ក្បាច់ទាត់បាល់បញ្ចូលទីដ៏អស្ចារ្យ មិនដែលឃើញ របស់អតីតស្ដេចបាល់ទាត់ (vdo)
- ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី០៩ តុលា ២០១៤
- កែប្រែចុងក្រោយ: October 10, 2014
- ប្រធានបទ: កម្រ
- អត្ថបទ: មានបញ្ហា?
- មតិ-យោបល់
-
ប្រសិនបើយើងនាំគ្នាហៅលោក ថាជា«ស្ដេចបាល់ទាត់» មិនមែនគ្រាន់តែបានហៅ ឲ្យតែឮៗនោះទេ។ អតីតជើងឯក ក្នុងក្រុមជម្រើសជាតិប្រេស៊ីល ដែលទទួូលបានពានរង្វាន់បាល់ទាត់ពិភពលោក ដល់ទៅ៣ដងជាប់គ្នារូបនេះ នៅពេលនោះ កំពុងទាត់ឲ្យក្រុមអាជីព FC Santos។ លោក ប៉ឺឡេ ដែលមានឈ្មោះពេញរបស់លោកថា អេសុន អារេតេ ដូ ណាស៊ីម៉េនតូ (Edson Arantes Do Nascimento) បានទាត់នៅក្នុងក្រុមបាល់ទាត់អាជីពនេះ រហូតរយៈពេល២០ឆ្នាំ និងបន្ទាប់មក បានចូលមកទាត់ឲ្យក្រុម Cosmos នៃទីក្រុងញ៉ូយក សហរដ្ឋអាមេរិក មុននឹងលោកបានចូលនិវត្តន៍ ខាងវិស័យបាល់ទាត់។
នៅពេលដែលលោក បានចាប់ផ្ដើមអាជីពជាកីឡាករបាល់ទាត់ នៅចុងទស្សវត្តន៍ឆ្នាំ៥០ ស្ថានីយទូរទស្សន៍នាសម័យនោះ មិនមានលទ្ធភាពខ្លាំងក្លា ក្នុងការផ្សាយផ្ទាល់ ឬថតទុកទាំងអស់ ពីរាល់ការប្រកួតនីមួយៗនោះឡើយ។ ជាពិសេសដូចនៅក្នុងវីដេអូនេះ ដែលរំលឹកឡើងវិញ ពីការប្រកួតរវាងក្រុមបាល់ទាត់របស់លោក ជាមួយនឹងក្រុម Esporte Clube Juventude នៅថ្ងៃទី២ ខែសីហា ឆ្នាំ១៩៥៩។
នៅក្នុងរូបភាពខាងក្រោម ដែលបានមកពីការរៀបចំឡើងវិញជា 3D គេបានឃើញ តារាបាល់ទាត់ដ៏កំពូលនាសម័យនោះ បានប្រឡែងលេងប្រកបដោយ កាយវិការយ៉ាងប៉ិនប្រសប់ ជាមួយនឹងខ្សែការពារ ហើយបន្ទាប់មកជាមួយនឹងអ្នកចាំទី របស់ក្រុមគូរប្រជែង មុននឹងទាត់ទំលាយសំណាញ់ យកបានមួយគ្រាប់ឲ្យក្រុមរបស់ខ្លួន៕