Posts tagged as "ISIS"

ការលើកឡើង​ក្នុងពេលកន្លងមក ទាក់ទងនឹងការវាយប្រហារ របស់ក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​បារាំង​ហៅ EI ពាក្យ​កាត់​អង់គ្លេស​ហៅ ISIS) ទៅលើប្រទេសឥណ្ឌូនេស៊ី មិន​មែន​ជា​ការ​លើក​ឡើង ដោយគ្មានភាពជាក់លាក់ទេ ជាពិសេសនៅពេល ដែលការលើកឡើងនេះ ធ្លាប់ជា​សំដីអះអាង របស់​រដ្ឋ​មន្ត្រី​ក្រសួងយុត្តិធម៌ របស់ប្រទេសអង់គ្លេស លោក ហ្សក ប្រេនឌី (George Brandis) នោះផង។ ប្រទេស​ឥណ្ឌូនេស៊ី​ខ្លួនឯង ក៏ធ្លាប់បានបើកយុទ្ធនាការ វាយបំបែកបណ្ដាញរបស់ក្រុមនេះ កាលពី​ចុង​ឆ្នាំ​២០១៥ នោះ​​ដែរ ដោយ​​ធ្វើការឃាត់​ខ្លួន​ជន​សង្ស័យ យ៉ាងហោច៥នាក់ រួមនឹងវត្ថុតាងជាច្រើន។

ដូចការប្រមើលមើលនោះមែន ព្រោះក្រុមរដ្ឋអ៊ីស្លាម បានបើកការវាយប្រហារ ដាក់បំផ្ទុះគ្រាប់បែកជាច្រើន​គ្រាប់ នៅកណ្ដាលរដ្ឋធានីចាការតា នៅព្រឹកថ្ងៃព្រហស្បត្តិ៍ ទី១៤ ខែមករា បណ្ដាលឲ្យមនុស្ស​ស្លាប់យ៉ាង​ហោច ៧នាក់។ ការវាយប្រហារបានចាប់ផ្ដើមកើតឡើង នៅវេលាម៉ោង១១ព្រឹក [...]

«ប្រជាជាតិ និងប្រជាជនរបស់យើង មិនមានភាពតក់ស្លុតទេ។ យើងនឹងមិនចុះចាញ់ នូវទង្វើភេរវកម្ម​ទាំង​នេះ​ឡើយ។» នេះជាការប្រកាសរបស់លោក ចូដូ វីដូដូ (Joko Widodo) នៅតាមកញ្ចក់ទូរទស្សន៍ «Metro TV» ដោយ​បានបន្ថែមថា អាជ្ញាធរឥណ្ឌូនេស៊ី សូមធ្វើការថ្កោលទោស នូវសកម្មភាពបំផ្ទុះគ្រាប់បែក ដែល​បាន​បង្ក​ឲ្យ​ខូច​ដល់​សណ្ដាប់ធ្នាប់ និងការភ័យភិត ដល់ប្រជាពលរដ្ឋ។

របាយការណ៍ចុងក្រោយ បានអះអាងថា យ៉ាងហោចមនុស្ស៧នាក់ ក្នុងនោះ៥នាក់ ជាជនខ្មាន់កាំភ្លើង បាន​ស្លាប់​​នៅក្នុងព្រឹត្តិការណ៍ បំផ្ទុះគ្រាប់បែក ជាច្រើនគ្រាប់ នៅព្រឹកថ្ងៃព្រហស្បត្តិ៍នេះ នៅពីមុខហាងកាហ្វេ «Starbucks» កណ្ដាលរដ្ឋធានីចាការតា។ រីឯជនរងគ្រោះពីរនាក់ទៀត មានម្នាក់ជាជនជាតិកាណាដា។ ក្រសួង​ការបរទេសឥណ្ឌូនេស៊ី បានប្រកាសពីដំណឹងនេះ ទៅកាន់ស្ថានទូតនៃប្រទេសកាណាដា ប្រចាំ​ប្រទេស​ឥណ្ឌូនេស៊ី ទាក់ទងនឹងមរណៈភាព របស់ពលរដ្ឋកាណាដា នៅក្នុងការវាយប្រហារ។

ការបំផ្ទុះដ៏ខ្លាំង ដែលទំនងជាកើតឡើង ពីគ្រាប់បែកច្រើនគ្រាប់ បានបណ្ដាលឲ្យមានមនុស្សស្លាប់​ នៅកណ្ដាល​រដ្ឋធានីចាការតា នៃប្រទេសឥណ្ឌូនេស៊ី។ នេះបើតាមការអះអាង ដ៏បន្ទាន់មួយ របស់កងកម្លាំងនគរបាល​ឥណ្ឌូនេស៊ី។ ជនស៊ីវិលបួននាក់ ត្រូវបានស្លាប់ភ្លាមៗ នៅលើផ្លូវថ្នល់ ខណៈការបំផ្ទុះនោះ ត្រូវបានទីភ្នាក់ងារ «Reuters» រាយការណ៍ថា បានសំដៅទៅរកហាងកាហ្វេ «Starbucks» ដែលជាយីហោ របស់ក្រុមហ៊ុនដ៏ធំមួយ របស់អាមេរិក។

នគរបាលបានរាយការណ័បន្ថែមថា យ៉ាងហោច ការបំផ្ទុះនោះ ត្រូវបានបង្កឡើង ដោយសកម្មជនធ្វើអត្តឃាត (Kamikaze - EDTN)

ប៉ុស្ដ៍នគរបាលតូចមួយ ដែលស្ថិតនៅកណ្ដាលដងផ្លូវ បានរងការខូចខាត បន្ទាប់ពីការបំផ្ទុះ ដែលចំនួន​ដល់​ទៅ​៦ដង ត្រូវបានគេស្ដាប់ឮ ហើយបន្ទាប់មក មានការបាញ់កាំភ្លើងឆ្លើយឆ្លងគ្នា។ ពីក្នុងចំណោមការបំផ្ទុះនោះ ក៏មានការបំផ្ទុះមួយ បានកើត​ឡើង​​ដែរ នៅ​ចំ​ពីមុខ​មជ្ឈមណ្ឌលពាណិជ្ជកម្ម «The Sarinah»។

បណ្ដាញផ្សព្វផ្សាយ របស់ប្រទេសកាណាដា បានធ្វើការរំលឹកឡើងវិញ នៅចុងសប្ដាហ៍កន្លងមកនេះ ពី​សារ​មួយ​របស់យុវជន សាមី អេឡាប៊ី (Sami Elabi) ជាតិកាណាដា ធ្លាប់ជាសមាជិកម្នាក់ របស់ក្រុមរដ្ឋអ៊ីស្លាម (ពាក្យ​​អារ៉ាប់ហៅ Daech ពាក្យ​កាត់​បារាំង​ហៅ EI ពាក្យ​កាត់​អង់គ្លេស​ហៅ ISIS) នៅក្នុងប្រទេសស៊ីរី ដែល​បាន​អះអាង​ជាសាធារណៈ ថាទឹកដីព្រះជាម្ចាស់សព្វថ្ងៃ (ក្នុងប្រទេសស៊ីរី និងប្រទេសអៀរ៉ាក់) គឺជាការ​ប្រកាស​ឡើង ដ៏«ឆ្កួតលីលា» កំណត់ឡើង​ដោយក្រុមនេះ តែខ្លួនឯងប៉ុណ្ណោះ។

តាមពិតទៅ សាររបស់យុវជន សាមី អេឡាប៊ី ដែលសរសេរនៅលើបណ្ដាញសង្គម ទ្វីសធើរ ត្រូវបាន​បង្ហោះ​តាំង​ពីប៉ុន្មានខែមុន និងត្រូវបានលប់ចេញ នៅបន្តិចក្រោយមក រួចបាត់ទៅហើយ។ តែសារព័ត៌មានមួយ នៅ​ក្នុង​ក្រុង​ម៉ុងរ៉េអាល់ (Montréal) ប្រទេសកាណាដា បានយកសំណេររបស់យុវជន នៅក្នុងសារនោះ មក​បញ្ជាក់​ឡើង​វិញ​ថា៖ «ភាពឆ្កួតលីលា​របស់ក្រុមរដ្ឋអ៊ីស្លាម គ្មានដែនកំណត់ទេ»។

មនោគមន៍វិជ្ជា ដែលបង្រៀនមនុស្ស ឲ្យសម្លាប់ម្ដាយឪពុកខ្លួនឯង នៅលើលោកនេះ មានមិនច្រើនឡើយ។ ប្រសិនបើមានរបបខ្មែរក្រហម ដែលបង្រៀនកុមារ យុវជនជំនាន់ក្រោយ ឲ្យគោរពស្រឡាញ់តែអង្គការនោះ នៅសម័យនេះ នៅមានក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​បារាំង​ហៅ EI ពាក្យ​កាត់​អង់គ្លេស​ហៅ ISIS) មួយទៀត ក៏បានបង្រៀនមនុស្ស ឲ្យឈប់ទទួលស្គាល់ ឪពុកម្ដាយរបស់ខ្លួន រហូតហ៊ានលើកដៃ សម្លាប់អ្នកមានគុណរបស់ខ្លួន ជាសាធារណៈ ដើម្បីជាការព្រមានដល់អ្នកដទៃ ប្រហាក់ប្រហែលគ្នាដែរ។

កាលពីថ្ងៃសុក្រម្សិលម៉ិញ ក្រុមអ្នកឃ្លាំមើលផ្នែកសិទ្ធិមនុស្ស នៅក្នុងប្រទេសស៊ីរី (OSDH) បានអះអាង ពីករណី​«ប្រហារជីវិតមួយ» អនុវត្តដោយជនស្ម័គ្រប្រយុទ្ធម្នាក់ អាយុ២០ឆ្នាំ របស់ក្រុមរដ្ឋអ៊ីស្លាម ដែលបានលើកដៃ ប្រហារ​ជីវិតម្ដាយបង្កើតរបស់ខ្លួន កណ្ដាលហ្វូងមនុស្ស បន្ទាប់ពីស្ត្រីចំណាស់រូបនេះ បានព្យាយាម​ទាក់​ទាញ​ឲ្យ​ខ្លួន ចាក​ចេញ​ពី​អង្គការភេរវកម្ម [...]