សេចក្ដីថ្លែងការណ៍រួមនោះ ត្រូវបានអានដោយតំណាងរដ្ឋាភិបាល នៃប្រទេសញូហ្សេឡេន នាឱកាសនៃកិច្ចប្រជុំក្រុមប្រឹក្សាសិទ្ធិមនុស្ស របស់​អង្គការសហប្រជាជាតិ កាលពីថ្ងៃពុធ ទី២១ ខែមីនា ក្នុងក្រុងហ្សឺណែវ ប្រទេសស្វីស។ តំណាងរដ្ឋាភិបាលកម្ពុជា ក៏មានមុខ នៅក្នុងអង្គប្រជុំនោះដែរ។

បណ្ដាប្រទេសទាំង៤៥នោះ ដោយរួមមានប្រទេសធំៗ ដូចជាអាមេរិក អង់គ្លេស បារាំង អាល្លឺម៉ង កាណាដា និងប្រទេសអូស្ត្រាលី​ជាដើមនោះ បានសំដែងការខ្វាយខ្វល់ យ៉ាងជ្រាលជ្រៅ នៅចំពោះការធាក់ថយក្រោយ នៃសិទ្ធិពលរដ្ឋ និងសិទ្ធិនយោបាយ នៅកម្ពុជា។ សេចក្ដីថ្លែងការណ៍នោះ មានដាក់ជូនអានទាំងស្រុង ជាខេមរភាសា នៅខាងក្រោមអត្ថបទ។

#Cambodia: Strong joint-statement on Cambodia read out at the Human Rights Council yesterday by New Zealand on behalf of 44 countries: "...our previous optimism has been replaced by deep concern about the recent serious decline of civil and political rights in Cambodia." #HRC37 pic.twitter.com/6ovZPxbIyw

— Kingsley Abbott (@AbbottKingsley) 22 mars 2018

ការអំពាវនាវ របស់ប្រទេសទាំង៤៥ ត្រូវបានលោក ផៃ ស៊ីផាន រដ្ឋលេខាធិការ និងអ្នកនាំពាក្យទីស្ដីការគណៈរដ្ឋមន្ត្រី ប្រតិកម្មតបវិញ ដោយអះអាងថា កម្ពុជា ជារដ្ឋឯករាជ្យមួយ និងមិនអាចធ្វើតាម ការចង់បានរបស់បរទេស ឬប្រទេសណាមួយឡើយ។

ចំពោះលោក​ ​ណី សំអុល​ ​ឯក​អគ្គ​រាជ​ទូត នៃស្ថាន​តំណាង​អចិន្ត្រៃយ៍​របស់​កម្ពុជា ប្រចាំនៅអង្គការសហប្រជាជាតិ ក្នុង​ទី​ក្រុង​ហ្សឺណែវ​ ធ្លាប់បានប្រកាសទាត់ចោល រួចជាមុនហើយ កាលពីសប្ដាហ៍កន្លងមក នូវសេចក្ដីថ្លែងការណ៍ទាំងឡាយណា ដែលលោកហៅថា ធ្វើឡើងដើម្បីប្រឆាំងរដ្ឋាភិបាលកម្ពុជា និងមានបំណងនយោបាយ ចង់បង្កើតឲ្យមានបដិវត្តន៍ពណ៌ ដើម្បីឈានទៅ​ប្ដូររបបដឹកនាំ នៅក្នុងប្រទេសអធិបតេយ្យមួយ៕

» ខាងក្រោមនេះ ជាសេចក្ដីថ្លែងការណ៍រួមនោះទាំងស្រុង ដែលត្រូវបានបកប្រែ ក្រៅផ្លូវការ៖