Posts by "ឈូករ័ត្ន"

តើជាការធ្លាក់ខោ ដោយចៃដន្យ ឬជាការត្រៀមបំរុងទុក ដើម្បីឲ្យអ្នកផង បានឃើញ ហើយផ្ទុះសំណើច? ឬក៏ការរបូត​ខោ​នេះ ចង់បង្កឲ្យរូបភាពអាក្រក់ ដល់អ្នកនយោបាយនោះ ឲ្យធ្លាក់ទៅតាមខោ របស់ខ្លួនដែរ? ពិបាកឆ្លើយណាស់! ប៉ុន្តែ​រូបភាព នៃការរបូតខោ បានអណ្ដែត ពាសពេញបណ្ដាញសង្គមហើយ ក្នុងពេលនេះ។

នៅក្នុងកាយវិការភ្លាមៗ យុវជនម្នាក់នេះ ចង់ថតរូបជាមួយ ឧបនាយករដ្ឋមន្ត្រីអង់គ្លេស លោក និក ក្លេជ (Nick Clegg) ដោយប្រើទូរស័ព្ទដៃរបស់ខ្លួន។ ប៉ុន្តែនៅពេលដែលយុវជន បានឈានជំហាន ទៅបង្អាក់ដំណើរលោក ក្លេជ ហើយ​ក៏ត្រូវ​បានលោកទទួល ដើម្បីថតរូបជាមួយលោកដែរនោះ ស្រាប់តែខោរបស់យុវជន បានរបូតធ្លាក់ ដល់ត្រឹមជង្គង់។

តើត្រូវបន្តថតរូបទៀត ឬត្រូវងាកមកលើកខោសិន? ជម្រើសទីពីរ មានភាពប្រសើរជាង​ ហើយលោក និក ក្លេជ ក៏បាន​ទុក​ឲ្យយុវជនធ្វើកិច្ចការនេះ ដោយស្រួលដែរ។ នៅក្នុងបណ្ដាញសង្គមទ្វីសធើ លោកឧបនាយករដ្ឋមន្ត្រី បានយកហេតុការណ៍​នេះ មកសរសេរ [...]

ឈុតឆាកនេះ បានកើតឡើង នៅក្នុងក្រុង វេរីប៊ី (Werribee ក្បែរក្រុងមែលប៊ន) ភាគខាងត្បូង នៃប្រទេសអូស្ត្រាលី ហើយត្រូវ​បាន​ថត​ជាប់ ដោយម៉ាស៊ីនវីដេអូ បំពាក់ជាប់ជាមួយរថយន្ដមួយទៀត ដែលបានមកជាប់ខ្លួន ជាមួយនឹងព្រឹត្តិការណ៍។

រហូតដល់ចុងក្រោយនៃវីដេអូ ទើបគេដឹងថា ស្ត្រីជាអ្នកកាន់ចង្កូនរថយន្ដ មានបំណងចង់ចតរថយន្ដរបស់ខ្លួន នៅលើ​ចំណត​មួយផ្នែកខាងឆ្វេងដៃ។ ប៉ុន្តែរបៀបនៃការបត់ កាច់ចង្កូត ទៅមុខ ទៅក្រោយរបស់នាង ពិបាកនឹងធ្វើឲ្យអ្នកផ្សេង រង់ចាំ​នាង​ណាស់៕