Posts tagged as "Election 2018"

«បើលោក ហ៊ុន សែន មិនងាកមករកផ្លូវប្រជាធិបតេយ្យ និងការគោរពសិទ្ធិមនុស្សវិញទេនោះ មានន័យថា លោក ហ៊ុន សែន សម្រេចចិត្តយកសុខុមាលភាព និងវិបុលសុខរបស់ប្រជាពលរដ្ឋខ្មែរ មកប្រថុយនឹងគ្រោះថ្នាក់»។ នេះ ជាជម្រើសពីរ សម្រាប់លោកនាយករដ្ឋមន្ត្រី ហ៊ុន សែន ដែលត្រូវបានគណបក្សសង្គ្រោះជាតិ លើកឡើង នៅក្នុងសេចក្ដីថ្លែងការណ៍មួយ របស់គណបក្ស។

សេចក្ដីថ្លែងការណ៍ របស់គណបក្សប្រឆាំង ដែលទើបនឹងចេញផ្សាយ នៅមុននេះ បានសរសេរសាទរ សេចក្ដីថ្លែងការណ៍រួម របស់ប្រទេសចំនួន ៤៥ នៅក្នុងកិច្ចប្រជុំលើកទី៣៧ នៃក្រុមប្រឹក្សាសិទ្ធិមនុស្ស របស់អង្គការសហប្រជាជាតិ ជុំវិញជំហររបស់ប្រទេសទាំងនេះ ព្រមានមិនទទួលស្គាល់ លទ្ធផលនៃការបោះឆ្នោតជាតិ ក្នុងពេលខាងមុខ ប្រសិនណា ជាគ្មានវត្តមានរបស់គណបក្សសង្គ្រោះជាតិ ចូលរួមទេនោះ។

គណបក្សសង្គ្រោះជាតិ ដែលត្រូវបានរំលាយ ដោយអំណាចសាលដីកា ដ៏ចម្រូងចម្រាស់ របស់តុលាការកំពូល កាលពីពាក់កណ្ដាល ខែវិច្ឆិកានោះ [...]

នៅក្នុងឱកាសនោះ ប្រទេសស្វីស ដែលកម្រនឹងបញ្ចេញប្រតិកម្ម ឬបង្ហាញពីជំហររបស់ខ្លួន បានសំដែងការខ្វល់ខ្វាយ ដ៏ជ្រាលជ្រៅរបស់ខ្លួន នៅចំពោះសភាពនយោបាយចុងក្រោយ នៅក្នុងប្រទេសចំនួនពីរ គឺប្រទេសវេណេហ្សុយអេឡា និងប្រទេសកម្ពុជា។

ស្វីសដែលតែងមានជំហរអព្យាក្រិត្យ បានអះអាងថា នៅក្នុងប្រទេសកម្ពុជា លក្ខខណ្ឌចាំបាច់ទាំងឡាយ មិនត្រូវបានបំពេញឲ្យគ្រប់គ្រាន់ ដើម្បីឲ្យការបោះឆ្នោត ជ្រើសតាំងតំណាងរាស្ត្រ នាពេលខាងមុខ មានភាពយុត្តិធម៌ និងទទួលយកបាននោះទេ បន្ទាប់ពីវិធានការជាច្រើន ត្រូវបានអនុវត្ត ដើម្បីបង្ក្រាបទៅលើគណបក្សប្រឆាំង។

សម្រាប់ប្រទេសវេណេហ្សុយអេឡាវិញ រដ្ឋាភិបាលស្វីស បានសំដែងកង្វល់យ៉ាងធ្ងន់ធ្ងរ នៅចំពោះអំពើហិង្សា ដែលកើតមានដដែលៗ នៅក្នុងប្រទេសនេះ។ ការបោះឆ្នោតជ្រើសតាំងប្រធានាធិបតី នឹងត្រូវធ្វើ នៅក្នុង​ខែឧសភា ខាងមុននេះ ហើយប្រធានាធិបតីផុតអាណត្តិ លោក «Nicolas Maduro» មានបំណងចង់កាន់អំណាចបន្តទៀត បើទោះជាលោក [...]

«លោក គុជ លី គឺជាមនុស្សដែលគេបញ្ជា ឲ្យមកបំផ្លាញ កេរ្ត៍ឈ្មោះនិងកិត្តិយស ស្វាមីរបស់នាងខ្ញុំ» នេះ ជាការសរសេរឡើង នៅលើបណ្ដាញសង្គម ដោយអ្នកស្រី ប៊ូ រចនា ភរិយាសពលោក កែម ឡី។ លោក កែម ឡី ដែលជាអ្នកធ្វើអត្ថាធិប្បាយនយោបាយដ៏ល្បី និងដែលត្រូវបាន​ខ្មាន់កាំភ្លើង​បាញ់សម្លាប់​ យ៉ាងសាហាវ ទាំង​កណ្ដាល​ថ្ងៃ នៅ​កណ្ដាលរាជធានីភ្នំពេញ ពោរពេញដោយ​​មនុស្ស​ច្រើន​កុះករ​ កាលពី​ថ្ងៃទី ១០ ខែកក្កដា ឆ្នាំ ២០១៦។

គុជ លី ជានរណា?

ពីមុនមក មានមនុស្សតិចណាស់ ដែលស្គាល់លោក គុជ លី ដែលជាអ្នកគាំទ្រមួយរូប របស់គណបក្សសង្គ្រោះជាតិ។ តែនៅក្រោយពេល មានការប្រកាសបង្កើតគណបក្សថ្មីមួយ ដែលប៉ុនប៉ងយកឈ្មោះ និងរូបរបស់លោក កែម ឡី យកធ្វើជាឈ្មោះ និងរូបសញ្ញាសម្គាល់​គណបក្សរបស់ខ្លួននោះ ទើបអ្នកផងបានស្គាល់មុខ សហស្ថាបនិក របស់គណបក្សនេះ គឺមានលោក កែម រិទ្ធិសិត ប្អូនប្រុសលោក កែម ឡី និងលោក គុជ លី នេះផ្ទាល់តែម្ដង។ [...]

អ្នកស្នងមរតកផ្ទាល់ ដែលមានភរិយា និងកូនៗ របស់លោក កែម ឡី បានបញ្ចេញជំហរជាថ្មី នៅថ្ងៃនេះ បដិសេធគណបក្សនយោបាយណា ដែលយកឈ្មោះ និងរូបលោក កែម ឡី ទៅប្រើប្រាស់ខុសពីបំណងដើមរបស់លោក ដែលមានត្រឹមតែ«ជួយផ្ដល់យោបល់» សម្រាប់ទៅគ្រប់គណបក្ស ដោយមិនប្រកាន់និន្នាការនយោបាយប៉ុណ្ណោះ។

ភរិយាលោក កែម ឡី គឺអ្នកស្រី ប៊ូ រចនា បានថ្លែងដូច្នេះ នៅលើបណ្ដាញសង្គម នៅមុននេះបន្តិចថា៖ «នាងខ្ញុំសូមបដិសេធ មិនគាំទ្រការបង្កើតគណបក្សថ្មី ដែរមានឈ្មោះថា គណបក្ស កែម ឡី នោះទេ ពីព្រោះតាំងពីដើមរហូតមក ស្វាមីនាងខ្ញុំមិនដែលមានបំណង បង្កើតគណបក្សម្តងណាឡើយ»។

អ្នកស្រីបន្តថា៖ «បំណងរបស់គាត់ គឺត្រឹមតែជួយផ្តល់យោបល់ [ជូនទៅ]គ្រប់គណបក្សនយោបាយ ក្នុងបុព្វហេតុជាតិមាតុភូមិ និងដើម្បីផលប្រយោជន៍​ប្រជា​ពលរដ្ឋ​ខ្មែរ​ទូទៅ ហើយនឹងដើម្បី​លទ្ធិប្រជាធិបតេយ្យពិតប្រាកដ [...]