះ​ បានគូសបញ្ជាក់ថា តំលៃសេវាប្រចាំខែ ហៅចេញដែលគ្មានកំណត់ពេលវេលា រួមទាំងការហៅចេញ​, SMS, និង សេវា អ៊ិនទើណែត គឺមានតំលៃត្រឹមតែ ១៩,៩៩ អឺរ៉ូ ប៉ុណ្ណោះ។ ហើយបើសិន ជាអតិថិជន ដែលមានជីវភាពនៅក្រោមកំរិតមធ្យម ហើយមិនមានប្រាក់ខែគ្រប់គ្រាន់ ទៅតាមកំរិតអប្បបរមា RSA របស់ច្បាប់ប្រទេសបារាំង ក្រុមហ៊ុន ហ្រ្វ៊ី Free នឹងមាន​ តំលៃសេវាប្រចាំខែ ហៅចេញ រយះពេល ៦០នាទី​និង ៦០SMS សំរាប់អតិថិជនទាំងនោះ ត្រឹមតែ ២អឺរ៉ូ ប៉ុណ្ណោះ។

មិនត្រឹមតែប៉ុណ្ណោះ ក្រុមហ៊ុន ហ្រ្វ៊ី Free ក៏បានបញ្ចុះតំលៃទាំងនេះបន្ថែមទៀត ប្រសិនបើ អតិថិជននោះធ្លាប់ជាអតិថិជនរបស់ ក្រុមហ៊ុន ហ្រ្វ៊ី Free រួចមកហើយុ។

ការចេញនូវតារាងនេះបានធ្វើអោយរសើបយ៉ាងខ្លាំងទៅដល់ក្រុមហ៊ុនទូរទមនាគម ចាស់ៗ ផ្សេងៗទៀត ដែលរហូតមកទល់សព្វថ្ងៃ មិនមានក្រុមហ៊ុនទូរទមនាគមណាមួយ ហ៊ានបញ្ចុះតំលៃខ្លាំងបែបនេះទេ។​ នេះក៏ជារបត់ថ្មីមួយ ដែលនឹងផ្ដល់សន្ទុះ ទៅដល់ សេដ្ឋកិច្ចបារាំង នូវរូបរាងនៃការចាយវាយ pouvoir d'achat របស់ប្រជាជននៃប្រទេសនេះ ៕

ប្រភពពតមាន និងរូបភាព : AFP