ចម្រៀងកុមារ ទម្លាប់កូនល្អ

កំណាព្យបទ កាកគតិ

១. ឱមាន់រងាវ គ្រហ៊ឹមកញ្ជ្រៀវ មិត្តអើយសូមភ្ញាក់
ក្រោកឡើងរៀបចំ មុងភួយទុកដាក់ ឲ្យត្រូវតាមថ្នាក់
ថតទូខ្ពស់ទាប ។

២. ព្រឹកព្រលឹមហើយ ឱមិត្តយើងអើយ នាំគ្នាប្រុងប្រៀប
ដុះធ្មេញមុជទឹក ត្រូវតាមរបៀប រួចហើយយើងរៀប
ស្រស់ស្រូបពេលព្រឹក ។

៣. ស្លៀកពាក់រួចហើយ ឱមិត្តយើងអើយ កុំបីភ្លាំងភ្លឹក
លាពុកនិងម៉ែ ទាន់ពេលនៅព្រឹក តាមលោករំឮក
ទៅសាលារៀន៕

----------------------------------------------
និពន្ធដោយ៖ យី ឆេងអ៊ួ (ប៉េង)  - ភ្នំពេញថ្ងៃទី ១៣ ខែ សីហា ឆ្នាំ ២០១១
កែសម្រួលលើកទី២៖ ថ្ងៃទី ១១ ខែ ឧសភា ឆ្នាំ ២០១២
ផ្តល់យោបល់ដោយ៖ លោកស្រី ចាន់ធី
ចម្រៀងសម្រាប់៖ ចូលរួមប្រកួត មហោស្រពចម្រៀង និង តន្ត្រីកុមារ ឆ្នាំ ២០១២ ពានរង្វាន់ក្រសួងពត៌មានលើកទី១
ច្រៀងដោយ៖ កុមារអង្គការដើម្បីភាពញញឹមនៃកុមារ (PSE)
គ្រូបណ្តុះបណ្តាល៖ អ្នកស្រី កែវ ច័ន្ទបូរណ៍ លោក វ៉ែន សុន លោក នភ ហង្ស ផលា លោក អ៊ុំ អ៊ីវ ហួត លោកស្រី ជិន យ៉ាហន លោកស្រី ប៉ាល់ វណ្ណារីរក្ស
ផ្តល់យោបល់ឲ្យដាក់ពាក្យប្រលងដោយ៖ ឯកឧត្តម ជា ច័ន្ទបរិបូរណ៍
សម្រួលបទភ្លេងដោយលោកគ្រូ៖ ១. អ៊ុក សំអាត ២. ហុង លីណូ ៣. ញូង សារិន ៤. ឡោ ណែត ៥. ទូច សាគុន ៦. នភ ហង្ស ផលា
ថ្លែងអំណរគុណដល់អ្នកលើកទឹកចិត្ត៖ មិត្តក្នុងគេហទំព័រហ្វេសប៊ុក បុត្រ ភរិយា បងប្អូនឪពុកម្តាយ មិត្តរួមការងារ និងលោកគ្រូអ្នកគ្រូ