Posts in ‘សម្រាំងកំសាន្ដ’ Category

ប្រសិនបើតារាចម្រៀង ឬតារាសម្ដែង ល្បីឈ្មោះក្នុងប្រទេសជាច្រើន ដូចជាមិនខ្វាយខ្វាល់ ឬមិនហ៊ាន​ចេញ​មុខ ពីបញ្ហាបរិស្ថានជាតិ និងធ្វើមិនដឹងមិនលឺ នៅចំពោះការប៉ងបណ្ដេញ សកម្មជនការពារ​ធន​ធាន​ធម្មជាតិ​តំបន់អារ៉ែង លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ចេញពី​ប្រទេស​កម្ពុជា ពីសំណាក់រដ្ឋាភិបាលកម្ពុជានោះ ប៉ុន្តែសម្រាប់តារាចម្រៀង កញ្ញា មាស សុខសោភា វិញ បានចេញមុខគាំទ្រលោក អាឡិច និងផ្ដល់ក្ដីសង្ឃឹមថា លោក អាឡិច គួរតែរស់នៅ ក្នុងព្រះរាជាណាចក្រ បាន​ត​ទៅ​ទៀត។

នៅលើទំព័រហ្វេស​ប៊ុកផ្លូវការរបស់នាង តារាចម្រៀងបានចុះផ្សាយ រូបថតមួយសន្លឹករបស់នាង ដោយមានអម​ដោយពាក្យពេជ្រខ្លីៗមួយចំនួន សរសេរជាភាសាអង់គ្លេស ដែលទស្សនាវដ្ដីមនោរម្យ.អាំងហ្វូ សូម​ធ្វើ​ការ​បក​ប្រែ​ក្រៅ​ផ្លូវការ​ មានន័យថា៖ «អរគុណ អាឡិច»។ តារាចម្រៀង មាស សុខសោភា ដែលជា​សកម្មជន​ការពារ​ព្រៃឈើម្នាក់ដែររូបនេះ បានសរសេរទៀតថា៖ [...]

មិនថាតែមន្រ្តីរាជការ នៅតាមក្រសួង មន្ទីរមួយចំនួន សិស្ស និងប្រជាពលរដ្ឋភាគច្រើននោះទេ ដែលផ្អាកសកម្មភាព មិនប្រកបរបស់រកស៊ីប្រចាំថ្ងៃ សូម្បីតែ សិល្បករ សិល្បការិនីល្បីៗរបស់ខ្មែរយើង ស្ទើរតែមួយចំនួនធំ ក៏បានផ្អាក​ការ​សម្តែង ដើម្បីចូលរួមអបអរ ពិធីបុណ្យប្រពៃណីជាតិចិន និងវៀតណាមមួយនេះដែរ។

វប្បធម៌ចិន-វៀតណាម កំពុងគ្របដណ្តប់ លើប្រជាជនខ្មែរយ៉ាងខ្លាំង នៅក្នុងសម័យបច្ចុប្បន្ននេះ គេមើលឃើញថា ប្រជាជនខ្មែរស្ទើតែ៧០% ទៅហើយ ដែលហៅខ្លួនឯងថា ជា«កូនកាត់ចិន» បើទោះបីជារូបគេ មានសម្បុរខ្មៅក៏​ដោយ។ ទម្លាប់ នៃការប្រារព្ធពិធីបុណ្យប្រពៃណី ចូលឆ្នាំចិន និងវៀតណាម នេះ បាននឹងក្លាយទៅជាប្រពៃណី ដែល​ដក់ជាប់ ក្នុងចិត្តកូនខ្មែរ ដោយមិនអាចកែឡើងវិញបាន។ គេបង្ហាញទង្វើថា គេជាកូនកាត់ចិននេះ តាមរយៈ​ការ​សែន​ព្រេន ឬអបអរដោយធ្វើឡើង តាមរយៈការចូលរួមសប្បាយ។ ពីមួយឆ្នាំទៅមួយឆ្នាំ ចំនួនអ្នកចូលរូម សែនព្រេនពិធី​បុណ្យ​មួយ​នេះ នៅកម្ពុជា [...]

វីដេអូមួយ ដែលឌីជេស្ត្រី នាង ម៉ារីយ៉ា ង្វៀន (Mariah Nguyen) ទើបនឹងបង្ហោះ នៅលើទំព័រហ្វេសប៊ុករបស់នាង បានបង្កឲ្យមានជ្រួលជ្រើមមិនតិចឡើយ។ វីដេអូឯកជន ដែលនាងកំពុងតែសាកល្បងម៉ិច (Mix) ចម្រៀង​របស់​នាង នៅក្នុងបន្ទប់នោះ មានមនុស្សចុចចូលទៅមើល ច្រើនម៉ឺននាក់ និងអ្នកចែកចាយបន្តជា៥០០ដង។

ប៉ុន្តែទំព័រវៀតណាម DJ NONSTOP Music - DJ.So1VN.Vn ដ៏ធំមួយទៀត បានយកវីដេអូរបស់នាងនេះ ទៅ​បង្ហោះ​បន្ត ជំរុញឲ្យមានការចែកផ្សាយ យ៉ាងគគ្រឹកគគ្រេង រហូតដល់ជាង ៣ពាន់នាក់ និងអ្នកចុចចូលទៅមើល ជិត​កន្លះ​លាននាក់។

វីដេអូនេះ មិនត្រឹមតែបង្ហាញ ពីទេពកោសល្យ Mix ចម្រៀងរបស់នាងប៉ុណ្ណោះទេ តែបង្ហញពីកាយវិការរស់រវើក ក្នុងអាជីពជា ឌីជេ និងព្រមទាំងរូបរាងស៊ិចស៊ី របស់នាងដែរ។ តើនរណាមួយ ដែលឃើញនាងហើយ ទ្រាំមិនចូល​ទៅរាំ ជាមួយនឹងចង្វាក់ភ្លេងរបស់នាងនោះ? រាំ!ៗ!... រាំ គឺច្បាស់ជារាំងហើយ! តែភ្នែកអ្នករាំ ក៏រាំជាមួយដែរ ! :-)

កុមារា ដែលមានកាយសម្បទាមិនធម្មតានេះ ឈ្មោះ យឿន សុវណ្ណ មានអាយុ៧ឆ្នាំ កំពស់៧តឹក ទំងន់ប្រហែល​៥គីឡូក្រាម កើតនៅភូមិកំពង់ក្តី ឃុំកំពង់រាប ស្រុកកោះសូទិន ខេត្តកំពង់ចាម។ ឪពុករបស់ក្មេងនេះឈ្មោះ យឿន ម្តាយឈ្មោះ ស្រី មុខរបរអ្នកលក់ដូរ នៅខេត្តមណ្ឌលគីរី។ មកដល់សព្វថ្ងៃ កុមារារូបនេះ មានអាយុ៧ឆ្នាំហើយ តែ​នៅមិនទាន់បានទៅសាលារៀននៅឡើយ ដោយស្មារតីរបស់គេ នៅភ័យខ្លាចមិនហ៊ានបែកពីគ្រួសារ។

លោកយាយ វឿន ដែលជាជីដូនរបស់កុមារាចម្លែកនេះ បានឲ្យទស្សនាវដ្តីមនោរម្យ.អាំងហ្វូដឹង នៅថ្ងៃទី២០ ខែ​កុម្ភៈ ឆ្នាំ២០១៥នេះថា កាលពីពេលចាប់កំណើត ក្មេងនេះមិនបានកើតមក តាមធម្មជាតិនោះទេ តែដោយ​សារ​ការ​វះកាត់។ រហូតដល់ចម្រើនអាយុបន្តិចឡើង គេហាក់មានជម្ងឺ ហើយត្រូវបានយក មកព្យាបាល​នៅមន្ទីរពេទ្យ​គុន្ធបុប្ផា ក្នុងខេត្ត​សៀមរាប។ តែនៅពេលព្យាបាលជម្ងឺជាហើយ កុមារនៅតែមានកាយសម្បទា នៅតែដ៏ដែល (តូច ទាប)។ ជីដូន​កុមារ​បានឲ្យដឹងទៀតថា គ្រូពេទ្យនិយាយថា [...]

«ត្រឡប់ទៅផ្ទះ ក្នុងពេលនេះភ្លាមទៅ លោក អាឡិច» នេះជាឃ្លាដំបូង សរសេរឡើង ដោយគណនីហ្វេសប៊ុក អង្គភាពប្រតិកម្មរហ័ស ដែលគេស្គាល់ថាជាគណនីរបស់លោក ផៃ ស៊ីផាន មន្ត្រីអ្នកនាំពាក្យទីស្ដីការគណរដ្ឋមន្ត្រី កាលពីយប់ថ្ងៃទី១៩ ខែកុម្ភៈ នៅមួយថ្ងៃមុនការបិទបញ្ចប់សុពលភាព នៃទិដ្ឋាការរបស់លោក អាឡិចហ្សង់ដ្រូ ហ្គន់ហ្សាឡេស ដេវិតសិន ។ លោក អាឡិច ដែលត្រូវបានក្រសួងមហាផ្ទៃនៃប្រទេសកម្ពុជា បដិសេធមិន​បន្ត​ទិដ្ឋាការ ឲ្យលោកទៅទៀត។

ក្រសួងមហាផ្ទៃបានចាត់ទុកលោក អាឡិច ដែលជាអនុប្រធាន អង្គការចលនាមាតាធម្មជាតិ បានប្រព្រឹត្តខុស​ទៅ​នឹង​លក្ខន្តិកៈរបស់អង្គការ ដែលតម្កល់ទុកនៅក្រសួងមហាផ្ទៃ ដោយបានធ្វើសកម្មភាពរារាំង ការគ្រប់គ្រង​រដ្ឋបាល​សាធារណៈ របស់​អាជ្ញាធរ ខេត្តកោះកុង តាមរយៈការញុះញង់ប្រជាជន ឱ្យចូលរួមបិទផ្លូវសាធារណៈ មិនឱ្យ​ក្រុមការងារ ចុះ​ទៅ​ជួប​ប្រជាពលរដ្ឋ នៅឃុំថ្មដូនពៅ ឃុំប្រឡាយ និងឃុំជំនាប់ ក្នុងស្រុកថ្មបាំង។ [...]