អតីតប្រធានព្រឹទ្ធសភា និងជាប្រធានគណបក្សប្រជាជនកម្ពុជា លោក ជា ស៊ីម បានទទួលមរណភាព ក្នុង​ជន្មា​យុ​៨២ឆ្នាំ ដោយរោគាពាធ កាលពីថ្ងៃទី៨ ខែមិថុនា ឆ្នាំ២០១៥កន្លងទៅ។ នាវេលាម៉ោង ជាង៧ព្រឹក ថ្ងៃទី១៩ ខែមិថុនា សពរបស់លោក ត្រូវបានដង្ហែ ពីភូមិគ្រឹះរបស់លោក នាបុរីចំការមន មកកាន់មេរុ នៅសួន​ច្បារមុខ​វត្ត​បទុមវត្តី។ ហើយព្រះករុណា ព្រះបាទសម្តេច ព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នឹងប្រទានភ្លើងបូជាសព នាម៉ោងជិត៤រសៀល ថ្ងៃដដែល។

ក្បួនដង្ហែរដោយថ្មើរជើង ត្រូវបានរៀបឡើង ជាផែននៃយុវជន ប្រជាពលរដ្ឋ មកពីបណ្តាខេត្តនានា មន្ត្រីរាជការ​គ្រប់ជាន់ថ្នាក់ អង្គទូតនានា។ ក្នុងពិធីដង្ហែ និងបូជាសពនេះ យ៉ាងហោចណាស់ មានស្ថានីយទូរទស្សន៍ចំនួនប្រាំ បាននឹងកំពុងធ្វើការផ្សារបន្តរផ្ទាល់។

» សូមទស្សនារូបភាព ពីពិធីបុណ្យនេះ ដូចខាងក្រោម៖