Posts in ‘បច្ចុប្បន្នភាពក្នុងលោក’ Category

«ឯកអគ្គរាជរដ្ឋទូត ជុំ ប៊ុនរ៉ុង បានឆ្លើយតប ចំពោះការសាកសួររបស់ខ្ញុំ ជាមួយនឹងការដោះសារច្រានចោល និងពាក្យសំដីឥតតម្លៃ» នេះជាការវាយតម្លៃ របស់លោក ថេដ គ្រូស (Ted Cruz) សមាជិកព្រឹទ្ធសភា និងជាអតីតបេក្ខជនប្រធានាធិបតីអាមេរិក មកពីគណបក្សសាធារណរដ្ឋ ចំពោះការឆ្លើយតប របស់លោក ជុំ ប៊ុនរ៉ុង ឯកអគ្គរដ្ឋទូតកម្ពុជា ប្រចាំនៅសហរដ្ឋអមេរិក។ 

កាលពី​ថ្ងៃ​ទី​៧ ខែ​វិច្ឆិកា លោក ជុំ ប៊ុនរ៉ុង បានសរសេរលិខិតមួយច្បាប់ ​ប្រាប់​ទៅលោក ថេដ គ្រូស ​ថាលទ្ធិប្រជាធិបតេយ្យ​នៅ​កម្ពុជា កំពុង​តែ​វិវឌ្ឍ​ទៅ​មុខ ហើយដើម្បីឲ្យ​លទ្ធិប្រជាធិបតេយ្យ​នេះ ​អាច​សម្រេច​ទៅ​បាន លុះត្រា​នីតិរដ្ឋ​ត្រូវ​បាន​ធានា និង​អនុវត្ត​ដោយ​ពេញលេញ​ ក្នុង​គោលបំណង​ដើម្បី​ថែរក្សា​ស្ថិរភាព សន្តិភាព និង​ផល​ប្រយោជន៍​ប្រជាជាតិ។ 

​លោក​ឯក​អគ្គរាជទូតខ្មែរ ប្រចាំនៅរដ្ឋធានី វ៉ាស៊ីនតោន រូបនេះ ​បាន​ពន្យល់បន្ត​ថា ការ​ចាប់​ខ្លួន​លោក កឹម សុខា [...]

ក្រុមតំណាងរាស្ត្រមកពីគណបក្សសង្គ្រោះជាតិ ប្រមាណជាង៤០នាក់ បានចុះហត្ថលេខា នៅលើសេចក្ដីថ្លែងការណ៍មួយ ដែលចេញផ្សាយ នៅរសៀលថ្ងៃទី៨ ខែវិច្ឆិកានេះ ប្រកាសគោរព​«ឧត្ដមគតិ»គណបក្ស មិនក្បត់ឆន្ទះរាស្ត្រ រក្សានិងការពាររចនាសម្ព័ន្ធរបស់គណបក្ស ដែលមានជាធរមាន និងដែលបង្កើតឡើង ដោយស្របច្បាប់ តាមរយៈសមាជរបស់គណបក្ស។

ក្នុងសេចក្ដីថ្លែងការណ៍នោះ ក៏មានសរសេរទាមទារ ទៅកាន់រដ្ឋអំណាចសព្វថ្ងៃ ដែលស្ថិតក្រោមការគ្រប់គ្រង របស់គណបក្សប្រជាជនកម្ពុជា ឲ្យដោះលែងប្រធានគណបក្ស លោក កឹម សុខា រួមនឹងទាមទារ ឲ្យ«ផ្ដល់»មកវិញ នូវសិទ្ធិសេរីភាពពេញលេញ ដូចមានចែងនៅក្នុងរដ្ឋធម្មនុញ្ញកម្ពុជា និងសន្ធិសញ្ញា អនុសញ្ញា រួមនឹងកាតិកាសញ្ញាផ្សេងៗ ដែលកម្ពុជាបានចុះហត្ថលេខា។

ក្រុម​តំណាងរាស្ត្រ​គណបក្ស​សង្គ្រោះ​ជាតិ បាន​អំពាវនាវ​ឲ្យ​អ្នក​គាំទ្រ និង​សមាជិក សមាជិកា ព្រម​ទាំង​រចនាសម្ព័ន្ធ​គណបក្ស​សង្គ្រោះ​ជាតិ គ្រប់​ជាន់​ថ្នាក់​នៅ​ទូទាំង​ប្រទេស [...]

លិខិតចំហរផ្ញើរជូនប្រធានាធិបតីអាមេរិក លោក ដូណាល់ ត្រាំ (Donald Trump) ដែលទស្សនាវដ្ដីមនោរម្យ.អាំងហ្វូ ទទួលបានកាលពីម្សិលម៉ិញ ក៏ត្រូវបានលោក ទូច វិបុល ប្រធានអង្គការសម្ព័ន្ធមិត្តខ្មែរ-អាមេរិកាំង លើកយកមកអាន ផ្សាយដាក់ក្នុងវីដេអូមួយ របស់លោកនោះដែរ។ វីដេអូនោះ ត្រូវបានចែករំលែក យ៉ាងទូលំទូលាយ នៅលើបណ្ដាញសង្គម តាំងពីម្សិលម៉ិញមក។

លិខិតនោះ បានសរសេរថា៖ «ប្រទេសចិន និងវៀតណាម បានស្រោចទឹកដាក់ជី (ឲ្យ)របបហ៊ុន សែន ដើម្បីគៀបសង្កត់ប្រជាពលរដ្ឋរបស់ខ្លួន និងរក្សាអំណាចផ្តាច់ការ របស់ពួកគេ»។ លិខិតដដែល បានបន្តទៀតថា៖ «អ្នកស្រឡាញ់សន្តិភាព ចេញមុខជួយអ្នកទាំងឡាយណា ដែលបោះដៃសុំឲ្យជួយ។ នៅពេលនេះ ប្រជាពលរដ្ឋខ្មែរកំពុងសុំលោកប្រធានាធិបតី (...) ឲ្យជួយហើយ នៅថ្ងៃនេះ យើ​ងបា​នធ្វើ​នូវអ្វី ដែល​យើងត្រូវធ្វើ»។

យ៉ាងណា សម្រាប់មន្ត្រីរដ្ឋាភិបាលកម្ពុជា និងគណបក្សប្រជាជនកម្ពុជា [...]

មិនមែនជាការផ្ដាច់ជំនួយនោះទេ កុំថាឡើយ ដល់ទៅនិយាយថា ជាការផ្ដាច់ជំនួយ ដោយគ្មានមូលហេតុ។ តែគម្រោង នៃការផ្ដល់ជំនួយនេះ នឹងឈានដល់ទីបញ្ចប់ ក្នុងខែធ្នូ ឆ្នាំ២០១៧ខាងមុខនេះ។ នេះ ជាការលើកឡើងរបស់លោក ដេវីដ ចូសារ (David Josar) អ្នកនាំពាក្យស្ថានទូត​អាមេរិក​ប្រចាំនៅកម្ពុជា ទាក់ទងនឹងការលើកឡើង របស់លោក ហេង រតនា ប្រធានមជ្ឈមណ្ឌលកំចាត់មីនកម្ពុជា (CMAC) ដែលអះអាងថា ប្រទេសមហាអំណាច នឹងកាត់ផ្ដាច់ជំនួយ ចាប់ពីដើម​ឆ្នាំក្រោយ។

កាលពីថ្ងៃចន្ទម្សិលម៉ិញ លោក​ ហេង រតនា បានសរសេរ នៅលើទំព័រហ្វេសប៊ុករបស់លោកថា សហរដ្ឋអាមេរិកបានសំរេច កាត់ផ្តាច់ជំនួយមនុស្សធម៌របស់ខ្លួន មកឲ្យមជ្ឈមណ្ឌលរបស់លោក សម្រាប់បោសសម្អាតអាវុធមិនទាន់ផ្ទុះ ចាប់ពីដើមខែមករាឆ្នាំ២០១៨តទៅ​ ដោយគ្មានការបញ្ជាក់ហេតុផល អ្វីច្បាស់លាស់ឡើយ។ លោក រតនា ដែលជាមន្ត្រីចាត់តាំង របស់រដ្ឋាភិបាលកម្ពុជា បានអះអាងដូច្នេះ ដោយស្រង់ការបញ្ជាក់ឲ្យដឹង ពីសំណាក់អង្គការ «NPA» [...]

ប្រសិនជាមេដឹកនាំប្រឆាំង ហាក់មានជំហរស្ងាត់ស្ងៀម នៅក្នុងអំឡុងពេល នៃបុណ្យអុំទូក អកអំបុកសំពះព្រះខែ (ពីថ្ងៃទី២ រហូតដល់ថ្ងៃទី៤ ខែវិច្ឆិកា) នេះ តែលោកនាយករដ្ឋមន្ត្រី ហ៊ុន សែន មិនបានទុកឲ្យពិធីនេះ បញ្ចប់ទៅ ដោយក្ដីសប្បាយរីករាយ សម្រាប់ពលរដ្ឋកម្ពុជា​ទូទៅនោះទេ។ បុរសខ្លាំងកម្ពុជា បានយកថ្ងៃទី៤ ខែវិច្ឆិកា ដែលជាថ្ងៃចុងក្រោយ នៃព្រះរាជពិធីជាប្រពៃណីនេះ ដើម្បីថ្លែងសារនយោបាយ អំពាវនាវឲ្យមានការចុះចូល ជាមួយគណបក្សប្រជាជនកម្ពុជា​របស់លោក ទៅកាន់តំណាងរាស្ត្រ ថ្នាក់ដឹកនាំជាតិ និងមូលដ្ឋាន របស់គណបក្សសង្គ្រោះជាតិ ដែលលោកអះអាងហើយ អះអាងទៀត ថានឹងត្រូវតុលាការរំលាយ នៅថ្ងៃទី១៦ ខែវិច្ឆិកាខាងមុខ។

បើទោះជាលោកប្រកាសថា លោកមិនលូកដៃចូល ក្នុងស្ថាប័នតុលាការក៏ដោយ តែបើតាមប្រសាសន៍របស់លោក តុលាការគ្រាន់តែជាស្ថាប័ន​«ស្វ័យ​ប្រវត្តិ»​មួយ ដែលចាំបាច់ត្រូវធ្វើតាមអ្វី ដែលជាការស្នើសុំរបស់ក្រសួងមហាផ្ទៃ ដែលជាសេនាធិការមួយ [...]