«ជ្រែ»យន្ដហោះ ដើម្បីធ្វើសញ្ញា«លាហើយ» (vdo)
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី០៣ តុលារ ២០១៤
- កែប្រែចុងក្រោយ: October 04, 2014
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
«ការលាដ៏ចំកួតឡឺកឺ» នេះជាពាក្យដែលក្រុមអ្នកប្រើប្រាស់ បណ្ដាញអ៊ិនធើណែត បានប្រើប្រាស់ ដើម្បីធ្វើការស្ដីបន្ទោស ទៅអ្នកបើកបរយន្ដហោះ នៅក្នុងវីដេអូមួយ ដែលត្រូវបានបង្ហោះក្នុងសប្ដាហ៍នេះ នៅលើគេហទំព័រយូធូប (YouTube)។ រូបភាពក្នុងវីដេអូ បានបង្ហាញពីយន្ដហោះដឹកទំនិញធុន ប៊ូអ៊ីង (Boeing) មួយគ្រឿង បានបង្ហើបខ្លួនហោះចេញពីរោងចក្រ ប៊ូអីង ស្ថិតនៅក្បែរក្រុង សៀតថល (Seattle) នៃរដ្ឋវ៉ាស៊ីនតោន សហរដ្ឋអាមេរិក បន្ទាប់ពីយន្ដហោះនោះ ទើបនឹងត្រូវបានក្រុមហ៊ុនផលិតយន្ដហោះមួយនេះ ផ្លាស់ប្ដូរម៉ាស៊ីនថ្មីឲ្យរូចមក។
រឿងដែលបង្កការហួសចិត្តនោះ គឺអ្នកបើកបរ បានបើកយន្ដហោះបង្ហោះឡើងពីដី ជាមួយនឹងការធ្វើចលនាតាម «ការលើកដៃលា» ដោយផ្អៀងជាលើកដំបូងទៅឆ្វេង និងជាថ្មីទៀតទៅខាងស្ដាំ។ កាយវិការនេះ ត្រូវបានអ្នកបើកបរយន្ដហោះជាច្រើននាក់ តែងគិតថា ដើម្បីលេងសប្បាយ តែវាបានបង្ហាញពីហនិភ័យ ប្រកបដោយសោកនាដកម្មដ៏ធំធេង ប្រសិនបើការផ្អៀងយន្ដហោះ ដែលធ្វើនៅកំពស់ទាបបែបនេះ អាចធ្វើឲ្យស្លាបយន្ដហោះទៅទាក់ ជាមួយនឹងបង្គោលភ្លើងណាមួយ នៅនឹងក្បែរព្រលាន។
ឆ្លើយតបនឹងការសាកសួរ របស់សារព័ត៌មាន L'essentiel ក្រុមហ៊ុនអាកាសចរណ៍ កាហ្គោលុច (Cargolux) បានទទួលស្គាលពីហេតុការណ៍នេះ ហើយបានបញ្ជាក់ថា នៅលើយន្ដហោះ មានសមាជិកបម្រើការតែ៣នាក់ និងបុគ្គលិកបួននាក់ផ្សេងទៀតប៉ុណ្ណោះ។ ក្រុមហ៊ុនបានអះអាងថា យន្ដហោះប៊ូអីញ 747-8F នេះ មិនមានទំនិញអ្វីឡើយ ប៉ុន្តែបានសង្កត់ធ្ងន់ថា ក្រុមហ៊ុនខ្លួនមានក្រិត្យក្រមសុវត្ថិភាព តឹងតែងសម្បើមណាស់។
យន្ដហោះប៊ូអីញ 747-8F ជាយន្ដហោះដឹកទំនិញទី១១ ដែលម៉ាស៊ីនរបស់វា ទើបនឹងផលិតចេញពីក្រុមហ៊ុនប៊ូអីញ សម្រាប់ហោះភ្ជាប់ពីប្រទេសលុចស៊ាំងប៊ួរ ទៅកាន់ទីក្រុង ជីនចូវ ប្រទេសចិន។ សម្រាប់អ្នកនាំពាក្យ ឲ្យសមាគមអ្នកបើកបរយន្ដហោះ នៅក្នុងប្រទេសលុចស៊ាំប៊ួរ លោក ដៀក ប៊ែរឃើរ (Dirk Becker) បានផ្ដល់កិច្ចសម្ភាសទៅអ្នកសារព័ត៌មានដែរ ពីការទាមទារឲ្យមានការបំភ្លឺច្បាស់លាស់ នៅក្នុងសំនុំរឿងនេះ។ លោកបានថ្លែងព្រមានក្រុមហ៊ុនអាកាសចរណ៍ថា៖ «ត្រូវយល់ឲ្យច្បាស់ ពីការទទួលខុសត្រូវរបស់ខ្លួន»៕