Posts tagged as "Khmer"

តើក្លោងទ្វារ «អង្គរសង្ក្រាន ឆ្នាំ២០១៥» យកតាមរចនាបទអ្វី? ក្លោងទ្វារនេះ បានសាងសង់ឡើង ដោយមាន​សរសរស្គមៗ ចំនួនពីរសងខាង ដើម្បីទ្រ ប្រអប់ចតុកោណដ៏វែងមួយ។ នៅពីលើប្រអប់ចតុកោណវែងនេះ គេ​បានបន្តុបបន្ថែម នូវរូប​សញ្ញាមួយ និងអក្សរ«អង្គរសង្ក្រាន» អមសងខាងដោយ រូបសត្វពពែពីរក្បាល។ ក្លោង​ទ្វារនេះ ត្រូវបាន​គេលាបពណ៌ឲ្យ យ៉ាងច្រើនចម្រុះពណ៌។ ពលរដ្ឋមួយចំនួន និងបណ្ដាអ្នកប្រើប្រាស់​បណ្ដាញ​សង្គម បានហៅក្លោងទ្វានោះ ថាជាក្លោងទ្វារ​យករចនាបទវៀតណាម ដោយក្រុមយុវជនអ្នករៀបចំកម្មវិធី ឈ្មោះ «សហភាពសហព័ន្ធយុវជនកម្ពុជា» ដែលដឹកនាំ​ដោយ​លោក ហ៊ុន ម៉ានី កូនប្រុសរបស់លោក​នាយក​រដ្ឋមន្ត្រី ហ៊ុន សែន។

ទស្សនាវដ្ដីមនោរម្យ.អាំងហ្វូ បានសុំយោបល់ ពីអតីតមន្ត្រីជំនាញមួយរូប មកពីក្រសួងវប្បធម៌ និងវិចិត្រ​សិល្បៈ​កម្ពុជា លោក វ៉ា រឿន ដែលកំពុងរស់នៅ ក្នុងប្រទេសបារាំង ដើម្បីធ្វើការបកស្រាយ ពីក្លោងទ្វារដ៍​ពិសេស​នេះ។ សូមតាម​ដាន​កិច្ច​សម្ភាស [...]

ទម្រង់សិល្បៈល្ខោនបុរាណ មានចំនួន២៤ទម្រង់ ក្នុងចំណោម២៤បួនទម្រង់នេះ ប្រជាពលរដ្ឋខ្មែរ ជាពិសេសយុវជន ស្គាល់យ៉ាងច្រើនណាស់តែមួយ ទៅពីរទម្រង់តែប៉ុណ្ណោះ ហើយយុវជនខ្លះទៀត ស្ទើរតែមិនស្គាល់ នូវទម្រង់សិល្បៈ​ល្ខោន​នោះទេ ដែលបញ្ហានេះហើយ បានធ្វើល្ខោនខ្មែរ ប្រឈមនឹងការបាត់បង់។ ជាងនេះទៅទៀត ល្ខោនខោល ដែល​ក្រសួងវប្បធម៌ និងវិចិត្រសិល្បៈ គ្រោងបញ្ចូល ជាបេតិកភ័ណ្ឌពិភពលោក ក៏កំពុងតែប្រឈមមុខ នឹងការបាត់បង់ ដោយ​សារតែគ្មានការចាប់អារម្មណ៍ ពីយុវជនជំនាន់ក្រោយ។

ថ្លែងនៅក្នុងសន្និសីទកាសែត នៅថ្ងៃទី២៣ មីនានេះ លោក ហង្ស ភូមិរ៉ា ប្រធានដឹកនាំសិល្បៈ ក្នុងកម្មវិធីតាំងពិព័រណ៍​ស្នាដៃ និងអនាគត និងជាសមាជិក ក្រុមរីកសាយ បានលើកឡើងថា មូលហេតុដែលនាំឱ្យល្ខោនខោល ប្រឈមនឹងការ​បាត់បង់នេះ ដោយសារមិនមានការអើពើ អំពីទម្រង់នៃល្ខោន ហើយមិនមែន តែទម្រង់ល្ខោនខោលទេ ដែលបាត់បង់ សូម្បីតែទម្រង់ល្ខោនមួយចំនួនទៀត ក៏ប្រឈមនឹងការបាត់បង់ផងដែរ។ ទម្រង់ល្ខោន [...]

គោលបំណងចំបង នៃពិព័រណ៍«ស្នាដៃ និងអនាគតលើកទី៣» គឺដើម្បីបង្កើន ការយល់ដឹងរបស់ប្រជាពលរដ្ឋខ្មែរ ជា​ពិសេស​ក្រុមយុវជន យុវជន យុវនារី ក្នុងការចូលរួមថែរក្សា និងលើកតម្កើង សិល្បៈវប្បធម៌ខ្មែរ។

ពិព័រណ៍នេះ ជាវេទិការដ៏ពិសេសមួយ សម្រាប់យុវជន យុវនារីខ្មែរ ដែលមានទេពកោសល្យ និងមានកំនិតច្នៃ​ប្រឌិត​ខាង​ផ្នែកសិល្បៈ មានឱកាសអាចចូលរួមក្នុងការបញ្ចេញនូវស្នាដៃរបស់ខ្លួន។

ក្នុងរយៈពេលពីរថ្ងៃនេះ ពិព័រណ៍សិល្បៈលើកទី៣នេះ នឹងមានការដាក់តាំងពិព័រណ៍ ស្នាដៃនិស្សិត លេងល្បែងប្រជាប្រិយ បញ្ចាំងកុនខ្លី របស់ក្រុម«កូនខ្មែរកូនខ្មែរ» កម្មវិធីពិភាក្សាតទល់ លើប្រធានបទវប្បធម៌ និងការសម្តែងសិល្បៈ ប្រពៃណីខ្មែរ ចម្រុះនៅពេលល្ងាច។ សម្រាប់សម្តែងសិល្បៈ នៅពេលល្ងាច នឹងមានការលក់សំបុត្រ ក្នុងតម្លៃ៣ដុល្លារ។ ថវិកាដែលបាន​មក មួយចំណែក នឹងឧបត្ថម្ភទៅដល់ កុមារទីទ័លក្រ៕

ភាគច្រើននៃអ្នកដែលចូលចិត្ត អង្គុយជុំគ្នា លើកអកទឹកត្នោត ជូ ឬផ្អែម មានតែអ្នកនៅតាមភូមិ ស្រុក ឬតំបន់​ដាច់​ស្រយ៉ាល ឬមនុស្សដែលមានវ័យចំណាស់ ដែលមិនសូវសំបូរប្រាក់ ទិញភេសជ្ជៈថ្លៃៗ មកទទួលទានតែប៉ុណ្ណោះ។ ប៉ុន្តែ គេកម្រ​ឃើញ​ណាស់ ដែលយុវជនរស់នៅ ក្នុងរាជធានីដ៏សបូរបែប និងស៊ីវិល័យ ចូលចិត្តទទួលទានទឹកត្នោត និង​កាន់​តែ​កម្រ​ទៅ​ទៀត ប្រសិនបើយុវជនទាំងនោះ មិនសូវចាប់អារម្មណ៍ ពីជីវភាពនៅតាមស្រុកស្រែចំការ។

ថ្ងៃមួយ ដែលក្រុមយុវជនទាំងនោះ បានភ្លក្សរសជាតិទឹកត្នោតខ្មែរ ដែលទើបយកមកពីដើមថ្មីៗ ស្រាប់តែពួកគេលាន់​មាត់​គ្រប់ៗគ្នាថា មានរសជាតិឆ្ញាញ់ និងមានគុណភាពជាងភេសជ្ជៈកំប៉ុង។ យុវជន ណារ៉ុង ដែលបានក្រេបរសជាតិ​ទឹកត្នោត​ផ្អែម​នោះ បានលាន់មាត់ថា ទឹកត្នោតពិតជាឆ្ញាញ់មែន។ វាមិនត្រឹមតែមានរសជាតិឆ្ញាញ់នោះទេ ប៉ុន្តែវាថែមទាំង មាន​គុណ​ប្រយោជន៍ ថែមទៀត ព្រោះវាជារបស់ធម្មជាតិ គ្មានជាតិគីមី។

ណារ៉ុង បានប្រាប់បន្តថា៖ [...]

«មានអារម្មណ៍ថា ប្លែកណាស់បង ពេលដែលស្លៀកពាក់ទៅ បង្ហាញអំពីបុគ្គលិកលក្ខណៈខ្លួនឯង ថាជាកូនខ្មែរ។ និយាយ​ពីប្អូនស្លៀកពាក់ទៅ ឃើញថាខ្លួនឯងសមសួន ជាកូនខ្មែរមែនទែន»។ នេះការរៀបរាប់ ជាមួយទឹកមុខរីករាយ ក្នុង​សំលៀក​បំពាក់ ជានារីសម័យលង្វែក របស់កញ្ញា ដួង ច័ន្ទសូរិយ។ ថ្លែងប្រាប់ទស្សនាវដ្ដីមនោរម្យ.អាំងហ្វូ កញ្ញា​បាន​សម្ដែង​អារម្មណ៍​ថា  ប្លែកមែនទែន ក្នុងការស្លៀកសំលៀកបំពាក់ របស់ខ្មែរបូរាណ របៀបនេះ។

យុវតីរូបនេះ បានបន្តថា នាងចង់មានកម្មវិធីជួបជុំ ស្លៀកសំលៀកបែបបុរាណខ្មែរបែបនេះ លើកក្រោយៗទៀត។ សូរិយា​ចង់ឱ្យយុវវ័យខ្មែរ សម័យទំនើបទាំងអស់ ចូលរួមស្លៀកពាក់ដូចកញ្ញាដែរ ដើម្បីលើកស្ទួយវប្បធម៌ខ្មែរ និងរក្សា​ប្រពៃណី​ទំនៀមទម្លាប់ខ្មែរ សម័យបុរាណឱ្យនៅគង់វង្ស។ «បើសិនជាអាច សាកឱ្យប្រជាជនខ្មែរស្លៀកជុំវិញប្រទេស មិនដឹង​ជាល្អ​មើលប៉ុណ្ណាទេ» សូរិយាបន្ថែម។

ចំណែកលោក អ៊ឹម ខេណូរ៉ា បានប្រាប់ដែរថា [...]