Posts in ‘អត្ថបទមានវីដេអូ’ Category

ទីបំផុតទៅ និងដូចអ្វីដែលបានបង្ហើបឲ្យដឹង តាំងពីពីរសប្ដាហ៍មុនរួចហើយ នៅថ្ងៃនេះ ចលនាសង្គ្រោះជាតិ ត្រូវបានបង្កើតចេញជារូបរាង ជាផ្លូវការ។ ជាចលនានយោបាយថ្មីមួយ ដែលបង្កើតឡើង ដោយក្រុមមន្ត្រីគណបក្សសង្គ្រោះជាតិ ដែលកំពុងមានវត្តមាន​នៅក្រៅប្រទេស ក្នុងគោលបំណងដើម្បីអ្វីមួយ ដែលក្រុមមន្ត្រីទាំងនេះ ហៅថា ជា«សន្ទុះថ្មី» និង«យុទ្ធសាស្ត្រ» ដើម្បី«លើកទឹកចិត្ត និងបំផុសបំផុល កម្លាំងស្នេហាជាតិ និងកម្លាំងប្រជាធិបតេយ្យ ក្នុងគោលបំណងបង្កើនប្រសិទ្ធភាព នៃការតស៊ូ» របស់គណបក្សសង្គ្រោះជាតិ និងដំណើរដើរឡើងវិញ នូវលទ្ធិប្រជាធិបតេយ្យ នៅកម្ពុជា។

កិច្ចប្រជុំមួយ ត្រូវបានប្រារព្ធធ្វើឡើង ក្នុងក្រុង ឡុងប៊ិច សហរដ្ឋអាមេរិក នាវេលានេះ ដែលជាថ្ងៃទី២៨ ខែមករា ឆ្នាំ២០១៨ (ត្រូវនឹងថ្ងៃទី២៩ ខែមករា ម៉ោងក្នុងប្រទេសកម្ពុជា) ដើម្បីប្រកាសជាផ្លូវការ ស្ដីពីការបង្កើតចលនាខាងលើ និងពីសមាសភាពដឹកនាំ ក៏ដូចជាគោលបំណងរបស់ចលនា។ កិច្ចប្រជុំនោះ [...]

នៅក្នុងសេក្ដីប្រកាសព័ត៌មាន របស់ក្រុមហ៊ុន​អាកាសចរណ៍ «Pegasus Airlines» ដែលចេញផ្សាយ នៅលើគេហទំព័ររបស់ខ្លួន បានសរសេរឲ្យដឹងថា យន្ដហោះប្រភេទ «Boeing 737» ដែលភ្ជាប់ការហោះហើរក្នុងស្រុក ចេញពីរដ្ឋធានី អង់ការ៉ា (Ankara) ឆ្ពោះទៅកាន់ក្រុង ត្រាហ្សុង (Trabzon ស្ថិតនៅភាគខាងកើតប្រទេស) បានចុះចត ខុសពីផ្លូវព្រលាន នៅវេលាព្រលប់ថ្ងៃសៅរ៍ ចុងសប្ដាហ៍កន្លងទៅ។

ក្រុមហ៊ុនអាកាសចរណ៍ ដែលលក់សំបុត្រធូរថ្លៃមួយនេះ បានបញ្ជាក់ថា៖ «អ្នកដំណើរទាំង១៦២នាក់ ដែលស្ថិតនៅលើយន្ដហោះ រួមនឹងអ្នកបើកបរពីរនាក់ និងអ្នកបម្រើការ៤នាក់ទៀត ត្រូវបានជម្លៀសចេញពីយន្ដហោះ ដោយសុវត្ថិភាព។ មិនមាននរណាម្នាក់ រងគ្រោះអ្វីឡើយ។»។

រូបថត និងវីដេអូជាច្រើន ត្រូវបានបង្ហោះផ្សាយ នៅលើបណ្ដាញសង្គម និងតាមប្រព័ន្ធផ្សព្វផ្សាយ ហើយបានបង្ហាញថា យន្ដហោះបានងាកចេញ ពីផ្លូវចុះចតរបស់យន្ដហោះ ដែលស្ថិតនៅជាប់​មាត់សមុទ្រ ហើយបានធ្លាក់នៅនៅទើរ [...]

ផ្ទៃក្នុងរបស់គណបក្សសង្គ្រោះជាតិ ទំនងជាកំពុងប្រឈម នឹងការរង្គោះរង្គើជាថ្មីទៀត នៅចំពោះចលនាថ្មីមួយ ឈ្មោះ​«ចលនាសង្គ្រោះជាតិ» ដែលទើបនឹងត្រូវបានបង្កើតឡើង ដោយមន្ត្រីជាន់ខ្ពស់ របស់គណបក្សប្រឆាំង៩នាក់ រាប់ទាំងលោក សម រង្ស៊ី អតីតប្រធានគណបក្សប្រឆាំងនោះផង។ ចលនាថ្មីនេះ ទំនងជាមិនទទួលបានការស្វាគមន៍ ពីក្រុមមន្ត្រីបក្សប្រឆាំង ដែលស្និតនឹងលោក កឹម សុខា ឬនិយាយម្យ៉ាងទៀត ដែលមានកូតា មកពីគណបក្សសិទ្ធិមនុស្សនោះឡើយ។

នៅលើបណ្ដាញសង្គម លោក មុត ចន្ថា នាយកខុទ្ទកាល័យរបស់លោក កឹម សុខា គឺជាមន្ត្រីបក្សប្រឆាំងដំបូងគេ ដែលបានសំដែងការជំទាស់ ទៅនឹង«ចលនាថ្មី»ណាមួយនោះ ដោយចោទសួរពីចលនានេះ ថាតើវាជា«យុទ្ធសាស្ត្រស៊ីឈ្នួលចាញ់ បំផ្លាញលទ្ធិប្រជាធិបតេយ្យ និងធ្វើអត្តឃាតនយោបាយ»ឬ? សាររបស់លោក មុត ចន្ថា ត្រូវបានបង្ហោះ នៅល្ងាចថ្ងៃទី១២ ខែមករា ខណៈទំព័រហ្វេសប៊ុករបស់លោក សម រង្ស៊ី បានប្រកាសនៅវេលាយប់រំលងអាធ្រាត ចូលមកថ្ងៃទី១៣ ខែមករា [...]

«គាត់ដឹងមុន (...) ដឹងមុនតាំងពីខែ៦ បន្ទាប់ពីបោះឆ្នោតឃុំ-សង្កាត់ហើយភ្លាម មានគេប្រាប់ ហើយគេហ្នឹងអាចយកជាការបាន។ ពេលនោះ ខ្ញុំនៅជាមួយគាត់ដែរ នៅភ្នំពេញ។ គេថា នៅចុងខែ៨ មិនមែនដើមខែ៩ទេ នឹងមានរឿងអាក្រក់កើតឡើង ចំពោះគាត់និងគណបក្ស។» នេះ ជាការអះអាងឡើង របស់កញ្ញា កឹម មនោវិទ្យា នៅក្នុងជំនួបមួយ ជាមួយក្រុមអ្នកគាំទ្រ នៅរសៀលថ្ងៃទី១៣ ខែមករានេះ ក្នុងក្រុង «Croissy Beaubourg» ក្បែររដ្ឋធានីប៉ារីស ប្រទេស​បារាំង។

ការលើកឡើងរបស់កញ្ញា ទំនងជាចង់អះអាង ពីការធ្វើពលិកម្មរបស់លោក កឹម សុខា ដែលដឹងខ្លួនមុនថា នឹងមានរឿងកើតឡើង ចំពោះរូបលោកនោះហើយក៏ដោយ ក៏នៅតែសុខចិត្តប្រឈម ដើម្បីអ្វីមួយ ដែលកូនស្រីច្បងរបស់លោកពន្យល់ថា ដើម្បីបង្ហាញឲ្យពលរដ្ឋកម្ពុជា និងសហគមន៍អន្តរជាតិ ដឹងពី«ភាពផ្ដាច់ការ»របស់លោក ហ៊ុន សែន និងរដ្ឋាភិបាលរបស់លោក។

សូមទស្សនាការថ្លែងឡើង របស់កញ្ញា កឹម មនោវិទ្យា នៅក្នុងភោជនីយដ្ឋាន «Le Comptoir [...]

ហេតុការណ៍បានកើតឡើង នៅយប់ថ្ងៃពុធ ក្នុងព្រលានយន្ដហោះអន្តរជាតិ នៃរដ្ឋធានី វ៉ាសូវី (ប្រទេសប៉ូឡូញ)។ សំណាងល្អ អ្នកដំណើរ៥៩នាក់ នៅក្នុងយន្ដហោះ មិនទទួលរងគ្រោះថ្នាក់អ្វីទេ ក្រៅតែពីការភ័យភិត ដែលបានកើតឡើង នៅពេលយន្ដហោះធ្វើការចុះចតនោះ។

យន្ដហោះប្រភេទ «Bombardier Dash Q400» របស់ក្រុមហ៊ុនអាកាសចរណ៍ក្នុងស្រុក ឈ្មោះ «LOT» របស់ប្រទេសប៉ូឡូញ ដែលបានហោះចេញ ពីក្រុង «Cracovie» ស្ថិតក្នុងភាគខាងត្បូង បានបង្ខំចិត្តចុះចតជាបន្ទាន់ នៅលើផ្លូវយន្ដហោះមួយ ដែលត្រូវឆ្លងកាត់ ផ្លូវធំនៃព្រលានយន្ដហោះ ហើយបង្កឲ្យចរាចរណ៍យន្ដហោះ ត្រូវរងនូវភាពរអាក់រអួល អស់រយៈពេលយ៉ាងតិច ៤ម៉ោង។

អ្នកនាំពាក្យព្រលានយន្ដហោះ បានថ្លែងឲ្យដឹងថា៖ «នៅវេលាម៉ោង ២៣ និង១០នាទី យប់ថ្ងៃពុធ ផ្លូវយន្ដហោះធំជាងគេ ត្រូវបានអនុញ្ញាឲ្យបើកធ្វើចរាចរណ៍ឡើងវិញ ហើយយន្ដហោះទាំងឡាយ ក៏អាចចុះចត និងហោះងើបខ្លួនឡើង បានដែរ»។