Posts in ‘តារា ជនល្បីៗ’ Category

ក្រោយការចាប់ខ្លួន លោក ថៃ នរៈពិទូ ជុំវិញការជាប់ពាក់ព័ន្ធ នឹងការជួញដូរគ្រឿងញៀន កង​កម្លាំង​នគរបាល​ខេត្តបាត់ដំបង នៅ​បាន​រក​ឃើញ ជំនាញដ៏ពិសេសៗ បន្ថែមទៀត​របស់​ អតីត​«Freshy Boy ឆ្នាំ២០០៦»។ បុរស​រូប​សង្ហា តារាសម្ដែង អាយុ៣២​ឆ្នាំ​រូប​នេះ បាន​បង្ហាញ​ពី​ទេពកោសល្យ​មួយទៀតរបស់លោក ខាងឆ្នៃ​គ្រឿង​ញៀន ដាក់ក្នុង​ស្រាបៀរ ដើម្បី​​ឲ្យ​​ស្រីៗ​ទទួល​ទាន​រួច នឹងអាលអាចធ្វើឲ្យពួកនាង មានអារម្មណ៍​វង្វេង​រង្វាន់ រហូត​«ចង់​រួម​ភេទ»។

វីដេអូមួយ ដែលត្រូវបានគេយកមកបង្ហោះ នៅលើបណ្ដាញសង្គម នៅរសៀលថ្ងៃទី១១ ខែមករានេះ បាន​បញ្ជាក់ ពីជំនាញពិសេសមួយនេះ របស់អតីត «Freshy Boy ឆ្នាំ២០០៦» នៅចំពោះមន្ត្រីនគរបាល ដែល​ភាសា​ម្យ៉ាង​ទៀត គេចាត់ទុក ការឆ្នៃប្រឌិតនេះ គឺជា«ថ្នាំសម្រើប»។ ប៉ុន្តែ ការអះអាងនេះ នៅ​មិនទាន់​មាន​ប្រភព​ណា​ផ្សេង មក​បញ្ជាក់​បន្ថែម​ទៀត ថាយ៉ាងណានោះនៅឡើយ។

» វីដេអូ បង្ហាញពីជំនាញពិសេស របស់តារាសម្ដែង៖

ព័ត៌មានដ៏កក្រើក ផ្អើលអស់ទាំង នៅក្នុងជួររដ្ឋាភិបាល ទាំងនៅក្នុងពិភពអ្នកសិល្បៈខ្មែរ បន្ទាប់ពីហេតុការណ៍ ចូលចាប់ក្រសោប ក្រុមជនសង្ស័យ ពាក់ព័ន្ធនឹងការជួញដូរ​គ្រឿងញៀន ចំនួន៦នាក់ នៅនឹងកន្លែង ពី​សំណាក់​កងកម្លាំងនគរបាល ប្រឆាំងគ្រឿងញៀន ខេត្តបាត់ដំបង កាលពីយប់ថ្ងៃទី៩ ខែមករា។ កក្រើក​ដោយ​ហេតុថា ក្នុង​ចំណោមជនសង្ស័យទាំង៦នាក់ មានប្ដីប្រពន្ធ អតីត «Freshy Boy ឆ្នាំ២០០៦» មួយគូ ដែល​សុទ្ធ​សឹង ជា​កូន​ប្រុស​ស្រី​បង្កើត របស់មន្ត្រីរដ្ឋាភិបាល និងមន្ត្រីជាន់ខ្ពស់ នៅក្រសួងមហាផ្ទៃ។

តារាសម្ដែង លោក ថៃ នរៈពិទូ និងភរិយា អ្នកស្រី អោក រតនៈប៉ុណ្ណិកា ត្រូវបានចាប់ខ្លួន ជាមួយនឹងវត្ថុតាង​ជា​ច្រើន នៅក្នុងហាងខារ៉ាអូខេ ដឹសោន ហ្វាមីលី (The sound family KTV) ដែលស្ថិត​ក្នុង​ភូមិ​កម្មករ សង្កាត់​​ស្វាយប៉ោ ក្រុងបាត់ដំបង។ ហើយនៅចំពោះការបញ្ជាក់ ពីសំណាក់មន្ត្រីទទួលខុសត្រូវ ក្នុងការចុះទៅក្រសោប ក្រុម​​ជន​សង្ស័យ​ខាងលើ [...]

ឪពុកជាមន្ត្រីជាន់ខ្ពស់ នៅក្នុងជួររដ្ឋាភិបាល តែកូនប្រុស បែរជាត្រូវបានចាប់ខ្លួន ទាក់ទង​នឹង​គ្រឿង​ញៀន។ តែ​គេ​នឹង​​កាន់​តែសោក​ស្ដាយ ក្នុងចិត្តថែមទៀត នៅពេលដែលដឹងថា ឪពុកជាវរជនម្នាក់ ជំនាញ​ផ្នែកវប្បធម៌ ដែល​តែង​កោះ​ហៅ​​អ្នកផង​ទាំង​ឡាយ មកធ្វើការ​ក្រើន​​រំលឹក ស្ដីប្រៀនប្រដៅ ទាក់ទង​នឹង​បញ្ហា​វប្បធម៌នោះ តែកូន​ប្រុស​​ដែល​​ជា​តារា​សម្ដែង​មួយរូបដែរ បែរជានៅ​ជាប់​វិលវល់ តែជា​មួយ​គ្រឿងញៀន រហូត​ត្រូវ​បាន​ចាប់​ខ្លួន​ដូច្នេះ។

ដំណឹងនេះ ត្រូវបានស្នងការនគរបាលជាតិ ផ្សព្វផ្សាយឲ្យដឹង កាលពីថ្ងៃទី១០ ខែមករានេះ នៅលើគេហទំព័រ​ផ្លូវ​ការ​​របស់ខ្លួន។ គេហទំព័រ​បាន​សរសេរថា ការឃាត់ខ្លួនជនទាំង៦នាក់ បានធ្វើឡើង នៅយប់ថ្ងៃទី៩ ខែមករា វេលា​ម៉ោង​២៣និង២០នាទី នៅ​ចំណុច​ខារ៉ាអូខេ ដឹសោន ហ្វាមីលី (The sound family KTV) ស្ថិត​ក្នុង​ភូមិ​កម្មករ សង្កាត់​ស្ចាយប៉ោ ក្រុងបាត់ដំបង ដោយការិយាល័យ​ប្រឆាំង​គ្រឿង​ញៀន [...]

ពាក្យចចាមអារាម ដែលចេះតែលេចឮ អស់រយៈពេលជាច្រើនថ្ងៃ មកហើយនោះ បានក្លាយជាការពិត នៅ​ថ្ងៃ​នេះ។ លោក ដូណាល់ ត្រាំ (Donald Trump) ប្រធានាធិបតីអាមេរិក ដែលទើបនឹងជាប់ឆ្នោតថ្មីថ្មោង ពិតជា​បាន​ផ្ដល់​តំណែង «ដ៏សមគួរ» មួយ សម្រាប់លោក ស៊ីលវេស្ទ័រ ស្តាឡូន (Sylvester Stallone) ដើម្បីឲ្យ​អតីត​កំពូល​តារា​ភាពយន្ដ ដែលសំដែងជាតួឯក ក្នុងរឿង «រ៉ាំប៊ូ (Rambo)» រួបនេះ បានចូលមកធ្វើការ នៅក្នុង​រដ្ឋបាល​របស់លោក។

តំណែងនោះ គឺលោក ស៊ីលវេស្ទ័រ ស្តាឡូន ដែលមានវ័យ៧០ឆ្នាំ នឹងក្លាយជាប្រធាន នៃស្ថាប័ន​មូលនិធិ​អាមេរិកាំង ដែលមានទិសដៅ សម្រាប់​វប្បធម៌​និង​សិល្បៈ ហៅជាភាសាអង់គ្លេស «National Endowment of the Arts»។

ប៉ុន្តែ នៅចំពោះការផ្ដល់តំណែងនោះ តារាភាពយន្ដ ដែលបានក្លាយជា សមិទ្ធិករ និងផលិតកររូបនេះ [...]

ដំណឹងផ្ទុះឡើង បានកន្ត្រាក់អារម្មណ៍ អស់ទាំងពិភពលោក ជាពិសេស​ពិភពភាពយន្ដ។ គូស្វាមីភរិយាតារា ប្រ៊េដ-​អេនជឺលីណា (Brangelina) ដែលល្បីល្បាញជាងគេ នៅក្នុងពេលនេះ បានឈានទៅ​ដល់​​ដំណាក់​​កាល​ចុង​​បញ្ចប់​​ហើយ។

គឺកំពូលតារាភាពយន្ដ នាង អេនជឺលីណា ជូលី (Angelina Jolie) ជាអ្នកប្ដឹងទាមទារ រកការលែងលះនេះ ពី​ស្វាមី​របស់នាង គឺលោក ប្រ៊េដ ភីត (Brad Pitt) បន្ទាប់ពីរៀបការបាន២ឆ្នាំ និងបានរួមរស់ជាមួយគ្នា តាំងពី​១២ឆ្នាំ​មកនោះ។ នេះបើតាមការទម្លាយឲ្យដឹង របស់គេហទំព័រ «TMZ» របស់អាមេរិក ដែលមាន​ជំនាញ​ខាង​ព័ត៌មាន ឬដំណឹងបែកធ្លាយរបស់តារា និងជនល្បីៗក្នុងលោក ជាពិសេសដំណឹងដំបូងគេ ទាក់ទងនឹង​មរណភាព របស់​ស្ដេចចម្រៀង ម៉ៃឃើល ចាក់សុន (Michael Jackson)។

បើតាមប្រភពរបស់គេហទំព័រនេះ បានអះអាងថា នាង អេនជឺលីណា ជូលី ដែលមានអាយុ៤១ឆ្នាំ បាន​ទាមទារ​ថែរក្សាកូនទាំង៦នាក់ ហើយស្នើចៅក្រម​ផ្ដល់ការអនុញ្ញាត ទៅឲ្យ ប្រ៊េដ ភីត [...]