ដូចបានជំរាបនៅលើចំណងជើងរួចហើយ កម្មវិធីដ៏ល្បីដែលទិញដោយ ក្រុមហ៊ុនមីក្រូសូហ្វ៍ មានឈ្មោះថា ស្កីប Skype ទើបនឹងបញ្ចេញដាក់អោយប្រើប្រាស់ជាផ្លូវការ នូវកំរិត version ចុងក្រោយគេបំផុត សំរាប់ វិនដូនហ្វូន ៧,៥ Windows phone 7.5។ កម្មវិធីនេះ រួមមាន ការហៅទាក់ទងគ្នាតាមកំព្យូទ័រ និង​កំព្យូទ័រ​ (មិនមែនតាមទូរស័ព្ទទេ)  ការរុករក​និងអាចបញ្ចូល អ្នកដែលលោកអ្នកស្គាល់ ជាថ្មីៗទៀត។ ហើយកម្មវិធីអាចអនុញ្ញតិអោយអ្នកប្រើប្រាស់ ទាក់ទងគ្នានេះតាម ប្រព័ន្ធអាំងទើណែត គ្មានខ្សែរ WiFi ក៏ដូចគ្នាតាមរលកធាតុអាកាស 3G។

សូមចុចទីនេះ ឬក៏នៅទីនេះ ដើម្បី ទាញយក Skype សំរាប់ Windows Phone។

តែគួរអោយស្ដាយ កម្មវិធីនេះនៅមិនទាន់មាន multitâche សំរាប់ធ្វើការនៅពីក្រោយនៅឡើយ។  អ្នកប្រើប្រាស់ត្រូវតែដាក់ អោយ ដំណើរការនូវកម្មវិធីនេះ ដើម្បីអាចទទួលបានការហៅចូលពីអ្នកដែលមាន កម្មវិធីដូចគ្នា។ ហើយអ្នកប្រើប្រាស់ មិនអាចដាក់ ជាការជូនដំណឹងថា គាត់កំពុងទំនេរ ឬជាប់រវល់ ឬកំពុងធ្វើអី្វផ្សេងនេះនៅឡើយ។ កម្មវិធីនេះអាចប្រើប្រាស់បាន និងមានដំណើរ ការល្អ ក្នុងពេលបច្ចុប្បន្ន ជាមួយនឹងទូរស័ព្ទ : le Nokia Lumia 710, Nokia Lumia 800, Nokia Lumia 900, HTC Titan, HTC Radar, HTC HD7, Samsung Focus S និង Samsung Focus Flash.

ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ២៤ មេសា ២០១២
Crédit Photo : skype.com