បើនិយាយទៅ ការទាត់បញ្ចូលទី គឺអស្ចារ្យណាស់ អស្ចារ្យយកតែមែនទែន។ តែលោតទៅធ្លាក់អន្លង់ ទើបវា​កាន់តែអស្ចារ្យទៅទៀត។ ព្រោះដើម្បីអបអរសាទរគ្រាប់បាល់ ដែលខ្លួនរកបានដើម្បីនាំជ័យជំនះដាច់ (៣-១) ឲ្យ​ក្រុម គ័រីទីបា (Coritiba) របស់ខ្លួន លើក្រុម សាវប៉ាវឡូ (São Paulo) ក្នុងប្រទេសប្រេស៊ីលនោះ កីឡាករ​ខ្សែ​​ប្រយុទ្ធ ចូអែល (Joel) បានសាកល្បងរត់ចេញពីទីលាន ដើម្បីទៅឲ្យជិតអ្នកគាំទ្ររបស់ខ្លួន។

តែដឹងអី គ្រាន់តែលោតរំលង ពីលើរបងផ្សាយពាណិជ្ជកម្មនោះរួច ស្រាប់តែ... អុញ នរណាអញ្ចេះ យកអន្លង់​មកដាក់នៅ​ទីនេះ? ភ្នាក់ងាររក្សាសណ្ដាប់ធ្នាប់ ដែលឈរនៅក្បែរនោះ ខំប្រឹងធ្វើសញ្ញាដាក់កីឡាករ កុំឲ្យ​លោត​មកទីនោះដែរ តែរវល់តែសប្បាយ នរណាទៅមានភ្នែកសម្លឹងមើលនោះ?

ប៉ុន្តែមើលទៅ ហេតុការណ៍នេះគ្រាន់តែឲ្យកីឡាករយើង ភ័យបុកពោះតែបន្តិចប៉ុណ្ណោះ ព្រោះត្រូវបានគេ​ជួយ​លើកមកលើវិញ ដោយគ្មានរបួសអ្វីឡើយ។ តែលើកក្រោយ គួតែស្ទាបជាមុនសិន មុននឹងលោតទៅ​សប្បាយ៕

ទស្សនាវីដេអូ៖