Posts tagged as "Crime"

បន្ទាប់ពីឈុតឆាក «បាចម្សៅ» កាលពីខែធ្នូកន្លងទៅ នៅរសៀលម្សិលម៉ិញនេះ ជាឈុតឆាក «ទះ​កំផ្លៀង» ដែល​អតីតនាយករដ្ឋមន្ត្រី លោក ម៉ានុយអែល វ៉ាល្ស៍ (Manuel Valls) បានទទួល ពីសំណាក់​ពលរដ្ឋ​បារាំង​មួយរូប ដែល​ទំនង​ជា​ខឹងសម្បារ ចំពោះនយោបាយរបស់លោក ក្នុងពេលកន្លងមក។

ក្នុងដំណើរទស្សនកិច្ច ទៅកាន់ក្រុង «Lamballe» (ខណ្ឌ/ស្រុក «Côtes-d'Armor» ស្ថិតក្នុងតំបន់ «Bretagne») ដើម្បីស្វែង​រកការគាំទ្រ ក្នុងយុទ្ធនាការបោះឆ្នោតដំបូង នៃការជ្រើសតាំងបេក្ខជន​ជាផ្លូវការ របស់​គណបក្ស​ឆ្វេង​និយម សម្រាប់ការបោះឆ្នោត​ប្រធានាធិបតី​បារាំង​នោះ អតីតនាយករដ្ឋមន្ត្រី ត្រូវបាន​យុវជន​ម្នាក់ ទះកំផ្លៀង​មួយដៃ នៅបន្ទាប់​ពីយុវជនរូបនោះ បានឈរ​រង់ចាំ​ស្វាគមន៍ ការមកដល់​របស់​លោក ជាមួយ​នឹង​អ្នក​មាន​សមានចិត្ត ជាច្រើននាក់​ផ្សេងទៀត។

ជាមួយនឹងសកម្មភាពរបស់ខ្លួន យុវជននោះ បានស្រែកឡើងថា៖ «ទីនេះ ជាតំបន់ "Bretagne"» មុន​នឹង​ត្រូវភ្នាក់ងារ​សន្តិសុខ [...]

របបផ្ដាច់ការ នៅហ្វីលីពីនបានផុតរលត់ទៅ អស់រយៈកាល ជាង៣០ឆ្នាំមកហើយ។ ប៉ុន្តែនៅពេលនេះ លោក រ៉ូឌ្រីចូ ឌុយតែតេ (Rodrigo Duterte) ប្រធានាធិបតី ដែលបានជាប់ឆ្នោត តាមបែបលិទ្ធិ​ប្រជាធិបតេយ្យ បែរ​ជា​បាន​គម្រាម ថាលោកនឹងចេញក្រិត្យ ស្ដីពីច្បាប់អាជ្ញាសឹក ដើម្បីយកមកអនុវត្តន៍ នៅក្នុងក្របខណ្ឌ នៃប្រតិបត្តិការ​ប្រឆាំង​​នឹង​​​ការ​ជួញដូរ​គ្រឿងញៀន​ទៅវិញ។

នៅក្នុងសុន្ទរកថាមួយ កាលពីយប់ថ្ងសៅរ៍ លោក ឌុយតែតេ បានថ្លែងឡើងថា៖ «ក្នុងករណីចាំបាច់ ខ្ញុំនឹងចេញ​ក្រិត្យ​ដាក់ឲ្យប្រើ នូវច្បាប់អាជ្ញាសឹក។ គ្មាននរណាម្នាក់ អាចរារាំងខ្ញុំ មិនឲ្យធ្វើរឿងនេះ​បាន​ទេ។»។ ប្រធានាធិបតី ដែល​ធ្លាប់​ជាធ្វើជាមេធាវីរូបនេះ បានអះអាងថា ការ​ប្រើ​ប្រាស់​ឡើង​វិញ នូវ​ច្បាប់​អាជ្ញាសឹក​នេះ ធ្វើឡើង​ដើម្បី​​​ការពារ ប្រជាជន​ហ្វីលីពីន និង​យុវវ័យរបស់ប្រទេសនេះ។

លោក ឌុយតែតេ បានឈ្នះឆ្នោត ជាប់ជាប្រធានាធិបតីហ្វីលីពីន កាលពីខែឧសភា [...]

ជាមួយរដ្ឋាភិបាលកម្ពុជា ដឹកនាំដោយលោក ហ៊ុន សែន យុត្តិធម៌ក្នុងអំពើឃាតកម្ម លើលោក កែម ឡី ទំនង​ជា​ស្ថិត​ក្នុង​ដំណើរ វែងឆ្ងាយទៅមុខទៀត។ នេះ បើគេ​បាន​អាន​​របាយការណ៍ ឆ្នាំ២០១៧ ចេញផ្សាយ​​ក្នុងថ្ងៃ​ព្រហស្បត្តិ៍ ទី១២ ខែមករានេះ ដោយអង្គការឃ្លាំមើលសិទ្ធិមនុស្ស ហៅជាភាសាអង់គ្លេស «Human Right Watch»។

រយៈពេល៦ខែ បានកន្លងផុតទៅហើយ រាប់ចាប់តាំងពីថ្ងៃទី ១០ ខែកក្កដា ឆ្នាំ២០១៦ ដែលអ្នកធ្វើ​អត្ថា​ធិប្បាយ​​​នយោបាយ ដ៏​ល្បី​ល្បាញ លោក កែម ឡី ត្រូវបានខ្មាន់កាំភ្លើង បាញ់សម្លាប់យ៉ាងព្រៃផ្សៃ នៅ​កណ្ដាល​រាជធានី ភ្នំពេញ។ ប៉ុន្តែពន្លឺយុត្តិធម៌ ដែលទាក់ទងនឹងអំពើឧក្រិដ្ឋនេះ កម្រត្រូវបាន​បង្ហើបឲ្យដឹង ចេញពី​ការ​ស៊ើប​អង្កេត ឬពី​ចំណាត់ការ នៃប្រព័ន្ធយុត្តិធម៌កម្ពុជា​នោះ​ណាស់។ ប៉ុន្តែ សម្រាប់អង្គការឃ្លាំមើលសិទ្ធិមនុស្ស បានរក​ឃើញ​​ផ្ទុយ​​ទៅ​វិញ។

អង្គការសិទ្ធមនុស្សអន្តរជាតិមួយនេះ ដែលមានទីស្នាក់ការកណ្ដាល នៅទីក្រុងញ៉ូយក [...]

ក្រោយការចាប់ខ្លួន លោក ថៃ នរៈពិទូ ជុំវិញការជាប់ពាក់ព័ន្ធ នឹងការជួញដូរគ្រឿងញៀន កង​កម្លាំង​នគរបាល​ខេត្តបាត់ដំបង នៅ​បាន​រក​ឃើញ ជំនាញដ៏ពិសេសៗ បន្ថែមទៀត​របស់​ អតីត​«Freshy Boy ឆ្នាំ២០០៦»។ បុរស​រូប​សង្ហា តារាសម្ដែង អាយុ៣២​ឆ្នាំ​រូប​នេះ បាន​បង្ហាញ​ពី​ទេពកោសល្យ​មួយទៀតរបស់លោក ខាងឆ្នៃ​គ្រឿង​ញៀន ដាក់ក្នុង​ស្រាបៀរ ដើម្បី​​ឲ្យ​​ស្រីៗ​ទទួល​ទាន​រួច នឹងអាលអាចធ្វើឲ្យពួកនាង មានអារម្មណ៍​វង្វេង​រង្វាន់ រហូត​«ចង់​រួម​ភេទ»។

វីដេអូមួយ ដែលត្រូវបានគេយកមកបង្ហោះ នៅលើបណ្ដាញសង្គម នៅរសៀលថ្ងៃទី១១ ខែមករានេះ បាន​បញ្ជាក់ ពីជំនាញពិសេសមួយនេះ របស់អតីត «Freshy Boy ឆ្នាំ២០០៦» នៅចំពោះមន្ត្រីនគរបាល ដែល​ភាសា​ម្យ៉ាង​ទៀត គេចាត់ទុក ការឆ្នៃប្រឌិតនេះ គឺជា«ថ្នាំសម្រើប»។ ប៉ុន្តែ ការអះអាងនេះ នៅ​មិនទាន់​មាន​ប្រភព​ណា​ផ្សេង មក​បញ្ជាក់​បន្ថែម​ទៀត ថាយ៉ាងណានោះនៅឡើយ។

» វីដេអូ បង្ហាញពីជំនាញពិសេស របស់តារាសម្ដែង៖

ព័ត៌មានដ៏កក្រើក ផ្អើលអស់ទាំង នៅក្នុងជួររដ្ឋាភិបាល ទាំងនៅក្នុងពិភពអ្នកសិល្បៈខ្មែរ បន្ទាប់ពីហេតុការណ៍ ចូលចាប់ក្រសោប ក្រុមជនសង្ស័យ ពាក់ព័ន្ធនឹងការជួញដូរ​គ្រឿងញៀន ចំនួន៦នាក់ នៅនឹងកន្លែង ពី​សំណាក់​កងកម្លាំងនគរបាល ប្រឆាំងគ្រឿងញៀន ខេត្តបាត់ដំបង កាលពីយប់ថ្ងៃទី៩ ខែមករា។ កក្រើក​ដោយ​ហេតុថា ក្នុង​ចំណោមជនសង្ស័យទាំង៦នាក់ មានប្ដីប្រពន្ធ អតីត «Freshy Boy ឆ្នាំ២០០៦» មួយគូ ដែល​សុទ្ធ​សឹង ជា​កូន​ប្រុស​ស្រី​បង្កើត របស់មន្ត្រីរដ្ឋាភិបាល និងមន្ត្រីជាន់ខ្ពស់ នៅក្រសួងមហាផ្ទៃ។

តារាសម្ដែង លោក ថៃ នរៈពិទូ និងភរិយា អ្នកស្រី អោក រតនៈប៉ុណ្ណិកា ត្រូវបានចាប់ខ្លួន ជាមួយនឹងវត្ថុតាង​ជា​ច្រើន នៅក្នុងហាងខារ៉ាអូខេ ដឹសោន ហ្វាមីលី (The sound family KTV) ដែលស្ថិត​ក្នុង​ភូមិ​កម្មករ សង្កាត់​​ស្វាយប៉ោ ក្រុងបាត់ដំបង។ ហើយនៅចំពោះការបញ្ជាក់ ពីសំណាក់មន្ត្រីទទួលខុសត្រូវ ក្នុងការចុះទៅក្រសោប ក្រុម​​ជន​សង្ស័យ​ខាងលើ [...]