ប្រពន្ធកូនបណ្ឌិត កែម ឡី បានចាកចេញពីកម្ពុជា
ព្រះសង្ឃ ប៊ុត ប៊ុនតិញ បានមានមានសង្ឃដីកាថា មុនការចាកចេញ ពីប្រទេសកម្ពុជា ដែលជាទឹកដីកំណើត អ្នកស្រី ប៊ូ រចនា បានធ្វើលិខិតផ្ទេរសិទ្ធិ ជូនទៅគណៈកម្មការរៀបចំបុណ្យសពលោក កែម ឡី ដើម្បីទទួលធ្វើបុណ្យ រំលឹកខួបមួយរយថ្ងៃ ជូនលោក កែម ឡី ដែលត្រូវបានជនប្រដាប់អាវុធ បាញ់សម្លាប់ទាំងកណ្ដាលថ្ងៃ នៅកណ្ដាលបេះដូងនៃព្រះរាជាណាចក្រ កាលពីថ្ងៃទី១០ ខែកក្កដា ឆ្នាំ២០១៦។
យ៉ាងណាក៏ដោយ ក៏ការចាកចេញនេះ មិនត្រូវបានព្រះសង្ឃ ប៊ុត ប៊ុនតិញ មានសង្ឃដីកាថា ភរិយា និងកូនទាំងបួន របស់លោក កែម ឡី ចេញទៅកាន់ប្រទេសណាឡើយ។ ព្រះអង្គគ្រាន់តែមានថេរដីកាថា អ្នកស្រី ប៊ូ រចនា និងកូនៗ បានចាកចេញពីប្រទេសដើមកំណើត តាំងពីថ្ងៃទី២៨ ខែសីហាម្សិលម៉ិញ ហើយវេលានេះ បានទៅដល់ទីកន្លែងសុវត្ថិភាពហើយ។
ព័ត៌មានដែលបានទម្លាយ ក្នុងពេលកន្លងមក ជាពិសេសនៅក្នុងពេលរៀបចំធ្វើបុណ្យសព ភ្លាមៗក្រោយការបាញ់សម្លាប់នោះ បានឲ្យដឹងថា អ្នកស្រី ប៊ូ រចនា [...]
