បារ៉ាក់ អូបាម៉ា សរសើរភូមា តែរិះគន់កម្ពុជា

បារ៉ាក់ អូបាម៉ា ក្លាយជាប្រធានាធិបតីក្នុងតំណែងទីមួយ របស់សហរដ្ឋ​អាមេរិក ដែលបានធ្វើទស្សកិច្ចជាផ្លូវការ នៅ​ភូមា និង​កម្ពុជា ប្រទេសពីរ​ដែលល្បីខាង ការ​រំលោភសិទ្ធ​មនុស្ស តាំងពីច្រើនទសវត្ស​មក​ហើយ។
បារ៉ាក់ អូបាម៉ា សរសើរភូមា តែរិះគន់កម្ពុជា
ជំនួបចាប់ដៃ រវាងប្រធានាធិបតីអាមេរិកាំអ បារ៉ាក អូបាម៉ា និងនាយករដ្ឋមន្ត្រីខ្មែរ ហ៊ុន សែន នៅភ្នំពេញ។ (រូបថត៖ AP Photo/Vincent Thian)
Loading...
  • ដោយ: កេសរ កូល ([email protected]) - ភ្នំពេញ ថ្ងៃទី២០ វិច្ឆិកា ២០១២
  • កែប្រែចុងក្រោយ: November 20, 2012
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

ដំណើរទស្សនកិច្ច លឿនដូចផ្លេកបន្ទោររបស់ ប្រធានាធិបតីអាមេរិកាំង នៅតំបន់អាស៊ីអាគ្នេយ៍​ បាន​អនុញ្ញាត​ អោយ​គេ​ដឹងពី​ ជំហររបស់អាមេរិក ចំពោះប្រទេសចំនួនពីរ «កម្ពុជា» និង«ភូមា» ក្នុងសំនុំរឿង​ហឹង្សានយោបាយ ភាព​ក្រីក្រ និងការ​គាបសង្កត់។

នៅចំពោះមុខ​ការទទួល យ៉ាងខ្លាំងក្លា ពីសំណាក់បណ្ដាជនភូមា លោក បារ៉ាក់ អូបាម៉ា () បានហុច «ដៃ​នៃ​មិត្តភាព» ដើម្បីអបអរសារទរប្រទេសមួយនេះ ក្នុងដំណើរកែទម្រង់ ទៅរកលទ្ធិប្រជាធិបតេយ្យ បើ​ទោះ​ជា ត្រូវ​ប្រើ​រយៈ​ពេល​យូរ យ៉ាងណាក៏ដោយ។ តែនៅប៉ុន្មានម៉ោង​ក្រោយមក លោកបាន​មកដល់កម្ពុជា ជាមួយ​នឹង​ការ​រិះគន់ លើបញ្ហា​សិទ្ធិ​មនុស្ស ដែលកើតមាន ក្នុងប្រទេសប្រធានផ្លាស់វេន របស់អាស៊ានមួយនេះ ក្នុង​ជំនួប​ជាលក្ខណៈ​ឯកជន ជាមួយ​នាយក​រដ្ឋមន្ត្រី​ខ្មែរ។ ​

លោកប្រធានាធិបតីអាមរិក ចង់អោយក្ដីសង្ឃឹម ទៅប្រជាជន​នៃប្រទេសមួយចំនួនក្នុងលោក ជា​ពិសេស គឺ​​ប្រជាជន​កម្ពុជា។ នេះ បើតាមការអះអាង របស់អ្នកទទួលខុសត្រូវមួយរូប របស់សេតវិមាន។ មន្ត្រីរូប​នោះ បាន​និយាយ​ថា លោក អូបាម៉ា បាន​លើក​ពីប្រទេសភូមា ថាជារដ្ឋគំរូ​ដ៏ចំណាស់មួយ ដែលគេ​គួរយក​តម្រាប់​តាម ក្នុង​ជំនួប​ទ្វេភាគី ជាមួយ​លោក ហ៊ុន សែន។ រដ្ឋបុរស​ទាំងពីរ មិនបាន​ផ្ដល់​កិច្ចសម្ភាស​អ្វី នៅ​ក្រោយ​ជំនួប ទៅ​កាន់​អ្នក​កាសែត​នោះទេ ដោយគ្រាន់តែបង្ហាញ នៅពីមុខ​ម៉ាស៊ីនថត ថាបាន​ចាប់ដៃគ្នា​ដោយទំនង​ជា ខ្វះ​ភាព​កក់ក្ដៅមួយ។

តាមអ្នកទទួលខុសត្រូវ អាមេរិកាំង លោកប្រធានាធិបតី បានសុំអោយ​លោក ហ៊ុនសែន ដោះលែង​អ្នក​ទោស​នយោបាយ បញ្ឈប់ការរឹបអូសដីធ្លី ហើយរៀបចំ អោយមានការបោះឆ្នោតសេរី និងត្រឹមត្រូវ។ អ្នក​ទទួល​ខុស​ត្រូវ​​ដដែល បានទទួល​ស្គាល់ថា ជំនួប​មានភាពតឹងតែង ដោយសារ​លោក​នាយក​រដ្ឋមន្ត្រីខ្មែរ បាន​ការពារ​​គោល​ជំហរ របស់​លោក និងចង់អោយ​​​មាន​​ចំណង​ទាក់ទង កាន់តែរឹងមាំ ជាមួយ​សហរដ្ឋអាមេរិក។

អ្នកទទួលខុសត្រូវរូបនោះ បានបញ្ជាក់ថា ប្រធានាធិបតី​អាមេរិក នឹងមិនមកកាន់​ប្រទេស​កម្ពុជា​ទេ បើ​មិន​មាន​ជំនួប​កំពូល ប្រចាំ​តំបន់ នៅក្នុងប្រទេសនេះ។ ជាគោលជំហរ ទៅលើប្រទេសមួយ ដែលកម្រមាន នៅ​ពេល​ដែល​ដំណើរ​ទស្សនកិច្ច​ កំពុងតែធ្វើ​រួចទៅហើយ លើទឹកដី​នៃប្រទេសនោះ។

នៅតាមដងផ្លូវ គេបានឃើញមានបដា ទទួលស្វាគមជាច្រើន តែបដាទាំងនោះ ធ្វើសម្រាប់​នាយក​រដ្ឋមន្ត្រី​ចិន វ៉េន ជៀបាវ និងមិនមែនសម្រាប់អបអរប្រធានាធិបតីអាមេរិកនោះទេ។

សកម្មជនសិទ្ធិមនុស្ស ជាច្រើនបានបារម្ភថា លោកនាយករដ្ឋមន្ត្រី ហ៊ុន សែន អាចនឹងប្រើប្រាស់​រូបភាព នៃ​ដំណើរ​ទស្សនកិច្ច​​របស់​​​លោក អូបាម៉ា ដើម្បីបង្ហាញ​ពី​ភាពត្រឹមត្រូវ នៃការប្រើអំណាច យ៉ាងចាស់ដៃ អស់​រយៈ​ពេល​​ជាង​៣០ឆ្នាំ​របស់​គាត់ និងដើម្បីបង្រ្កាប​​ចលនា​ប្រឆាំង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...