Posts in ‘បច្ចុប្បន្នភាពក្នុងលោក’ Category

នៅមុនការបោះឆ្នោតអាណត្តិក្រោយ គណបក្សសង្គ្រោះជាតិ នឹងមានក្រុមការងារតាមភូមិ-ឃុំ ដើម្បីជួយ​ប្រជាពលរដ្ឋ ដែលមិនទាន់មានអត្តសញ្ញាណបណ្ណ ឲ្យទទួលបានអត្តសញ្ញាណបណ្ណគ្រប់ៗគ្នា។ នេះបើតាម​ការលើកឡើង របស់លោក សម រង្ស៊ី ប្រធានគណបក្សសង្គ្រោះជាតិ។

ថ្លែងក្នុងកម្មវិធី ស្តីពី «ដំណើរឆ្ពោះទៅរកការបោះឆ្នោត ដើម្បីនាំមកនូវការផ្លាស់ប្តូរ» នាថ្ងៃទី២ ខែតុលា ឆ្នាំ​២០១៥ នៅសណ្ឋាគារអ៊ីមភឺរៀល លោក សម រង្ស៊ី បានលើកឡើងថា៖ «យើងនឹងចាប់ផ្តើមណែនាំ ឱ្យរចនា​សម្ព័ន្ធរបស់យើង នៅតាមភូមិនីមួយៗ ធ្វើបញ្ជីអ្នកដែលអត់ ទាន់មានអត្តសញ្ញាណបណ្ណ។ តើមាន​មូលហេតុ​អ្វី? ខ្វះអ្វី? ហើយតាមដាន ជួយប្រជាពលរដ្ឋដោយមិនរើសមុខ។ ទោះជាប្រជាពលរដ្ឋ គាំទ្រគណបក្ស​ណាក៏​ដោយ មិនប្រកាន់ថា គាត់បោះឆ្នោតឲ្យគណបក្សណានោះទេ។ ប៉ុន្តែបើប្រជាពលរដ្ឋណា ដែលគាត់លើក​ឡើងថា គាត់គ្មានអត្តសញ្ញាណបណ្ណ គាត់ជួបការលំបាក គណបក្សសង្រ្គោះជាតិនឹងជួយ។»

លោកបានអះអាងថា [...]

នោះ ព្រោះតែតុលាការកម្ពុជា មិនឯករាជ្យ ដែលនាំឲ្យមានភាពស្ងៀមស្ងាត់ ក្នុងការផ្តល់យុត្តិធម៌ សម្រាប់​ជន​រងគ្រោះ ក្នុងព្រឹត្តិការណ៍ផ្ទុះគ្រាប់បែក មុខរដ្ឋសភា កាលពីថ្ងៃទី៣០ ខែមីនា ឆ្នាំ១៩៩៧ កន្លងមកនេះ។ នេះ​ជា​ការ​អះអាង របស់លោក សម រង្ស៊ី ប្រធានគណបក្សសង្រ្គោះជាតិ នៅក្នុងទិវារាប់បាតរដូវភ្ជំបិណ្ឌ ដែល​ធ្វើ​ឡើង​ដើម្បី​ឧទ្ទិស ទៅកាន់អ្នករងគ្រោះ ក្នុងព្រឹត្តិការណ៍ផ្ទុះគ្រាប់បែក នៅមុខរដ្ឋសភា កាលពីជាង១៨ឆ្នាំមុន។

លោក រង្ស៊ី បានថ្លែងទៀតថា ដើម្បីទទួលបានយុត្តិធម៌ សម្រាប់អ្នកស្លាប់ទាំងនោះ លោកនឹងមាន​យុទ្ធសាស្រ្ត​ថ្មី ដើម្បីជម្រុញ ឲ្យមានការផ្តល់នូវយុត្តិធម៌មួយ ដ៏សមស្របសម្រាប់ពួកគេ នាពេលខាងមុខ។

ទស្សនាវដ្តីមនោរម្យ.អាំងហ្វូ មិនអាចសុំប្រតិកម្ម ពីអ្នកនាំពាក្យរដ្ឋាភិបាល ឬក្រសួងមហាផ្ទៃ បាននៅឡើយ រហូត​មកទល់ពេលនេះ ព្រោះមិនមានអ្នកទទួលទូរស័ព្ទ៕

«បើយើងលះបង់ អាភាពលាបពណ៌ដាក់គ្នា ខ្ញុំគិតថា អ្វីៗក៏វាបានប្រសើដែរ។» នេះជាការលើកឡើង របស់​លោក អំ សំអាត ប្រធានបច្ចេកទេសស៊ើបអង្កេត នៃអង្គការការពារសិទ្ធិមនុស្ស លីកាដូ ទៅកាន់អ្នក​សារព័ត៌មាន ទាក់ទងនឹងបញ្ហាសិទ្ធិលំនៅដ្ឋាន ដែលត្រូវបានគេមើលឃើញថា បានប៉ះពាល់ លើពលរដ្ឋ​កម្ពុជាមួយចំនួន។

ផ្ដល់កិច្ចសម្ភាស ក្នុងទិវាសិទ្ធិលំនៅដ្ឋាន កាលពីថ្ងៃទី៥ ខែតុលា លោក អំ សំអាត បានលើកជាឧទាហរណ៍ថា ពលរដ្ឋជាង២០ សហគមន៍បាននាំគ្នាប្រារព្វ ទិវាសិទ្ធិលំនៅដ្ឋាន បើរដ្ឋាភិបាលមិនបានប្រារព្ធទេ អាចចាត់​តំណាងមកចូលរួម ជាមួយនឹងប្រជាពលរដ្ឋ។ ឬបើមិនបានប្រារព្ធទេ គួណាស់បើកទូលាយ ដល់ពលរដ្ឋ​ទាំង​អស់ ឲ្យបង្ហាញនូវទុក្ខកង្វល់របស់ខ្លួន ពីបញ្ហាសិទ្ធិលំនៅដ្ឋាននេះ។ លោកបន្តថា ពេលនោះជាតិ និង​អន្តរជាតិ នឹងមើលឃើញថា រដ្ឋាភិបាលកម្ពុជា បើកឱកាសទូលាយ ក្នុងការសម្តែងមតិ ជាមួយនឹងសិទ្ធិ​សេរីភាព ដល់​ប្រជាពលរដ្ឋ។

ផ្ទុយមកវិញ [...]

យ៉ាងណាក៏ដោយ ក៏លទ្ធផលនៃការស៊ើបអង្កេតនេះ មិនបាននិយាយដល់ ពីការដាក់មន្ទិលសង្ស័យ ទៅ​លើ​ក្រុមណាមួយនោះ នៅឡើយដែរ។ ប៉ុន្តែអ្នកស៊ើបអង្កេត បានថ្លែងថា រដ្ឋាភិបាលក្រុងគៀវ (អ៊ុយក្រែន) គួរ​តែ​បិទ​ផ្លូវ​ហោះហើរ នៅពីលើតំបន់នោះ មិនឲ្យមានចរាចរណ៍យន្ដហោះ អាចឆ្លងកាត់បាន។

យន្ដហោះប៊ូអីង (Boeing) របស់ក្រុមហ៊ុនម៉ាឡេស៊ីអ៊ែរឡាញ (Malaysia Airlines) ដែលភ្ជាប់ជើងហោះហើរ (MH17) ពីរាជធានី អាមស្ទែដាម ប្រទេសហូឡង់ ឆ្ពោះទៅរដ្ឋធានី កូឡាឡំពួរ ប្រទេសម៉ាឡេស៊ី កាលពី​ថ្ងៃ​ទី១៧ ខែកក្កដា ឆ្នាំ២០១៤ ត្រូវបានបាញ់កំទេច នៅពេលកំពុងហោះហើរ ពីលើតំបន់ប្រទាញប្រទង់ និង​ពោរ​ពេញដោយសង្គ្រាម រវាងកងទ័ពអ៊ុយក្រែន និងពួកនិយមបំបែកទឹកដី នៅភាគខាងកើត នៃប្រទេស​អ៊ុយក្រែន។ បំណែកយន្ដហោះ បានធ្លាក់នៅក្នុងតំបន់ ដែលកាន់កាប់ដោយក្រុមអ្នកបំបែកខ្លួន និង​គ្មាន​អ្នក​ដំណើរ​ណាម្នាក់ នៅរួចរស់ជីវិតនោះទេ។

កាំជ្រួច ដែលបានកំទេចយន្ដហោះស៊ីវិល [...]

គ្រួសារមួយ ដែលកំពុងរស់នៅ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ បានថ្លែងត្អូញត្អែរ នៅ​ថ្ងៃ​ទី០៥ ខែតុលា ឆ្នាំ២០១៥ នៅមុខស្ថានទូតរុស្ស៊ី​ក្នុងទិវាសិទ្ធិលំនៅដ្ឋានពិភពលោក លើកទី៣០ថា សព្វថ្ងៃ​គ្រួសារលោក កំពុងរស់យ៉ាងវេទនា រកព្រឹកខ្វះល្ងាច រកល្ងាចខ្វះព្រឹក គ្មានអ្នកទីពឹងទេ។ មូលហេតុ នៃការ​វេទនា​របស់គ្រួសារលោក គឺដោយសារការអភិវឌ្ឍន៍ តំបន់បឹងកក់ ដែលបណ្តាលឲ្យគ្រួសារមួយ ដែលមាន​ជីវភាពល្មមសមរម្យ ក្លាយទៅជាគ្រួសារ ដែលគ្មានអ្វីៗទាំងអស់។

លោក ឃិន ចន្ថា មេគ្រួសារខាងលើ ដែលកំពុងរស់នៅផ្ទះតូច ក្បែរពំនួកខ្សាច់ជាច្រើន ក្នុងទឹកដីបឹងកក់ ដែល​គ្មានទឹកអ្វី មួយដំណក់នោះ បានថ្លែងទាំងទឹកមុខស្រពោនថា សព្វថ្ងៃលោក និងគ្រួសារគ្មានទឹកប្រើប្រាស់ទេ រស់ទាំងវេទនា។ លោកបន្តថាតាំងពី សាលារាជធានីភ្នំពេញ អនុញ្ញាតឲ្យខ្មែរឥស្លាម សង់ព្រះវិហារថ្មីមក លោក​នឹងគ្រួសារ ត្រូវបានគេផ្តាច់ទឹក លែងឲ្យប្រើប្រាស់ក្នុងនោះទៀត។