Posts in ‘បាល់ទាត់’ Category

បើកការប្រកួតដំបូង នៃវគ្គផ្ដាច់ព្រ័ត្រ ក្របខណ្ឌ «Europa League» ក្នុងយប់នេះ នាកីឡដ្ឋាននៃក្រុង លីយ៉ុង (ប្រទេសបារាំង) ក្រុម ម៉ាសីយ៍ (Olympique Marseille - បារាំង) បានធ្វើការគ្របសង្កត់ ទៅលើក្រុម អាត្លេទីកូម៉ាឌ្រីត (Atlético Madrid - អេស្ប៉ាញ) ខ្លាំងក្លា និងបើកឱកាស ឲ្យខ្សែប្រយុទ្ធរបស់ខ្លួន អាចរកគ្រាប់បាល់បានដែរ តែថ្វីជើងខ្សែប្រយទ្ធ កីឡាករជាតិបារាំង «Valère Germain» ដែលមិនប្រកបដោយប្រសិទ្ធិភាព គ្រាន់តែបានផ្ដល់ក្ដីសង្ឃឹម ទៅឲ្យអ្នកគាំទ្រខ្លួន នៅប៉ុន្មាននាទីដំបូងប៉ុណ្ណោះ។

ប៉ុន្តែកង្វះថ្វីជើង របស់ក្រុម ម៉ារសីយ៍ មិនមែនមានត្រឹមតែខ្សែប្រយុទ្ធនោះទេ តែនៅមានកីឡាករចាំទី និងខ្សែបម្រើរបស់ក្រុមនេះទៀត ព្រោះបានប្រព្រឹត្តិកំហុស ដោយបញ្ជូនបាល់ ចេញពីទីខ្លួន ទៅឲ្យប៉ះជើងកីឡាករ អាត្លេទីកូ ធ្វើឲ្យកីឡាករ អង់ទ័ន គ្រីស្មាន (Antoine Griezmann) ដែលជាខ្សែប្រយុទ្ធដ៏ចំណាន របស់ក្រុមអេស្ប៉ាញមួយនេះ [...]

ពាក្យដែលលេចឮ តាំងពីច្រើនសប្ដាហ៍មកនោះ បានក្លាយជាការពិត និងត្រូវបានក្រុមបាល់ទាត់ខ្លួនឯង ប្រកាសជាផ្លូវការ កាលពីប៉ុន្មាននាទីមុន។ បន្ទាប់​ពីលោក អ៊ូណៃ អេមរី (Unai Emery) គ្រូបង្វឹកជាតិអេស្ប៉ាញ ដែលត្រូវបញ្ចប់កិច្ចសន្យា នៅចុងរដូវកាលនេះ ក្រុម ប៉ារីស (Paris Saint-Germain - បារាំង) នឹងមានគ្រូបង្វឹកថ្មីជាតិអាល្លឺម៉ង់ គឺលោក ថូម៉ាស តួរែល (Thomas Tuchel)។

លោក ថូម៉ាស តួរែល អាយុ៤៤ឆ្នាំ មិនធ្លាប់ដឹកនាំក្រុមបាល់ទាត់ ឲ្យយកឈ្នះបានពានរង្វាន់ ច្រើនណាស់ណាទេ នៅក្នុងបទពិសោធន៍របស់លោក។ លោកបានបង្វឹក ក្រុមបាល់ទាត់យុវជន (អាយុ១៧ និងអាយុ១៩ឆ្នាំ) អស់ជាច្រើនឆ្នាំ មុននឹងចាប់ផ្ដើមបង្វឹកក្រុមបាល់ទាត់អាជីពដំបូង គឺក្រុម «Mayence (អាល្លឺម៉ង់)» ចាប់ពីឆ្នាំ២០០៩ រហូតដល់ឆ្នាំ២០១៤។

បន្ទាប់មក លោកបានក្លាយជាគ្រូបង្វឹក របស់ក្រុម ដ័រមូន (Borussia Dortmund - អាល្លឹម៉ង់) នៅឆ្នាំ២០១៥ និងនៅដឹកនាំក្រុមនេះ [...]

កីឡាករ ណីម៉ា (Neymar) ទទួលបានភ្លើងខៀវ ពីក្រុមគ្រូពេទ្យហើយ បន្ទាប់ពីបានឈប់សម្រាក អស់រយៈពេលជាងពីរខែ ដើម្បីព្យាបាលឆ្អឹងប្រអប់ជើង ដែលបានរងរបួស នៅក្នុងការប្រកួតរវាងក្រុម ប៉ារីស (Paris Saint-Germain - បារាំង) និងក្រុម ម៉ាសីយ៍ (Olympique Marseille - បារាំង) កាលពីអំឡុងខែកុម្ភៈកន្លងមក។

សេចក្ដីប្រកាសព័ត៌មានមួយ របស់ក្រុម ប៉ារីស ដែលចេញផ្សាយនៅល្ងាចថ្ងៃសៅរ៍ បានសរសេរឲ្យដឹងថា៖ «ការពិនិត្យពិគ្រោះ (ជាមួយក្រុមគ្រូពេទ្យ) ដែលធ្វើឡើងក្នុងថ្ងៃនេះ បានបង្ហាញពីភាពរឹងមាំ នៃឆ្អឹងប្រអប់ជើងខាងស្ដាំ របស់កីឡាករ មានលក្ខណៈហួសពីគ្រប់គ្រាន់ (ដើម្បីអនុញ្ញាតឲ្យកីឡាករ អាចធ្វើការហ្វឹកហាត់​ឡើងវិញបាន)»។

ក្រុម ប៉ារីស បានបញ្ជាក់បន្ថែមថា កំពូលខ្សែប្រយុទ្ធជាតិប្រេស៊ីល ដ៏ល្បីកម្រិតពិភពលោករូបនេះ ដែលអវត្តមានពីការប្រកួត អស់រយៈពេលជាង២ខែមកនោះ នឹងចាប់ផ្ដើមការហ្វឹកហាត់ ផ្នែកសារពាង្គកាយ ជាមួយនឹងបាល់ទាត់ [...]

ប្រព័ន្ធផ្សព្វផ្សាយ របស់ប្រទេសអេស្ប៉ាញ ជាពិសេសសារព័ត៌មាន ដែលស្និតនឹងក្រុមអាធិរាជស រៀលម៉ាឌ្រីត (Real Madrid - អេស្ប៉ាញ) បានផ្សព្វផ្សាយដំណឹង ម្ដងហើយម្ដងទៀត ជុំវិញការផ្ទេរកំពូលខ្សែប្រយុទ្ធ កីឡាករ ណីម៉ា (Neymar) របស់ក្រុម ប៉ារីសសាំងហ្សែរម៉ាំង (Paris Saint-Germain - បារាំង) ទៅកាន់ក្រុម រៀល នៅក្នុងរដូវក្ដៅខាងមុខ។ ដំណឹងទាំងនេះ ត្រូវបានមនុស្ស នៅជុំវិញកីឡាករ និងក្រុម ប៉ារីស ខ្លួនឯងច្រានចោលម្ដងជាពីរដងហើយ កាលពីប៉ុន្មានសប្ដាហ៍មុន។

ប៉ុន្តែដំណឹងថ្មីបំផុត ដែលផ្សាយដោយសារព័ត៌មាន ម៉ាកា (Marca) របស់ប្រទេសអេស្ប៉ាញ បានអះអាងជាថ្មី កាលពីម្សិលម៉ិញថា ឪពុករបស់កីឡាករ ណីម៉ា ដែលជាភ្នាក់ងារ ​របស់​កីឡាករ​កូនខ្លួនឯង​ដែរនោះ គឺជាអ្នកបញ្ជាក់ប្រាប់គណៈគ្រប់គ្រង របស់ក្រុម ប៉ារីស ពីបំណងរបស់កីឡាករ ណីម៉ា ក្នុងការចាកចេញពីក្រុម នៅរដូវកាលខាងមុខ។

ដំណឹងដ៏«អកុសល» សម្រាប់ក្រុម ប៉ារីស ខាងលើនេះ [...]

ជាការរំលឹកឡើងវិញ កាលពីសប្ដាហ៍មុន ក្នុងការប្រកួត «ទៅ» វគ្គពាក់កណ្ដាលផ្ដាច់ព្រ័ត្រ នៃការដណ្ដើមពាន «Europa League» សម្រាប់រដូវកាល ២០១៧-២០១៨នេះ ក្រុម អាត្លេទីកូម៉ាឌ្រីត (Atletico Madrid - អេស្ប៉ាញ) បានរកពិន្ទុស្មើ ១-១ ជាមួយក្រុម អាសឺណល់ (Arsenal - អង់គ្លេស) ហៅក្រុម កាំភ្លើងធំ នៅលើទឹកដីរបស់ក្រុម អាសឺណល់ ខណៈក្រុម ម៉ារសីយ៍ (Olympique Marseille - បារាំង) បានឈ្នះលើក្រុម សាលស្បួរ  (Salzbourg - អូទ្រីស) ២-០ នៅលើទឹកដីរបស់ខ្លួន។ 

ក្នុងយប់នេះ ក្រុមទាំងពីរគូ ត្រូវជួបគ្នាម្ដងទៀត សម្រាប់ជុំប្រកួត «ត្រឡប់» ដោយក្រុម កាំភ្លើងធំ ត្រូវទៅប្រកួត នៅលើទឹកដីរបស់ក្រុម អាត្លេទីកូ ខណៈក្រុម សាលស្បួរ នៅចាំទទួលក្រុម ម៉ារសីយ៍ នៅក្នុងកីឡដ្ឋានរបស់ខ្លួន ឯក្រុង សាលស្បួរ។

នៅចុងបញ្ចប់ការប្រកួត ក្រុម អាត្លេទីកូ បានឈ្នះក្រុម អាសឺណល ១-០ (គ្រាប់បាល់សរុប ២-១) និងបានទទួលសំបុត្រភ្លាមៗ [...]