ដូណាល់ ត្រាំ ហៅ គីម ជុង-អ៊ុន ថាជា«ក្មេងឆ្លាត»
«មេដឹកនាំវ័យក្មេង របស់ប្រទេសកុម្មុយនីសកូរ៉េខាងជើង លោក គីម ជុង-អ៊ុន (Kim Jong-Un) គឺជា«ក្មេងឆ្លាត»ម្នាក់ ដែលបានធ្វើឲ្យសំម្រេច នូវការកាន់តំណែង ដ៏កំពូលរបស់ខ្លួន បើទោះជាខ្លួន នៅមានវ័យក្មេងក៏ដោយ ជាពិសេស នៅចំពោះមហិច្ឆតា របស់មន្ត្រីគ្រាក់ៗ នៃបបកូរ៉េខាងជើង» នេះ ជាការលើកឡើងរបស់លោក ដូណាល់ ត្រាំ (Donald Trump.) ប្រធានាធិបតីអាមេរិក នៅក្នុងកិច្ចសម្ភាសមួយ ជាមួយនឹងទូរទស្សន៍អាមេរិក «CBS» ចេញផ្សាយ កាលពីថ្ងៃអាទិត្យ។
លោក ត្រាំ បានបន្តទៀតថា៖ «អ្វីដែលខ្ញុំអាចនិយាយ ប្រាប់អ្នកបាន ហើយមនុស្សជាច្រើន មិនចូលចិត្តឲ្យខ្ញុំនិយាយទេ នោះគឺគាត់ (លោក គីម ជុង-អ៊ុន) បានស្នងតំណែង ពីឪពុករបស់គាត់ នៅពេលគាត់មានអាយុ ត្រឹមតែ២៦ ឬ២៧ឆ្នាំប៉ុណ្ណោះ។ គាត់ត្រូវដោះស្រាយបញ្ហា ជាមួយមនុស្សដ៏ខ្លាំងៗជាច្រើន ជាពិសេស ជាមួយឧត្តមសេនីយ៍ និងមនុស្សមានអំណាចផ្សេងទៀត។ ជាមួយនឹងអាយុ [...]
