Posts in ‘កីឡាគ្រប់ប្រភេទ’ Category

ខ្សែប្រយុទ្ធវ័យក្មេង ណីម៉ា (Neymar) បានប្រាប់ដល់មិត្តរួមក្រុមសាន់តូស (Santos) ថាគាត់មិនចាំរហូតដល់ការប្រកួត បាល់ទាត់ពិភពលោកឆ្នាំ២០១៤ នៅប្រេស៊ីលចប់នោះទេ ហើយគាត់នឹងប្តូរទៅកាន់ក្រុមបាសេឡូណា (Barcelona) នៅ​រដូវក្តៅខាងមុខនេះ។

កីឡាករ ណឺម៉ា ដែលនឹងត្រូវទៅចូលរួមជាមួយក្រុមបាសឺឡូណារបស់ប្រទេសអេស្ប៉ាញ។

កាសែតអេស្ប៉ាញ ម៉ុនដូ ដេប៉ូតេវ៉ូ (Mundo Deportivo) បានចេញផ្សាយថា តារាឆ្នើមប្រេស៊ីល បានប្រាប់ដល់មិត្តរួមក្រុម​របស់គាត់ច្បាស់ហើយថា គាត់នឹងប្តូរទៅកាន់កីឡាដ្ឋាន ខេមនូ (Camp Nou) បន្ទាប់ពីប្រកួតពានរង្វាន់ ខនហ្វេដឺរ៉ាសិន​ខាប់ (Confederations Cup) នៅរដូវក្តៅចប់រួចរាល់។

ក្រុមអ្នកមានបុណ្យ បាសេឡូណា បានត្រៀមទឹកប្រាក់ប្រមាណ ៤០លានអ៊ឺរ៉ូ ដើម្បីនាំយកកីឡាករវ័យ២១ឆ្នាំរូបនេះ [...]

ក្រុមម្ចាស់ជើងឯកមិត្តហ្វូនខេមបូឌានរបស់កម្ពុជា ចំការកៅស៊ូបឹងកេត មិនមានសំណាងទៅកាន់វគ្គជាបន្ត នៃពានរង្វាន់ អេអេហ្វស៊ី ប្រេស៊ីដិនខាប់ (AFC President’s Cup) ឆ្នាំ២០១៣នោះទេ បន្ទាប់ពីប្រកួតចាញ់ក្រុមប៉ាឡេស្ទីន ហីលាល អាល់ហ្គាដស៏ (Hilal Al-Quds) ដោយលទ្ធផល ១-០ កាលពីល្ងាចថ្ងៃទី១០ ខែឧសភាម្សិលមិញ។

ក្រុមប៉ាឡេស្ទីន ហីលាល អាល់ហ្គាដស៏ ឯកសណ្ឋានខៀវ នៅក្រោយពេលទាត់ចូលក្រុមបឹងកេតមួយគ្រាប់។ (រូបថត V.Chivann/MONOROOM.info)

ក្នុងការប្រកួតនោះ ក្រុមបឹងកេតទាមទារយកជ័យជំនះដាច់ខាត ខណៈដែល អាល់ហ្គាដស៏ទាមទារ សុំត្រឹមតែស្មើក៏ អាច ឡើងទៅវគ្គបន្តបានដែរ។ ក្រុមអាល់ហ្គាដស៏ បានគាបសង្កត់ទៅលើបឹងកេតយ៉ាងខ្លាំងនៅដើមវគ្គទី១ តែទោះជាយ៉ាងណា ក៏ពុំមានក្រុមណាមួយអាចទាត់បញ្ចូលទីគ្នាបានឡើយ។

កីឡាករវាយកូនបាល់ និងជាម្ចាស់ការពារដំណែងជើងឯក រ៉ចឺ ហ្វេដឺរ៉ឺ (Roger Federer) បានធ្លាក់ចេញពីកម្មវិធី​ប្រកួត​ពានរង្វាន់ ម័ដទូ ម៉ាឌ្រីដអូផិន (Mutua Madrid Open) ក្នុងវគ្គ១៦នាក់ចុងក្រោយ កាលពីថ្ងៃព្រហស្បតិ៏ ក្នុងទីក្រុងម៉ាឌ្រីដ ប្រទេសអេស្ប៉ាញ បន្ទាប់ពីប្រកួតចាញ់កីឡាករចំណាត់ថ្នាក់លេខ១៤ពិភពលោក របស់ជប៉ុន គេ នីស៊ីកូរី (Kei Nishikori) ដោយលទ្ធផល ៦-៤, ១-៦ និង៦-៣។

កីឡាករវាយកូនបាល់ រ៉ចឺ ហ្វេដឺរ៉ឺ។

បន្ទាប់ពីចាញ់ក្នុងវគ្គទី១ រ៉ចឺ បានព្យាយាមវាយបកយកឈ្នះវិញនៅវគ្គទី២ ប៉ុន្តែទោះបីជាយ៉ាងណា​ក៏កីឡាករសញ្ជាតិស្វីស​រូបនេះ ធ្វើមិនបានល្អនោះទេ នៅក្នុងវគ្គទី៣ ខណៈដែលកីឡាកររបស់អាស៊ី ក៏បានបង្ហាញពីទម្រង់លេងគួរឲ្យភ្ញាក់ផ្អើល​ដែរនោះ។

បន្ទាប់ពីចំណាយពេលអស់១ម៉ោង៣៥នាទី ក្នុងការផ្តួលហ្វេដឺរ៉ឺ [...]

ខ្សែបម្រើក្រុមមេឃខៀវ ម៉ែនឆេស្ទើ ស៊ីធី (Manchester City) យ៉ាយ៉ា តូរ៉េ (Yaya Toure) បាននិយាយថា ក្រុមរបស់គាត់ (ម៉ែន-ស៊ីធី) នឹងអាចឈ្នះពានរង្វាន់ព្រីមែលីក (Premier League) នៅរដូវកាលក្រោយ ខណៈដែលលោក អាឡិច ហ្វឺកឺសិន (Alex Ferguson) គ្រូបង្វឹកក្រុមម៉ែនញូបានចូលនិវត្តន៏។

យ៉ាយ៉ា តូរ៉េ កីឡាកររបស់ ក្រុមមេឃខៀវ ម៉ែនឆេស្ទើ ស៊ីធី។

បន្ទាប់ពីបរាជ័យក្នុងការការពារដំណែងម្ចាស់ជើងឯកព្រីមែលីក ក្រុមម៉ែនឆេស្ទើ ស៊ីធី នឹងត្រូវប្រកួតពានរង្វាន់អេហ្វអេខាប់ (FA Cup) វគ្គផ្តាច់ព្រ័ត្រ ជាមួយនឹងក្រុមវីកែន (Wigan) នៅក្នុងកីឡាដ្ឋាន វ៊ែមប្លី (Wembley) នាថ្ងៃទី១១ ខែឧសភា ស្អែក​នេះ ដោយពួកគេមានសង្ឃឹមយ៉ាងមុតមាំថា ប្រាកដជាអាចលើកពានរង្វាន់នោះ ដើម្បីជាការលួងចិត្ត​ដល់អ្នកគាំទ្រ​របស់​ខ្លួន។

ប៉ុន្តែយ៉ាយ៉ា [...]

ទីបំផុតក្រុមបីសាចក្រហម ម៉ែនឆេស្ទើ យូណៃធីត (Manchester United) ឬហៅថា «ម៉ែនញូ» បានយល់ព្រមតែងតាំង​លោក ដេវីដ ម៉យ (David Moyes) ក្នុងដំណែងជាគ្រូបង្វឹកថ្មីរបស់ពួកគេហើយ ក្នុងកិច្ចសន្យារយះពេល៦ឆ្នាំ។

លោកអាឡិច ហ្វឺកឺសិន (ខាងឆ្វេង) ចាប់ដៃលោកដេវិដ ម៉យ។

បុរសវ័យ៥០រូបនេះ នឹងមកកាន់ទឹកដី អូលត្រាហ្វដ (Old Trafford) នៅថ្ងៃទី០១ ខែកក្កដា បន្ទាប់ពីចំណាយពេល​ពេញ​មួយរដូវកាល ជាមួយក្រុមអេវើតុន (Everton)។

ម៉យ នឹងមកជំនួសដំណែងលោក សឺអាឡិច ហ្វឺកឺសិន (Sir Alex Ferguson) ដែលនឹងត្រូវចូលនិវត្តន៏ក្រោយ​ចប់រដូវកាល​នេះ ហើយការប្រកួតសំខាន់លើកដំបូងរបស់គាត់ នឹងត្រូវប្រកួតក្នុងពានរង្វាន់ ខមម៉ូញ៉ូនីធី ស្ស៊ៀល (Community Shield) ដែលត្រូវជួបក្រុម ម៉ែនឆេស្ទើ ស៊ីធី (Manchester City) [...]