ជាមួយនឹងរូបរាងសាក់ នៅលើដងជើង ដ៏​វែងស្រឡូនរបស់នាង យុវតីវ័យក្មេងម្នាក់នេះ បានធ្វើឲ្យគេឯងជឿថា នាងជាមនុស្ស ដែលមានចំណូលចិត្ត សាក់បង្ហាញរូប នៅលើរាងកាយរបស់នាង។ ដូច្នេះ ការបន្ថែមរូបសាក់ នៅលើដៃរបស់នាង មិនមានជាអ្វី ដែលគួរឲ្យភ្ញាក់ផ្អើលនោះទេ។ គ្រាន់តែនាង មានគម្រោងរួចជាស្រេច ក្នុងការរៀបចំ... ឈុតឆាកមួយឡើង ដែលធ្វើឲ្យផ្ទុះសំណើច។

តែកុំទាន់អាលផ្ទុះសំណើច ដោយសូមពិនិត្យមើល ពីដំបូងសិន។ អ្នកសាក់ កំពុងផ្ចង់អារម្មណ៍ ធ្វើកិច្ចការនៃជំនាញ​របស់ខ្លួន ព្រោះការចាក់ម្ជុលសាក់ ចូលក្នុងសាច់មនុស្ស ទាមទារភាពម៉ឺងម៉ាត់ និងការអំណត់។ ចៃដន្យអី អ្នកជំនាញសាក់រូបនេះ បានធ្វើទង្វើមួយ ដែលមិនបានព្រាងទុក៖ ម្ជុលសាក់ បានជ្រុលទៅប៉ះសុដន់ «ប៉េងប៉ោង» របស់យុវតីវ័យក្មេង បណ្ដាលឲ្យផ្ទុះឡើង!

សម្លេងផ្ទុះ បានលាន់ផូង! នរណាៗ ក៏ត្រូវគេចយកព្រះអាយុសិនដែរ។ មើលរូបភាពនេះឡើងវិញ ជាច្រើនដង គេនឹងដឹងច្បាស់ថា គឺយុវតីរូបស្រស់​ខ្លួនឯង ជាអ្នករុញសុដន់ «ប៉េងប៉ោង» របស់នាង ឲ្យទៅប៉ះនឹងម្ជុលសាក់។ ឈុតឆាក ដែលនាំឲ្យអ្នកទស្សនាវីដេអូនេះ រាប់លាននាក់ ផ្ទុះសំណើចតាមគ្នា និងមិនឈប់ឈរ រហូតមកដល់ថ្ងៃនេះ៕

» ទស្សនាឈុតឆាកទាំងស្រុង៖