All Articles of MONOROOM.info

«មើលក្មួយៗ ជាយុវជន! តើខ្ញុំនេះ ជា ហ៊ុន សែន ពិតឬទេ?» លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា បានសួរយ៉ាងដូច្នេះ ទៅកាន់អ្នកចូលរួម នៅក្នុងពិធីអបអរសាទរ នៃការដាក់បញ្ចូល តំបន់ប្រាសាទសំបូរព្រៃគុក ទៅក្នុងបញ្ជីបេតិកភណ្ឌពិភពលោក របស់អង្គការយូនេស្កូ ដែលប្រារព្ធធ្វើនៅក្នុងពហុកីឡាដ្ឋានជាតិ នៅយប់ថ្ងៃទី ១៧ ខែកក្កដានេះ។

សំនួរនេះ ដែលទទួលបានការទះដៃ យ៉ាងកងរំពង ពីសំណាក់អ្នកចូលរួម ទំនងជាលោកចង់ឆ្លើយតប ទៅកាន់ការលើកឡើង និងការលេចឮ ក្នុងប៉ុន្មានថ្ងៃចុងក្រោយនេះ ដែលអះអាងថា លោកកំពុងឈឺធ្ងន់ ហើយត្រូវបញ្ជូន ទៅព្យាបាលនៅមន្ទីរពេទ្យក្រៅប្រទេស។

ប៉ុន្តែលោក ហ៊ុន សែន បានបន្ធូរបរិយាកាសមកវិញ ដោយបានលើកឡើងថា លោកមិនបាន«ទះកំផ្លៀង»នរណាម្នាក់ទេ។ ផ្ទុយទៅវិញ លោកគ្រាន់តែចង់បំភ្លឺ ពីការលើកឡើង តាមបែប«អគតិ» របស់មនុស្សមួយចំនួន ដែលលោកអះអាងថា ពួកគេទាំងនោះ មានបំណងចង់បង្កចលាចល។

[...]

គណបក្ស​សង្គ្រោះជាតិ ដែលជាគណបក្សប្រឆាំងធំជាងគេនៅកម្ពុជា បានចេញសេចក្ដីថ្លែងការណ៍ ក្នុងថ្ងៃខួបលើកទី៥ នៃការបង្កើតគណបក្ស ថ្ងៃទី១៧ ខែកក្កដា ឆ្នាំ២០១២ - ឆ្នាំ២០១៧ ដោយបានរៀបរាប់ថា គណបក្សមួយនេះ បានកើតមានរូបរាង ចេញពីការរួបរួមរវាងអ្នកស្នេហាជាតិ អ្នកស្រឡាញ់យុត្តិធម៌ លិទ្ធិប្រជាធិបតេយ្យ និងសិទ្ធិសេរីភាព ស្របតាមការទាមទារ របស់ពលរដ្ឋខ្មែរ ទាំងក្នុងនិងក្រៅប្រទេស។

សេចក្ដីថ្លែងការណ៍ ដែលបានធ្លាក់មកដល់ដៃអ្នកសារព័ត៌មាន នៅមុននេះបន្តិច បានបន្តរៀបរាប់ថា តាំងពីថ្ងៃបង្កើតមក គណបក្សសង្គ្រោះជាតិបានទទួលលទ្ធផល«ល្អ»ជាបន្តបន្ទាប់ ទាំងការបោះឆ្នោតជាតិឆ្នាំ២០១៣ និងការបោះឆ្នោតជ្រើសរើសក្រុមប្រឹក្សា ឃុំសង្កាត់ ឆ្នាំ២០១៧ បើ«ទោះជាការបោះឆ្នោតទាំងពីរលើកនេះ មិនបានប្រព្រឹត្តទៅដោយសេរី ត្រឹមត្រូវ និងយុត្តិធម៌ពេញលេញក៏ដោយ»។

» សេចក្ដីថ្លែងការណ៍ទាំងស្រុង របស់គណបក្សប្រឆាំង៖

ព្រឹត្តិការណ៍ នៃការដាក់បញ្ចូលតំបន់​ប្រាសាទសំបូរ​ព្រៃគុក ដែលស្ថិតក្នុងខេត្តកំពង់ធំ របស់ប្រទេសកម្ពុជា ទៅក្នុងបញ្ជីបេតិកភណ្ឌពិភពលោក ដោយអង្គការយូនេស្កូ កាលពីដើមខែមកនេះ បានទាក់ទាញឲ្យបណ្ដាញទូរទស្សន៍​ដ៏ធំមួយ នៅអ៊ឺរ៉ុប ធ្វើសេចក្ដីរាយការណ៍ ហើយផ្សព្វផ្សាយកាលពីម្សិលម៉ិញ នៅក្នុងកម្មវិធីព័ត៌មានរបស់ខ្លួន។

ទូរទស្សន៍ «EuroNews» របស់អ៊ឺរ៉ុប ដែលផ្សាយចម្រុះភាសា ចំនួន១៣ភាសា បានលើកឡើងថា កម្ពុជានឹងរៀបចំប្រារព្ធពិធីអបអរសាទរ សម្រាប់ព្រឹត្តិការណ៍នេះ នៅល្ងាចថ្ងៃចន្ទនេះ។ អ្នកឆ្លើយឆ្លងព័ត៌មានរបស់ទូរទស្សន៍ ដែលបានចុះទៅដល់ តំបន់សំបូរព្រៃគុកផ្ទាល់ បានសម្ភាសជាមួយលោក សែម ណម មន្ត្រីអភិរក្ស នៃតំបន់ប្រាសាទសំបូរព្រៃគុក និងបានស្រង់សំដីរបស់លោក មកបញ្ជាក់ថា លោកសប្បាយរកអ្វីប្រៀបផ្ទឺមមិនបាន ដោយបានទទួលបានដំណឹងនេះ។

មន្ត្រីដែលធ្វើកិច្ចការអភិរក្ស តាំងពីឪពុកលោករហូតមកនេះ បានថ្លែងឡើងថា៖ «ប្រាសាទទាំងនេះ [...]