All Articles of MONOROOM.info

អ្នក​ជិត​ខាង​ឈ្លោះ​គ្នា រឿង​ធ្វើ​គម្រប​លូ​ក្បែរ​ព្រំដី ផ្អើល​គេ​ឯង

អ្នក​ជិត​ខាង​ឈ្លោះ​គ្នា រឿង​ធ្វើ​គម្រប​លូ​ក្បែរ​ព្រំដី ផ្អើល​គេ​ឯង

លោក ឈឿន ខេងយូ ជាម្ចាស់ផ្ទះ លេខ២៥ តាមបណ្តោយផ្លូវមុន្នីរ៉េត ក្នុងភូមិទី១ សង្កាត់ស្ទឹងមានជ័យ ខណ្ឌ​មានជ័យ រាជធានីភ្នំពេញ បានឲ្យដឹងថា គ្រួសាររបស់លោក កំពុងតែធ្វើគម្របលូ មានបញ្ហានេះ នៅមិនទាន់​រួច​រាល់​ទេ ស្រាប់តែភាគីគ្រួសារម្ខាងទៀត មករករឿង មាត់ធំមាត់តូច ដាក់គ្រួសារលោក ឈានដល់ប្រើ​អំពើ​ហិង្សា ដាក់កូនស្រីលោកទៀតផង។ កញ្ញា ឈឿន សៀកលីន ជាកូនស្រី បានប្រាប់ទស្សនាវដ្ដី​មនោរម្យ.​អាំងហ្វូ​ថា មិនមែនទើបតែលើកនេះទេ ជម្លោះធ្លាប់មានពីមុន ម្តងរួចមកហើយ។

កញ្ញាបន្ថែមទៀតថា ភាគីខាងលោក ទូច ឡេង (អ្នកនៅជាប់ផ្ទះគ្នា) ធ្លាប់ចោទប្រកាន់ ក្រុមគ្រួសារកញ្ញា​ម្តង​រួចមកហើយ។ កាលណោះ ថែមទាំងបាននាំអ្នកកាសែត (មិនចាំថា អ្នកកាសែតខាងណាទេ) មកគម្រាម​ទៀត​ផង។ កញ្ញាបន្តថា៖ «លើកនេះ បានទាំងប្រើសម្តី និងកាយវិការខ្លាំងៗ ដាក់ប៉ា និងកញ្ញាទៀត ទោះជា​ដឹង​ថា ព្រំដីកន្លែងលូនេះ មិនទាន់ធ្វើរួចរាល់ក៏ដោយ»។

[...]
Cambodian Idol៖ អេង តុងឡេង ច្រៀង​មិន​ពិរោះ​បែរ​ជា​ជាប់?

Cambodian Idol៖ អេង តុងឡេង ច្រៀង​មិន​ពិរោះ​បែរ​ជា​ជាប់?

បន្ទាប់ពីបានឆ្លងកាត់ វគ្គជាច្រើន និងបានបកស្រាយចម្រៀង ទាំងភាសាខ្មែរ និងភាសារបរទេសរួចមក បេក្ខជន អេង តុងឡេង បានជាប់ឈានដល់វគ្គ Green Miles ដែលជាវគ្គ ជិតបញ្ចាប់របស់កម្មវីធី Cambodian Idol បន្ទាប់​ពីបេក្ខជន វ័យ២១ឆ្នាំ រូបនេះ បានច្រៀងបទចំរៀង មានចំណងជើងថា «what make you beautiful»។

ប៉ុន្តែដំណើរឈានឡើង របស់តារាចម្រៀងថ្មី មានកំណើតនៅរាជធានីភ្នំពេញ រូបនេះ មិនជាត្រូវបាន​ស្វាគមន៍​ប៉ុន្មាន នៅលើបណ្តាញសង្គមទេ។ ក្រុមអ្នករិះគន់ បាននិយាយថា តុងឡេង ច្រៀងមិនពិរោះ មិនច្បាស់ផង ស្រាប់​តែអាចឈាន ទៅវគ្គបន្ត ដែរ។

តាមម្ចាស់គណនី «Leng Eng» បានបរិហាដាក់បេក្ខជន ខ្លាំងៗថា៖ «ងាប់ហើយ ទាអួលអាចម៍លោកអើយ មួយ​បទនេះ ជាបទញុំចូលចិត្តជាងគេ ច្រៀងខុសតុង (Ton) ខុសពាក្យ ក៏អោយជាប់ដែរ។ ដោយសារ​ច្រៀង​ភាសា (បរទេស) មែន បានឲ្យជាប់ចឹង?»

ចំណែកម្ចាស់គណនី «Chao Sokmey»បានសរសេរថា៖ «ខ្ញុំមិនដឹងថា គេយកសម្លេង [...]

ទារ​៧០​ដុល្លារ​មិន​បាន រហូត​មាន​តំណាង​ធានា​រ៉ាប់​រង​មក​សម្រួល

ទារ​៧០​ដុល្លារ​មិន​បាន រហូត​មាន​តំណាង​ធានា​រ៉ាប់​រង​មក​សម្រួល

នៅថ្ងៃទី ២៨ ខែសីហា ឆ្នាំ២០១៥ វេលាម៉ោងជាង ៩ ករណីគ្រោះចរាចរណ៍មួយ បានកើតឡើងរវាង រថយន្ត​ធុន​ធ្ងន់ របស់ណាកាវើល (Nakaworld)ប៉ះគ្នាជាមួយរថយន្តបាឡែន ដែលធ្វើដំណើរស្របទិសគ្នា នៅតាមផ្លូវ​មុនី​រ៉េត សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ បណ្តាលឲ្យរថយន្ត បាឡែន ខូចកញ្ចក់ខាង​ឆ្វេង។

រថយន្តបង្កម៉ាក វូ តុន ពណ៍លឿងពាក់ស្លាកលេខ AT15 3.0652 បើកបរដោយលោក វណ្ណ បណ្តូល អាយុ ២៨ឆ្នាំ មានមុខរបរជាអ្នកបើករថយន្ត ឲ្យ ណាកាវើល អស់១០ឆ្នាំ ស្នាក់នៅសង្កាត់ផ្សារដេប៉ូ៣ ខណ្ឌ​ទួលគោក រាជធានី​ភ្នំពេញ។ ចំណែកឯរថយន្ត បាឡែន មានស្លាកលេខភ្នំពេញ 2D 1113 ពណ៍សរ បើកបរ​ដោយ​លោក ជា ចាន់ណាត អាយុ ២៧ ឆ្នាំ ស្នាក់នៅផ្ទះលេខ២៥២ ផ្លូវ២៧១ មាន មុខរបរជានិស្សិត។

ក្រោយពេលកើតហេតុ ម្ចាស់រថយន្តបាឡែន បានទារសំណង ពីអ្នកបើកបររថយន្ត វូ តុន ចំនួន៧០ដុល្លារ ដើម្បី​បញ្ចប់រឿង ប៉ុន្តែភាគីខាងរថយន្ត វូ តុន មិនព្រមឲ្យតាមការទាមទារ [...]

ក្រុម​ប្រឹក្សា​ឃ្លាំ​មើល​កម្ពុជា ថា​រដ្ឋាភិបាល​ប្រើ​«ផែនទី​ក្លែង​ក្លាយ»

ក្រុម​ប្រឹក្សា​ឃ្លាំ​មើល​កម្ពុជា ថា​រដ្ឋាភិបាល​ប្រើ​«ផែនទី​ក្លែង​ក្លាយ»

ផែនទីដែលរដ្ឋាភិបាលប្រើប្រាស់ សម្រាប់បោះបង្គោលសព្វថ្ងៃនេះ ជាផែនទីមួយ ដែលប្រធានគណៈ​កម្មាធិការ​កិច្ចការព្រំដែនកម្ពុជា លោក វ៉ា គឹមហុង អះអាងថា ធ្លាប់បានថ្វាយ អង្គព្រះបរមរតនៈកោដ្ឋ ដែលកាលនោះ​ព្រះ​អង្គ បានបញ្ជាក់ថា នោះជា«ផែនទីក្លែងក្លាយ»។ នេះជាការអះអាង នៅក្នុងសេចក្ដីថ្លែងការណ៍មួយ របស់​ក្រុម​ប្រឹក្សាឃ្លាំមើលកម្ពុជា ក្នុងថ្ងៃទី២៨ ខែសីហា ឆ្នាំ២០១៥នេះ ទាក់ទងនឹងផែនទីព្រំដែន ដែលរដ្ឋាភិបាលកម្ពុជា បានប្រើប្រាស់ក្នុងពេលកន្លងមក ដើម្បីយកទៅចរចា ជាមួយប្រទេសវៀតណាម ហើយក្រុមនេះ បានបញ្ជាក់​ទៀត​ថា ខ្លួនមិនដែលទទួលស្គាល់ ជាដាច់ខាត ចំពោះសន្ធិសញ្ញា ព្រំដែនបំពេញបន្ថែម ឆ្នាំ២០០៥ ទៅលើ​សន្ធិ​សញ្ញា​ព្រំដែនរដ្ឋខុសច្បាប់ កម្ពុជា- វៀតណាម ឆ្នាំ១៩៨៥ ឡើយ។

ក្រុមប្រឹក្សាឃ្លាំមើលកម្ពុជា ដែលមានលោក ប៉ែន ណាត ជាប្រធាន បានស្រង់នូវព្រះឱង្ការ នៃអតីតអង្គ​ព្រះ​មហាក្សត្រ នរោត្តម សីហនុ មកសរសេរ ក្នុងសេចក្ដីថ្លែងការណ៍នេះថា៖ [...]

ប៉ែន ចំរ៉ុង រង​៣ជើង​ព្រោះ​លួច​ទាក់​ទង ភិន សុដាលីស?

ប៉ែន ចំរ៉ុង រង​៣ជើង​ព្រោះ​លួច​ទាក់​ទង ភិន សុដាលីស?

សារពត័មានក្នុងស្រុកមួយឈ្មោះ ហ្វ្រេសញូ បានរាយការណ៍ថា ហេតុការណ៍ ដែលលោកចាងហ្វាងផលិតកម្ម មហាហង្ស លោក អ៊ិន សុភិន បានវាយលោក ប៉ែន ចំរ៉ុង នេះ បានកើតឡើង នៅប្រមាណវេលាម៉ោង ២២យប់ ថ្ងៃ​ទី២៦ ខែសីហា ឆ្នាំ២០១៥ ស្ថិតនៅខណ្ឌសែនសុខ នៅពេលដែលលោក ប៉ែន ចំរ៉ុង បានជូនកូនស្រី​របស់​លោក ត្រលប់មកផ្ទះវិញ។

នៅពេលដែលឃើញកូនស្រី និងលោក ចំរ៉ុង មានទំនាក់ទំនង«ប្លែកៗ» ខុសពីមិត្តធម្មតា លោកបាន​ប្រាប់ឲ្យអ្នក​ទាំង​ពីរ (ចំរ៉ុងនិង ដាលីស) ឈប់ទាក់ទងគ្នា ហើយបានរំលឹករឿងនេះ ជាច្រើនដងមកហើយ។ តែពួកគេ នៅ​តែ​លួច​ទាក់ទងគ្នាទៀត ទើបលោក សុភិន បានប្រើវិធីសាស្ត្រ ដ៏ពិសេសមួយ នោះគឺ«ទាត់»លោក ប៉ែន ចំរ៉ុង ដើម្បី​គំរាម​តារាប្រុស ឲ្យឈប់ទាក់ទងកូនស្រីទៀត។ លោក សុភិន បានបញ្ជាក់ទៀតថា កូនស្រី របស់លោកមាន​គូ​ដណ្តឹង​​ហើយ ត្រៀមចូលរោងការ នៅបំណាច់ឆ្នាំនេះ។

លោក អ៊ិន សុភិន និយាយប្រាប់ក្រុមអ្នកសារព័ត៌មាន នៅភូមិគ្រឹះរបស់លោក នៅថ្ងៃទី២៧ ខែសីហានេះថា៖ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...