Posts by "មនោរម្យ.អាំងហ្វូ"

ឪពុកជានាយករដ្ឋមន្ត្រី មានកូនជាមេទ័ពរង ដែលត្រួតកងទ័ពទាំងមូល ទាំងជើងគោក ជើងទឹក និងជើងអាកាស។ លោក ហ៊ុន ម៉ាណែត កូនប្រុសច្បងលោកនាយករដ្ឋមន្ត្រី ហ៊ុន សែន ទើបត្រូវបានតំឡើង ឲ្យក្លាយជាមេទ័ពរងពេញសិទ្ធ នៃកងយោធពលខេមរភូមិន្ទ។ នេះ បើតាមព្រះរាជក្រិត្យ របស់ព្រះមហាក្សត្រ ដែលធ្លាក់មកដល់ដៃអ្នកសារព័ត៌មាន នៅល្ងាចថ្ងៃពុធទី១១ ខែកក្កដានេះ។

ព្រះរាជក្រិត្យ ដែលចុះព្រះហស្ថលេខា នៅថ្ងៃទី ៦ ខែកក្កដា របស់ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះ​រាជាណាចក្រកម្ពុជា បានត្រាស់បង្គាប់តែងតាំង លោក ហ៊ុន ម៉ាណែត ដែលមានឋានន្តរសក្ដិ «ឧត្តមសេនីយ៍ឯក (ផ្កាយបី)» ឲ្យឡើងកាន់តួនាទី ជាអគ្គមេបញ្ជាការរង នៃកងយោធពលខមេរភូមិន្ទ បន្ថែមលើមុខងារបច្ចុប្បន្ន។

លោក​ ហ៊ុន ម៉ាណែត ដែលមកដល់ពេលនេះ មានតួនាទី​ជានាយ​រង​សេនាធិការ​ចម្រុះ និង​ជា​មេបញ្ជាការ​រង​ កងទ័ពជើង​គោក ត្រូវ​បាន​ក្រសួង​ការពារ​ជាតិ [...]

សារចូលរួមមរណទុក្ខ ត្រូវបានលោក សម រង្ស៊ី បង្ហោះនៅលើទំព័រទ្វីសធើររបស់លោក តាំងពីថ្ងៃទី៨ ខែកក្កដា ឆ្នាំ២០១៨ ពោលគឺតាំងពីព្រឹត្តិការណ៍ នៃគ្រោះភ្លៀងធ្លាក់ មិនដែលធ្លាប់មាន និងការរអិលបាក់ធ្លាក់ដី បានកើតឡើងភ្លាមៗ នៅក្នុងតំបន់ភាគខាងត្បូង និងខាងលិច នៃប្រទេសជប៉ុន ហើយតួលេខនៃការបាត់បង់ជីវិតអ្នកស្រុក ត្រូវបានផ្សាយចេញ និងចេះតែកើនឡើង ជាបន្តបន្ទាប់។

ប្រធានចលនាសង្គ្រោះជាតិ បានសរសេរជាភាសាអង់គ្លេស ហើយមានអត្ថន័យទាំងស្រុង ជាខេមរភាសា ដូច្នេះថា៖ «ខ្ញុំបានតាមដាន ដោយក្ដីបារម្ភដ៏ធំធេង នូវព្រឹត្តិការណ៍ភ្លៀងធ្លាក់ និងការរអិលបាក់ដី ដែលបានបណ្តាល ឱ្យមានចំនួនអ្នកស្លាប់យ៉ាងច្រើន នៅហ៊ីរ៉ូស៊ីម៉ា (Hiroshima) និងផ្នែកផ្សេងៗទៀត នៅភាគខាងលិច នៃប្រទេសជប៉ុន»។

លោក សម រង្ស៊ី បានបន្តថា៖ «ខ្ញុំសូមនិយាយ ក្នុងនាមគណបក្សសង្គ្រោះជាតិ សំដែងការចូលរួមរំលែកទុក្ខ យ៉ាងជ្រាលជ្រៅបំផុត ចំពោះប្រជាជន [...]