Posts in ‘កីឡាគ្រប់ប្រភេទ’ Category

កាប្រកួតជុំជំរុះ នៃក្រុមC ក្នុងវគ្គទីមួយ បានបញ្ចប់ទៅហើយ។ ក្រុមកីឡាករបាល់ទាត់ របស់ប្រទេសក្រូអាស៊ី បានសម្ដែង មហិទ្ធិរិទ្ធ ដ៏អស្ចារ្យរបស់ខ្លួន ដោយបានផ្ដួលគូប្រជែង មកពីប្រទេសអ៊ៀឡង់ ជាមួយនឹងពិន្ទុ ៣-១។ ក្រូអាស៊ីបានឡើងជា អ្នកមានពិន្ទុច្រើនជាងគេ នៅក្នុងក្រុមCនេះ លើក្រុមជំរើសជាតិរបស់ អេស្ប៉ាញ និងអ៊ឺតាលី ដែលគេទាំងពីរប្រកួតគ្នា បាន ពិន្ទុត្រឹមតែស្មើគ្នាប៉ុណ្ណោះ។

ក្នុងការប្រកួតរវាងអេស្ប៉ាញ និងអ៊ីតាលី អ្នកតាមដានបាល់ទាត់ កំពុងតែសំលឹងពីបញ្ហា ដែលមាននៅក្នុង ក្រុមជំរើសជាតិ របស់អេស្ប៉ាញ ដែលធ្លាប់ជាម្ចាស់ពានរង្វាន់អ៊ឺរ៉ុប២០០៨ និងពានរង្វាន់ពិភពលោក២០១០។ ទស្សនាវដ្ដីមនោរម្យព័ងអាំងហ្វូ បានធ្វើរបាយការណ៍ រួចហើយ ពីអវត្តមានរបស់កីឡាករខាងខ្សែរប្រយុទ្ធ របស់អេស្ប៉ាញពីរនាក់ គឺ កាលេស ប៉ុយ៉ូល (Carles Puyol) និងដាវិត វីឡា (David [...]

ការប្រកួតបានចាប់ផ្ដើម នៅប្រទេសប៉ូឡូញ ក្នុងកីឡាដ្ឋានមួយដែលពេញប្រៀបដោយ អ្នកគាំទ្រភាគច្រើន របស់ក្រុម ជំរើសជាតិ នៃប្រទេសប៉ូឡូញ។ នៅក្រោយការប្រកួតបានតែ ១៧នាទីប៉ុណ្ណោះ ដែលកីឡាករជនជាតិប៉ូឡូញ ម្នាក់ឈ្នោះ ឡេវ៉ានដូវស្គី (Lewandowski) បានយកក្បាលបុកបញ្ជូនបាល់ អោយចូលក្នុងទីរបស់ ក្រុមប្រទេសក្រិច ហើយបានធ្វើអោយ ប៉ូឡូញមានពិន្ទុនាំមុខ ១-០។ ជារឿងមួយដែលសឹងតែរកជឿមិនបាន ដែលប្រទេសប៉ូឡូញជាប្រទេស មិនដែលល្បីក្នុង ពិភពបាល់ទាត់សោះនេះ បានបំបាក់ធ្មុងរបស់ក្រិច ជាអតីតម្ចាស់ពានរង្វាន់អ៊ឺរ៉ុប កាលពីឆ្នាំ២០០៤ ដោយបានទាត់បញ្ចូលទី បានមុននោះ ។

ការប្រកួតបាល់ទាត់ អ៊ឺរ៉ូ ២០១២ រវាង ក្រិចនិងប៉ូឡូញ / Crédit Photo: AFP

ដាណឺម៉ាក បានកន្ត្រាក់អារម្មណ៍ ពិភពបាលទាល់អ៊ឺរ៉ុប អោយបានដឹង ពីសមត្ថភាពរបស់ខ្លួន ដោយបានបំបាក់ ហូឡង់ ជាជើងឯកទី២ពិភពលោក​ ក្នុងការជួបប្រកួត ដណ្ដើមពានរង្វាន់អ៊ឺរ៉ុប ២០១២ កាលពីថ្ងៃសៅរិ៍ទី០៩ ខែមិថុនានេះ ជាមួយនឹងពិន្ទុ ១ទល់នឹង០។ ក្នុងការជួបប្រកួតមួយទៀត ក្រោយនេះបន្តិចក្នុងថ្ងៃដដែល អាឡឺម៉ង់ក៏បានរក្សានូវកំលាំង របស់ខ្លួន ក្នុងពិភពបាល់ទាត់ ដោយបានយកឈ្នះ ព័រទុយហ្គាល់ ក្នុងពិន្ទុ ១ទល់នឹង០ ដែរ។

ការប្រកួតបាល់ទាត់ អ៊ឺរ៉ូ ២០១២ រវាង ហូឡង់និងដាណឺម៉ាក / Crédit Photo: uefa.com

នៅក្នុងពាក់កណ្ដាលម៉ោងដំបូង នៅនាទី ទី២៤ កីឡាករដាណឺម៉ាក ឈ្មោះ ស្តេកឺលេនប៊ួរ (Stekelenburg) បានឈូស បាល់ ដែលនៅនឹងជើងរបស់ខ្លួន អោយចូលទៅក្នុងទីរបស់ [...]

ការប្រកាន់ពូជសាសន៍ ពណ៌សម្បុរ ត្រូវបានគេកត់សំគាល់ ថាបានកើតមានឡើងនៅ អ៊ឺរ៉ូ២០១២ ខណៈដែល ក្រុមបាល់ ទាត់ជំរើសជាតិរបស់ប្រទេសហូឡង់ បានចេញទៅហ្វឹកហាត់កាលពីថ្ងៃសុក្រទី៨ ខែមិថុនា កន្លងទៅនេះ។ ប្រធានក្រុម កីឡាករហូឡង់ លោក ម៉ាក វ៉ាន ប៊ូមែល (Mark van Bommel) បានបរិហា ពី«សំលេងស្រែកហ៊ោ របៀបស្វាព្រៃ (cris de singe)» បានកើតឡើង នៅទីក្រុង ក្រាកូវីរ នៃប្រទេសប៉ូឡូញ ក្នុងពេលក្រុមកីឡាករ កំពុងរត់ដើម្បីកំដៅសាច់ដុំ ហើយចេញសេចក្ដីប្រកាសបន្ទាប់ពីនោះថា «ជារឿងមិនអាចទទួលយកបាន»។ កីឡាកររូបនេះ បានបន្តអោយដឹងក្នុង ទស្សនាវដ្ដីហូឡង់មួយឈ្មោះ De Telegraaf ថា «នៅក្នុងរាល់ការប្រកួត ប្រសិនបើមានតែកីឡាករតែម្នាក់ ក្នុងចំណោម គ្នាយើង ត្រូវរងនឹងសម្រែកបែបនេះ យើង​នឹងនាំគ្នាទៅរកអាជ្ញាកណ្ដាលដើម្បី សុំអោយធ្វើអន្តរាគមន៍។»

តាំងពីមុន ចាប់ផ្ដើមចូលមកប្រកួត​​ នៅអ៊ឺរ៉ូ ២០១២ម្លេះ ដែលគេបានចាប់អារម្មណ៏ទៅលើ ក្រុមជំរើសជាតិរបស់ប្រទេសរ៉ូស្ស៊ី ដែលបានកាច់ធ្មុងរបស់អ៊ីតាលីជាមួយនឹងពិន្ទុ ៣-០ ក្នុងការប្រកួតជាលក្ខណៈមិត្តភាពមួយ​ កាលពីប៉ុន្មានថ្ងៃមុននេះ។  ប៉ុន្តែនារាត្រីទី៨ ខែមិថុនានេះ មិនមែនជាការប្រកួតជាលក្ខណៈមិត្តភាពទេ តែជាការប្រកួតលើកទីពីរ ដើម្បីដណ្ដើមពាន រង្វាន់អ៊ឺរ៉ុប ២០១២ ដែលប្រទេសរ៉ូស្ស៊ី តាមរយះកីឡាកររបស់ខ្លួន ធ្វើអោយប្រទេសផ្សេងៗ ក្នុងពិភពបាល់ទាត់អ៊ឺរ៉ុប មានការភ្ញាក់ផ្អើលជាខ្លាំង។ បន្ទាប់ពី ការប្រកួតរបស់ប្រទេសក្រិច និងប៉ូឡូញនៅមុននេះតែប៉ុន្មានម៉ោងប៉ុណ្ណោះនោះ ដែលក្រុមជំរើសជាតិរបស់រ៉ូស្ស៊ី បានជួបជាមួយ នឹងឆែក នៅក្នុងការប្រកួតជុំជំរុះ នៃក្រុម A ហើយបានកាច់បំបាក់ក្រុមឆែក អោយបរាជ័យ យ៉ាងជូចត់។