ហង្សមាស សំឡឹង​ឃើញ​កូន​ស្រី​លោក ហួ ឡាវី

ខណៈផលិតកម្មរស្មីហង្សមាសសម្បូរអ្នកចម្រៀងរីកយ៉ាងព្រោងព្រាតនោះ ថ្មីៗនេះក៏មានការលេចដំណឹងថាកញ្ញាវី ឌីណែត ដែលជាអ្នកចម្រៀងថ្មី និងត្រូវជាកូនស្រីបង្កើត របស់អ្នកចម្រៀងជើងចាស់សំឡេងស្គក ហួ ឡាវីនោះផង ត្រូវបានផលិតកម្មសង្សមាស សំឡឹងឃើញយ៉ាងជជក់មាត់ពីគុណសម្បិត្តរបស់នាង។ ប្រភពនោះបានឲ្យ​ដឹងទៀត​ថា ក្នុងពេលឆាប់ៗខាងមុខនេះ កញ្ញា ឌីណែត នឹងត្រូវបញ្ចូលជាតារាថ្មីមួយដួង មកក្នុងផលិតកម្មជាផ្លូវការ និងបាន​បន្ថែមទៀតថា ផលិតកម្មមានបទចម្រៀងមួយចំនួន ត្រៀមឲ្យតារាថ្មីនេះថតបញ្ចូលថាសរួចទៅហើយ ។
Loading...
  • ដោយ: សំនៀង
  • កែប្រែចុងក្រោយ: November 30, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ខណៈផលិតកម្មរស្មីហង្សមាសសម្បូរអ្នកចម្រៀងរីកយ៉ាងព្រោងព្រាតនោះ ថ្មីៗនេះក៏មានការលេចដំណឹងថាកញ្ញាវី ឌីណែត ដែលជាអ្នកចម្រៀងថ្មី និងត្រូវជាកូនស្រីបង្កើត របស់អ្នកចម្រៀងជើងចាស់សំឡេងស្គក ហួ ឡាវីនោះផង ត្រូវបានផលិតកម្មសង្សមាស សំឡឹងឃើញយ៉ាងជជក់មាត់ពីគុណសម្បិត្តរបស់នាង។ ប្រភពនោះបានឲ្យ​ដឹងទៀត​ថា ក្នុងពេលឆាប់ៗខាងមុខនេះ កញ្ញា ឌីណែត នឹងត្រូវបញ្ចូលជាតារាថ្មីមួយដួង មកក្នុងផលិតកម្មជាផ្លូវការ និងបាន​បន្ថែម​ទៀតថា ផលិតកម្មមានបទចម្រៀងមួយចំនួន ត្រៀមឲ្យតារាថ្មីនេះថតបញ្ចូលថាសរួចទៅហើយ ។


កញ្ញាវី ឌីណែត អ្នកចម្រៀងវ័យក្មេង និងត្រូវជាកូនស្រីបង្កើត របស់អ្នកចម្រៀងជើងចាស់សំឡេងស្គក ហួ ឡាវី។ (រូបថត MONOROOM.info/ Samneang)

តារាចម្រៀង - បើទោះបីជាហង្សមាស មានតារាល្បីរីកសុសសាយសឹងតែគ្រប់ជ្រុងទៅហើយក្តី និងអ្នកដឹកនាំ​ផលិតកម្ម​សម្បូរស្ទីល​ប្លែកទាក់ទាញអារម្មណ៍មហាជនយ៉ាងណាក្តី តែវានៅតែមិនទាន់ស្កប់ស្កល់ ចំពោះមហាជន​ដែល​​ផលិតកម្ម​ចង់បម្រើនោះឡើយ។ ដោយហេតុនេះហើយ ទើបផលិតកម្មហង្សមាស ត្រូវចម្រាញ់រក​សមាជិកថ្មីៗ​បន្ថែម ពោលគឺនៅតែស្វែងរកតារាមានសមត្ថភាពសំឡេង មកចែកជូនអ្នកស្តាប់ ដើម្បីឲ្យប្លែកអារម្មណ៍បន្តទៀត។ អ្នកគាំទ្រផលិតកម្ម សង្សមាស សុទ្ឋតែយល់ថាបើតារាណាបានចូលច្រៀងហង្សមាសនោះ ច្បាស់ជាមានអនាគត​ទ្វេឡើងទៀត បើទោះជាតារាទាំងនោះ មិនមានឈ្មោះបោះសម្លេង ពីមុនមកយ៉ាងណាក៏ដោយ។

តារាចម្រៀងជើងថ្មីដែលប្រសូត្រចេញ ពីកម្មវិធីប្រលងចម្រៀងកុមារនៅប៉ុស្តី៍លេខ៣ កញ្ញា វី ឌីណែត ដែលត្រូវបាន​ថ្នាក់ដឹកនាំហង្សមាសសម្រេចចិត្តគិតទទួលយកនោះ ព្រោះតែកន្លងមក​នាងអាចឡើងច្រៀងបាន យ៉ាងពិរោះរណ្ដុំ​ចិត្តទាំងចម្រៀងជាភាសាអង់គ្លេស និងជាភាសាខ្មែរ។ សំឡេងគួបផ្សំនឹងការតាក់តែងខ្លួន សមជាយុវវ័យជំនាន់ថ្មី ទើប​​ធ្វើឲ្យតារាទើបនឹងរះនេះ កាន់តែស្ថិតក្នុងក្រសែភ្នែកថៅកែផលិតកម្ម តាមប្រមាញ់តាំងពីនាងទើបនឹងចូល​សម្តែង តាមប៉ុស្តី៍ទូរទស្សន៍នានាមកម្លេះ។

ក្នុងជំនួបចៃដន្យពេលកំពុងមានវត្តមាន ក្នុងពិធីរៀបមង្គលការមួយកាលពីពេលថ្មីៗកន្លងទៅ កញ្ញាវី ឌីណែត ដែល​ពេញរូបរាងមានសម្រស់គួរឲ្យទាក់ទាញផងនោះ បានទទួលស្គាល់ថា កន្លងមកនាងត្រូវបានថ្នាក់ដឹកនាំ​ផលិតកម្ម​ហង្សមាស ទាក់ទងប្រាកដមែន។ ឌីណែត បានបញ្ជាក់ប្រាប់ថា ផលិតកម្មហង្សមាសបានហៅនាង តាំងពី៣-៤ខែ​មុន តែនាងនៅមិនទាន់ដឹងថា បានសម្រេច១០០%ឬអត់ទេ។ អ្វីដែលសំខាន់នោះ គឺគ្រាន់តែនាងដឹងថា ពួកគាត់​កំពុងតែនិពន្ឋបទចម្រៀងឲ្យនាងបណ្តើរៗសិន ពេលរួចរាល់ នាងនឹងត្រូវច្រៀងបញ្ចូលថាសចម្រៀងសាកល្បង​ ចង់​ដឹងថាទៅរួចឬអត់។

ផលិតកម្មហង្សមាស ជាផលិតកម្មធំមួយក្នុងស្រុក និងមានភាពល្បីល្បាញ ក្នុងការទទួល​បានគាំទ្រពីមហាជន​ស្ទើរ​គ្រប់ទិសទី។ «ធំនិងល្បី» ដែលធ្វើឲ្យតារាចម្រៀងដែលមានសមត្ថភាពជាច្រើន ​ប្រាថ្នា​ចង់បានទ្រនំ​ដ៏គាប់ប្រសើរ​នេះ​មកស្នាក់អាស្រ័យ ដើម្បីឲ្យកេរ្តិ៍ឈ្មោះរបស់ខ្លួនហក់ឡើងកាន់តែខ្លាំង។ តែផ្ទុយ​ទៅវិញ ពួកតារាទាំងនោះ​មិន​សូវ​ជា​ត្រូវបាន​ផលិតកម្មនេះ មើលឃើញប៉ុន្មានឡើយ។

ពេលសួរថា តើមានមូលហេតុអ្វី បានជាគេមកសួរនាំនាងហើយ ដាក់តម្រុយឲ្យក្លាយជាសមាជិកថ្មី? ចុះបើក្លាយ​ជា​ការពិតមែននោះ តើកញ្ញាគិតថានឹងពង្រឹងសមត្ថភាពដូចម្តេចខ្លះ? តារាចម្រៀងជើងថ្មីរូបនេះបានឆ្លើយថា «ប្រហែល​ជាគេមើលពីសមត្ថភាពទេដឹង បានជាខាងផលិតកម្មសួរនាំខ្ញុំ។ កន្លងមក តារារៀមច្បង​នៅ​ហង្សមាស​គេសុទ្ឋតែ​ធ្វើ​បានល្អ អត់មានអ្នកណាមួយ​មិនកើតទេ ទាំងច្រៀងទាំងកាយវិការ និងក្បាច់រាំ។» នាងដាក់ការអះអាងនេះ ទៅលើ​ទេពកោសល្យ​ច្រើនជាងរូបសម្បិត្ត ជាពិសេសគឺទឹកដមសំឡេងរបស់នាងតែម្ដង។ កញ្ញាបន្ថែមថា បើសិនជា​នាង​ក្តាប់ឱកាសបានមែន នាងនឹងពង្រឹងខ្លួនឯង ឲ្យកាន់តែស្ទុះឡើង​ដើម្បីឲ្យកាន់តែល្អ​ដូច​អ្នកមុន។

សូមបញ្ជាក់ថា ចាប់តាំងពីជាប់ជ័យលាភីលេខមួយ នៅក្នុងកម្មវិធីប្រលងចម្រៀងកុមារនៅប៉ុស្តី៍លេខ៣មក តារា​ទើបនឹងរះថ្មីរូបនេះ តែងតែបណ្តែតខ្លួនជាមួយវេទិកាតន្ត្រី តាមស្ថានីយ៍ទូរទស្សន៍ក្នុងស្រុកនានាជាច្រើន។ ដំបូង​ឡើយ នាងត្រូវបានគេស្គាល់ថា បាន​បង្ហាញ​វត្តមាននៅលើកញ្ចក់ទូរទស្សន៍បាយ័ន ក្នុងនាទី«យុទ្ឋជនសមរភូមិមុខ»​ដែលស្ថានីយ៍បាននាងច្រៀងជាមួយតារាជំនាន់មុខជាច្រើននាក់ ហើយក្រោយមក ក៏ត្រូវបានស្ថានីយ៍​ទូរទស្សន៍​ដដែល ឧស្សាហ៍ហៅឲ្យនាងសម្ដែងជាញឹកញាប់ រហូតដល់មានស្ថានីយ៍ទូរទស្សន៍ផ្សេងៗទៀត ហៅនាងឲ្យ​ឡើង​ច្រៀងដូចគ្នា រហួតមកទល់នឹងពេលនេះ៕

សូមរីករាយនឹងចម្រៀងនាងមួយបទ ដែលទស្សនាវដ្ដីមនោរម្យព័ងអាំងហ្វូរកឃើញ នៅលើបណ្ដាញចែក​ផ្សាយ​វីដេអូ យូធូប៖

---------------------------------------------
ដោយ៖ សំ នៀង - ភ្នំពេញ ថ្ងៃទី៣០ ខែវិច្ឆិកា ឆ្នាំ២០១៣
រក្សាសិទ្ធិគ្រប់យ៉ាងដោយ៖ ទស្សនាវដ្តីមនោរ្យអំាងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...