Posts in ‘គ្រប់អត្ថបទជាខេមរភាសា’ Category

សម្រាប់ភាពយន្ដលើកក្រោយរបស់នាង ដែលមានចំណងជើងជាខ្មែរ «មុនដំបូង ខ្មែរក្រហមបាន​សម្លាប់ប៉ា​របស់ខ្ញុំ» និងជាភាសាអង់គ្លេស «First They Killed My Father» ឬជាភាសាបារាំង «D'abord ils ont tué mon père» តារាភាពយន្ដ ដែលក្លាយជាផលិតករ នាង អេនជូលីណា ជូលី (Angelina Jolie) បាន​ធ្វើការ​យ៉ាង​ច្រើន ទាំងនៅក្នុងការរៀបចំសេណេរីយ៉ូ ការរបៀបចំតួសម្ដែង ក៏ដូចជាការទាក់ទង ផ្សេង​ទៀត​ជា​ច្រើន នៅ​ក្នុង​ប្រទេស​កម្ពុជា។

ស្ត្រីកំពូលតារាភាពយន្ដ បានធ្វើដំណើរ ទៅមកជាច្រើនដង ទៅកាន់ប្រទេសកម្ពុជា ដែលជា​ប្រទេស​ផ្ដល់​កំណើត ឲ្យកូនប្រុសចិញ្ចឹមច្បងរបស់នាង កុមារា ម៉ាដុក (Maddox) ដែលសព្វថ្ងៃមានអាយុ ១៤ឆ្នាំ ពេញ​រូប​ពេញ​រាងទៅហើយ។ នាង ជូលី បានសម្រេចចិត្ត ដាក់កូនទាំងបីរបស់នាង ចូលទៅក្នុងភាពយន្ដនេះ៖ នោះ​គឺ​កុមារា ម៉ាដុក កុមារា ប៉ាក់ (Pax អាយុ១១ឆ្នាំ) និងកុមារី ស៊ីឡូ (Shiloh អាយុ៩ឆ្នាំ)។

នៅក្នុងទស្សនាវដ្ដីអង់គ្លេស «Hello» [...]

បន្ទាប់ពីភេរវកម្ម នៅកណ្ដាលរដ្ឋធានីប៉ារីស ក្រុមអនាមិក (Anonymous) បានសម្រេចចិត្តប្រឈមមុខ ធ្វើការ​ប្រឆាំង​នឹងក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ពាក្យកាត់​អង់គ្លេស​​ហៅ ISIS) ឲ្យខាងតែបាន ជាពិសេសជាមួយនឹងការបង្កើត នូវយុទ្ធនាការជាច្រើន ដូចជា «Trolling Day» ដែល​ប្រព្រឹត្តិ​ទៅ កាលពីថ្ងៃសុក្រទី១១ ខែធ្នូនេះជាដើម។

ការអំពាវនាវរបស់ក្រុមអនាមិក ទាក់ទងនឹងយុទ្ធនាការ «Troll» ខាងលើនេះ ទទួលបានការឆ្លើយតប យ៉ាង​សន្ធឹកសន្ធាប់ ពីសំណាក់ក្រុមអ្នកប្រើប្រាស់​បណ្ដាញសង្គម ជាពិសេសនៅលើទ្វីសធើរ (Twitter)។ ពួក​គេ​បាន​យករូបភាពជាច្រើន ដែលក្រុមរដ្ឋអ៊ីស្លាម បានផ្សព្វផ្សាយកន្លងមក យកមកធ្វើការកាត់ត និងបង្ហោះ រួច​ចែក​រំលែក​ជា​ហូរហែ ជាមួយនឹងពាក្យគន្លឹះ (hashtag) ដូចជា #trollingday #trollisis #daechbags ជាដើម។

» ខាងក្រោមនេះ ជារូបភាព «Troll» ឬចំអកមួយចំនួន [...]

ប្រព័ន្ធច្បាប់របស់អាមេរិក ពិតជាមិនអាច យកមកលេងសើច បានទេ។ សមាជិក៨នាក់ របស់ក្រុមចម្រៀង «pop» ដ៏ល្បីល្បាញ របស់ប្រទេសកូរ៉េខាងត្បូង ដែលមានឈ្មោះ «K-pop» ត្រូវបានឃាត់ខ្លួន អស់ជា​ច្រើន​ម៉ោង នៅព្រលានយន្ដហោះ ក្រុង ឡូសអេនជឺឡេស ដោយក្រុមអាជ្ញាធរ សង្ស័យពួកនាងៗទាំងនេះ ថា​បាន​មក​ប្រព្រឹត្តិពេស្យាកម្ម នៅលើទឹកដីអាមេរិក។ នេះបើតាមការប្រកាស របស់ភ្នាក់ងាររបស់ពួកនាង កាល​ពីថ្ងៃ​សុក្រ​ម្សិល​ម៉ិញ។ ក្រុមសមាជិក «K-pop» ទាំងនោះ បានចូលទៅក្នុងទឹកដីអាមេរិក ដើម្បី​កម្មវិធី​ថត​រូប​មួយ។

នាងៗ ដែលមានអាយុពី១៦ ទៅដល់២១ឆ្នាំ ត្រូវបានឃាត់ខ្លួន អស់រយៈពេល៧ម៉ោង កាលពីថ្ងៃ​ព្រហស្បត្តិ៍ មុននឹងត្រូវបានដោះលែង ដើម្បីអនុញ្ញាតឲ្យពួកនាង អាចចាកចេញ ទៅកាន់ប្រទេសកូរ៉េខាងត្បូងវិញ។ ប្រភព​ផ្សេងទៀត បានអះអាងថា ពួកនាងត្រូវបានឃាត់ខ្លួន ដល់ទៅ១៥ម៉ោង។

ភ្នាក់ងាររបស់ពួកនាង ដែលជាក្រុមហ៊ុនផលិតថាសចម្រៀង «WM Entertainment» បានផ្សព្វផ្សាយ [...]

បងប្អួនត្រកូល កាដាហ្វី ដែលជាកូនរបស់លោក មូអាម៉ារ កាដាហ្វី (Mouammar Kadhafi) អតីត​មេ​ដឹកនាំ​ផ្ដាច់ការ របស់ប្រទេសលីប៊ី មានឈ្មោះ «Mohamed» «Saïf al-Islam» «Saadi» «Mouatassim» «Hannibal» «Saïf Al-Arab» «Khamis» និង«Milad (កូនប្រុសចិញ្ចឹម)»។ កូនស្រីបង្កើត​តែ​មួយ​គត់ របស់​លោក កាដាហ្វី មានឈ្មោះ «Aïcha»។

រីឯកូនស្រីចិញ្ចឹមម្នាក់ទៀត ឈ្មោះ «Hannah» ត្រូវបានរាយការណ៍ ថាបានស្លាប់ តាំងពីអាយុ១៥ខែ នាឆ្នាំ​១៩៨៦មកម្លេះ  នៅក្នុងការវាយប្រហារមួយ របស់កងទ័ពអាមេរិក។ សេចក្ដីរាយការណ៍​ផ្សេង​ទៀត បាន​អះអាង​ថា កូនស្រីឈ្មោះ «Hannah» នេះ កំពុងរស់រាន​មានជីវិតនៅឡើយ តែកូនស្រីរូបនេះ មិន​ចង់​ចេញ​ឈ្មោះ ជា​កូន​ចិញ្ចឹមរបស់លោក កាដាហ្វី ឡើយ។

ទាក់ទងនឹងចំណេះដឹងវិញ កូនៗរបស់លោក កាដាហ្វី ភាគច្រើនសុទ្ធសឹង ទទួលបានការរៀនសូត្រជ្រៅជ្រះ។ កូនៗមួយចំនួន បានចូលរៀន នៅសាលាជាន់ខ្ពស់ល្បីៗ នៅប្រទេសលោកខាងលិច ដូចជាលោក «Saïf [...]

ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ពាក្យកាត់​អង់គ្លេស​ហៅ ISIS) កំពុង​មាន​សត្រូវ​ថែមម្នាក់ទៀត។ ហើយសត្រូវថ្មីមួយនេះ មិនមែនធម្មតាទេ! នោះ គឺក្រុមបណ្ដាញជួញដូរគ្រឿង​ញៀន របស់​លោក ជ័គីន អែលឆាប៉ូ ហ្គុម៉ាន់ ដែលជាប្រមុខក្រុមសង្គមងងឹត ដ៏មានឥទ្ធិពល​ជាងគេលើផែនដី និង​ដែល​កំពុងត្រូវស្វែងរកចាប់ខ្លួន។ មេឈ្មួញជួញគ្រឿងញៀន លោក អែលឆាប៉ូ បានថ្លែងប្រកាសសង្គ្រាម ប្រឆាំង​ក្រុម​រដ្ឋអ៊ីស្លាម ដោយបានអះអាងថា៖ «ទាហានរបស់ខ្ញុំ នឹងកំទេចពួកអ្នកឯង»។

ព័ត៌មាននេះ ត្រូវបានបង្ហើបឲ្យដឹង ដោយម្ចាស់គេហទំព័រ (Blog) មួយរូប ដែលត្រូវបានគេស្គាល់ថា មាន​ទំនាក់​ទំនង ជាមួយបណ្ដាញជួញដូរគ្រឿងញៀននេះ។ ម្ចាស់គេហទំព័រនោះ បានអះអាងថា ខ្លួនទទួលបាន នូវ​ទូរសា​​អេឡិចត្រូនិក ជាលក្ខណៈព្រមាន របស់មេឈ្មួញ អែលឆាប៉ូ ហើយបានយកទូរសានោះ មកបង្ហោះ នៅ​លើ​គេហទំព័រ​របស់លោក។

តើការប្រកាសសង្គ្រាមនេះ [...]