All Articles of MONOROOM.info

ក្រសួងព័ត៌មានកម្ពុជា បានចេញសេចក្តីប្រកាសនេះ ជាសារធារណៈ ដល់គ្រប់ សិស្សនិស្សិត អ្នកធ្វើការនានា ដែលមាន​បំណង ចង់ផ្លាស់ប្តូរការងារ ហើយមានចំណាប់អារម្មណ៍ អាចសុំពាក្យបំពេញបាន នៅទីតាំងក្រសួងព័ត៌មានផ្ទាល់ នៅ​រាជធានី​ភ្នំពេញ ចាប់ពីថ្ងៃទី២៥ ខែឧសភា ឆ្នាំ២០១៥ នេះតទៅ និងផុតកំណត់ទទួលពាក្យ នៅថ្ងៃទី២៦ ខែមិថុនា ឆ្នាំ​២០១៥ ខាងមុខ។ អ្នកដែលបានដាក់ពាក្យទាំងអស់ ត្រូវបានលិខិតនេះ បញ្ជាក់ថា នឹងត្រូវធ្វើការប្រលង តាមមុខជំនាញ ដែលខ្លួនបានដាក់។

ការជ្រើសរើស មានត្រឹមតែ៧១ នាក់ប៉ុណ្ណោះ តែអ្វីដែលគួរឲ្យ ចាប់អារម្មណ៍ជាងនេះ ទៅទៀតនោះគឺ បេក្ខជនដែលបាន​ដាក់ពាក្យ ចំពោះនារី ត្រូវបានលើកទឹកចិត្ត ដោយផ្តល់អាទិភាព ពី២០% ទៅ៥០% សម្រាប់អ្នកប្រឡង គ្រប់កម្រិតទាំង​អស់។ កម្រិតនោះរួមនមាន៖ ឧត្តមសិក្សារ អ្នកដាក់ពាកក្យ ត្រូវភ្ជាប់ជាមួយសញ្ញាប័ត្រ កម្រិតឧត្តមសិក្សា, មធ្យមសិក្សា អ្នកដាក់ពាក្យ ត្រូវតែនៅរៀន តាមបណ្តាមហាវិទ្យាល័យ [...]

«បើអ្នកនោះ មិនមែនជាមន្រ្តីរាជការ ឥតមានបទស៊ីសំណូកទេ ឯកឧត្តម។ ឯកឧត្តមមើលឱយជាក់ ចាំញាក់ចិញ្ចើម។ នេះ​ជាអ៊ិនជីអូមួយ (NGO) ដែលគាត់កឹបកេង ពីរម៉ឺនដុល្លានេះ ជាបទរំលោភ លើការទុកចិត្ត របស់ម្ចាស់អំណោយគេទេ។» នេះ​ជាការអះអាង យ៉ាងមុតមាំ របស់លោក ឱម យឹនទៀង ប្រធានអង្គភាពប្រឆាំងអំពើពុករលួយ របស់ប្រទេសកម្ពុជា ក្នុង​ប្រតិកម្មមួយ តបទៅនឹងតំណាងរាស្ត្រម្នាក់ ដែលបានចោទសួរលោក អំពីអំពើពុករលួយ កឹបកេងប្រាក់ នៅក្នុង​ស្ថាប័ន​ឯកជន​មួយ។

ប្រតិកម្មនេះ បានធ្វើឡើង ក្នុងសិក្ខាសាលា ស្តិីពី«ការស្វែងយល់ពីច្បាប់ និងការអនុវត្តច្បាប់ ស្តីពីការប្រឆាំងអំពើ​ពុក​រលួយ» កាលពីថ្ងៃទី២៦ ខែឧសភា ឆ្នាំ២០១៥នេះ នាវិមានរដ្ឋសភា បន្ទាប់ពីលោក លឹម គឹមយ៉ា តំណាងរាស្រ្តមណ្ឌល​កំពង់ធំ បានថ្លែងទៅកាន់លោក ឱម យិនទៀង ថា ដើម្បីបំបាត់អំពើពុករលួយ កត្តាចម្បង (ទីមួយ) ត្រូវមានតម្លាភាព តែ​តាមច្បាប់ ការប្រឆាំងអំពើពុករលួយ បែរជា«គ្មាន»តម្លាភាពទៅវិញ។ [...]

ប្រភពព័ត៌មាន ដ៏ទុកចិត្តមួយ បានបញ្ជាក់ថា ករណីគ្រោះថ្នាក់ ក្រឡាប់ឡាន អស់មួយគ្រួសារនេះ បានកើតឡើង តាំងពី​រសៀល ថ្ងៃទី២៥ ខែឧសភា ឆ្នាំ២០១៥ មកម្លេះ នៅចំណុចនិយមកា ភូមិត្រុំខាងជើង ឃុំជ្រោយនាងងួន ស្រុកស្រីស្នំ ខេត្ត​សៀមរាប។ គ្រោះថ្នាក់នេះ បានបណ្តាល ឲ្យមនុស្ស៣នាក់ស្លាប់ និង៥នាក់ផ្សេងទៀត រងរបួស។ ប្រភពពីទីកន្លែង​កើត​ហេតុ បានបញ្ជាក់ទៀតថា ហេតុការណ៍នេះ គ្មានរថយន្តណាមួយ នៅក្បែរនោះទេ គឺត្រួវបានក្រឡាប់ ដោយខ្លួនឯង ធ្លាក់​ចេញ​ពីផ្លូវ ប្រមាណ១០ម៉ែត្រ។

សាក្សី ដែលបានឃើញករណីគ្រោះថ្នាក់ ដ៏រន្ធត់នេះ បានរៀបរាប់ថា ឡានដែលកើតហេតុ បើកបរតាមបណ្តោយ ផ្លូវជាតិ​លេខ៦៨ ធុន ហាយឡេនឌ័រ ពណ៍ខ្មៅស៊េរី២០០២ ពាក់ស្លាកលេខ សៀមរាប 2B-1345 បើកបរដោយឈ្មោះ សារិក ណាន ភេទប្រុស អាយុ២២ឆ្នាំ រស់នៅភូមិក ឃុំចុងកាល់ ស្រុកចុងកាល់ ខេត្តឧត្តមានជ័យ ដែលមានអ្នកនៅក្នុងរថយន្ត ៧នាក់ ជា​ក្រុម​គ្រួសាររបស់ខ្លួនទាំងអស់។

ប្រភពដដែលនោះ [...]

ខណៈពេលដែលបណ្ដឹង របស់ពលរដ្ឋ ត្រូវបានលោក ប៊ូ ឡាំ តំណាងរាស្ត្រ មកពីគណបក្សប្រជាជនកម្ពុជា បន្តប្ដឹងមក​រដ្ឋសភា ឲ្យធ្វើអន្តរាគមន៍ទៅក្រសួងមហាផ្ទៃ ឲ្យដកលោក អ៊ុក សំអុល អភិបាលក្រុងឲ្យចេញពីតំណែងនោះ នៅថ្ងៃទី២៦ ខែឧសភានេះ ទស្សនាវដ្ដីមនោរម្យ.អាំងហ្វូ បានទទួលការឆ្លើយតប ពីលោកអភិបាលក្រុង បានលុង មកវិញ ដោយ​លោក​បានអះអាងថា ករណីនេះកើតឡើង ដោយសារមានបុគ្គល ដើរអុចអាលញុះញ៉ង់ប្រជាពលរដ្ឋ។

លោក អ៊ុក សំអុល បានបញ្ជាក់ ក្នុងកិច្ចសម្ភាស ជាមួយទស្សនាវដ្តីថា ក្រោមកិច្ចវិនិយោគ ផ្សារបានលុងនេះ ក្រុមហ៊ុន ហេង ដារ៉ា ដែលមានឈ្មោះ សា លាង ជានាយកក្រុមហ៊ុន មិនបានអនុវត្តអោយបានត្រឹមត្រូវ តាមសៀវភៅបន្ទុក និង​កិច្ច​សន្យាឡើយ។ លោកបន្តថា ជាងនេះទៅទៀត ក្រុមហ៊ុននេះ បានរំលោភបំពាន យកដីរដ្ឋខាងមុខ និងជុំវិញផ្សារបានលុង ធ្វើអាជីវកម្មដោយខុសច្បាប់ កេងប្រវ័ញ្ចថវិកាចំណូល ពីទីតាំងនេះ រាប់សិបលានរៀល ក្នុងមួយឆ្នាំៗចាប់តាំពីឆ្នាំ២០០៨ [...]

ការផ្ដល់សិទ្ធិ ទៅឲ្យប្រទេសអាហ្វ្រិកខាងត្បូង ក្នុងការរៀបចំ ការប្រកួតបាល់ទាត់ពិភពលោក ឆ្នាំ២០១០ បានធ្វើឡើង «ដោយ​ការស៊ីសំណូក»។ នេះជាការចោទប្រកាន់ របស់អ្នកស្រីរដ្ឋមន្ត្រី យុត្តិធម៌អាមេរិក ប្រចាំរដ្ឋញ៉ូយក នៅក្នុងសន្និសីទ​ការសែតមួយ ស្ដីពីអំពើ«ពុករលួយ» នៅក្នុងសហព័ន្ធបាល់ទាត់អន្តរជាតិ។

អ្នកស្រីរដ្ឋមន្ត្រី ឡូរ៉េតា លីនឆ៍ (Loretta Lynch) បានពន្យល់ថា៖ «ការប្រកួតបាល់ទាត់ពិភពលោក ឆ្នាំ២០១០ ត្រូវបាន​ប្រគល់ ទៅឲ្យប្រទេសអាហ្វ្រិកខាងត្បូង ជាលើកទីមួយ សម្រាប់ទ្វីបអាហ្វ្រិក។ (...) ប៉ុន្តែក្នុងឱកាស ជាប្រវត្តិសាស្ត្រនេះ មេដឹកនាំរបស់ហ្វីហ្វា និងមនុស្សមួយចំនួនទៀត បានធ្វើអំពើពុករលួយ ទៅលើនិតិវិធី នៃការប្រគល់សិទ្ធិនេះ ដោយបាន​ប្រើប្រាស់ នូវសំណូកក្រោមតុ ដើម្បីធ្វើឲ្យលំអៀង ក្នុងការសម្រេចចិត្ត។»

ចំពោះអ្នកនាំពាក្យ នៃសហព័ន្ធបាល់ទាត់អាហ្វ្រិកខាងត្បូងវិញ លោក ដូមីនិក ឈីមហាវី (Dominic Chimhavi) [...]