ពេលដែលយើងធ្វើដំណើរតាមយន្ដហោះ ជាពិសេសពេលដែលធ្វើដំណើរមានរយះពេលយូនោះ អ្វីដែលគួរអោយភ័យខ្លាច នោះ ក្រៅតែពីខ្លាចយន្ដហោះធ្លាក់ ឬក៏រន្ទះភ្លៀងផ្គរនៅលើមេឃនោះទេ នៅមានរឿងខ្លះទៀត ដែលយើងខ្លាចបារម្ភណ៍ដូចគ្នា នោះគឺ ខ្លាចមិនបានភ្ជាប់ទៅនឹង អាំងទើណែតដើម្បីទាក់ទងសង្សា ឬមិត្តភ័ក្រ តាមប្រព័ន្ធសង្គមដូចយ៉ាង ហ្វេសបុកជា ដើម។ ហើយរយះពេលដ៏យូរនៅលើអាកាស អ្នកដំណើរទាំងឡាយមិនដឹងថា​តើត្រូវធ្វើអ្វី ឬក៏ក្នុងអំឡុងពេលនេះ នៅលើដី នឹងមានអ្វី កើតឡើងរវាងមិត្តភ័ក្រ ឬក្រុមគ្រួសារ ឬនៅក្នុងសហគ្រាស ។ល។ ព្រោះតែអ្នកដំណើរទាំងអស់ត្រូវគេកាត់ផ្ដាច់ពី អាំងទើណែតហើយ មិនត្រឹមតែ​ប៉ុណ្ណឹង ទូរស័ព្ទក៏ត្រូវគេ សុំអោយដាក់ក្នុង ម៉ូតយន្ដហោះទៅទៀត។

តែមិនថ្វីទេ ក្នុងពេលឆាប់ៗនេះ អ្នកដំណើរទាំងឡាយនឹងឈប់ព្រួយបារម្ភណ៍ ហើយការរីករាយនឹងកើតមាន នៅរាល់ការធ្វើ ដំណើរតាមយន្ដហោះ។ ក្រុមហ៊ុនទូរគមនាគម ឈ្មោះ Inmarsat និង Honeywell នឹងប្រើប្រាស់ប្រព័ន្ធ ផ្កាយរណប ដែលមាន យ៉ាងហោច ៣ នៅលើអវកាស ដើម្បីបាញ់បង្ហោះប្រព័ន្ធអាំងទើណែត ដែលសំរាប់អោយចាប់អោយប្រើប្រាស់បាន នៅកំពស់ជាង ១០គីឡូម៉ែត្រពីផែនដី។ រាល់ក្រុមហ៊ុនយន្ដហោះទាំងឡាយ ត្រូវចុះកិច្ចសន្យាជាមួយនឹងក្រុមហ៊ុនទាំងពីរនេះ ដើម្បីបំពាក់ ឧបករណ៍ចាប់អាំងទើណែតក្នុងយន្ដហោះ សំរាប់ចែកចាយ និងបំរើអោយអតិថិជនរបស់ខ្លួន។ ក្នុងឆ្នាំ២០១៣ ខាងមុខ ក្រុមហ៊ុន Inmarsat នឹងបង្ហោះផ្កាយរណប satellites ចំនួន ៣ នេះ ដែលនឹងត្រូវប្រើប្រាស់ដោយ ក្រុមហ៊ុន​ Honeywell ក្នុងការភ្ជាប់បណ្ដាញអាំងទើណែត មានល្បឿនប្រមាណជា​ ១០Mo ក្នុងមួយវិនាទី។

ជាមួយនឹងបច្ចេកវិទ្យាថ្មីនេះ អ្នកដំណើរអាចភ្ជាប់ខ្លួនទៅនឹង អាំងទើណែត ជជែកកំសាន្ដជាមួយ មិត្តភ័ក្រ ប្រជុំរូបភាពជាមួយ អ្នកធ្វើការក្នុងសហគ្រាសជាមួយគ្នា ខណៈពេលខ្លួនកំពុងនៅលើអាកាស។ គេគ្រោងថា គំរោងនេះនឹងអាចរួចរាល់ នៅក្នុង ឆ្នាំ២០១៤ ដែលជាក្ដីសង្ឃឹមមួយយ៉ាងខ្លាំងក្លាសំរាប់អ្នកមាន អាយហ្វូន វិនដូវហ្វូន អង់ដ្រូដ៍ ឬឫកំព្យូទ័រដែលអាចភ្ជាប់បាន ទៅនឹង អាំងទើណែត៕

ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ២៤ មេសា ២០១២
Crédit Photo : airbus.com