Posts tagged as "Eng Chhai Eang"

នរណា​ជា​មន្រី​ដែល​ឆ្លើយ​នៅ IPU ថា​«មិន​ដឹង​សភា​ខ្មែរ​កែ​ច្បាប់»?

នរណា​ជា​មន្រី​ដែល​ឆ្លើយ​នៅ IPU ថា​«មិន​ដឹង​សភា​ខ្មែរ​កែ​ច្បាប់»?

ឥស្សរជននយោបាយខ្មែរមានច្រើន តែមិនប្រាកដថា សាធារណជន ពិតបានស្គាល់ទាំងអស់នោះទេ។ ការមិនស្គាល់ទាំងអស់នោះ កើតមានយ៉ាងហោចណាស់ ក៏រហូតមកដល់មុនពេល ដែលមន្ត្រីម្នាក់ វ័យចំណាស់សក់ស បានឆ្លើយនៅក្នុងអង្គប្រជុំ របស់អង្គការសហភាពអន្តរសភា កាលពីថ្ងៃទី១៨ ខែតុលាកន្លងមកនេះ ថាលោកមិនបានដឹងថា រដ្ឋសភាកម្ពុជាទើបនឹងអនុម័តច្បាប់ធ្វើវិសោធនកម្ម ទៅលើច្បាប់ជាច្រើន ដើម្បីឈានទៅរំលាយគណបក្សប្រឆាំង និងដកហូតអាសនៈរបស់គណបក្សនេះ ទៅបែងចែកឲ្យគណបក្សដទៃនោះទេ។

ចម្លើយមិនដឹងមិនឮរបស់មន្ត្រីខ្មែររូបនេះ ដែលជាតំណាងប្រតិភូកម្ពុជា នៅអង្គការ​សហភាពអន្តរសភា ហៅជាភាសាអង់គ្លេស «Inter-Parliamentary Union» និងជាអក្សរកាត់ «IPU» បានធ្វើឡើង ដើម្បីឆ្លើយតបទៅនឹងសំនួរ របស់លោក «Saber Chowdhury» ប្រធានអង្គការនេះ ដែលចង់ដឹងនៅក្នុងអង្គប្រជុំថា តើប្រទេសកម្ពុជា បានធ្វើវិសោធនកម្មច្បាប់ ស្តីពីគណបក្សនយោបាយ ដើម្បីផ្ដល់លទ្ធភាពរំលាយគណបក្សមែនឬទេ?

[...]

អេង ឆៃអ៊ាង និយាយ​ពី​«ច្បាប់​កាឡៃ​ទាំង​៤ របស់​ជន​ផ្ដាច់​ការ»

អេង ឆៃអ៊ាង និយាយ​ពី​«ច្បាប់​កាឡៃ​ទាំង​៤ របស់​ជន​ផ្ដាច់​ការ»

គេអាច«រំលាយគណបក្សង្គ្រោះជាតិបាន តែមិនអាចរំលាយឆន្ទៈប្រជាពលរដ្ឋខ្មែរ ពាក់កណ្ដាលនគរបានឡើយ» នេះ ជាការលើកឡើងរបស់លោក អេង ឆៃអ៊ាង អនុប្រធានគណបក្សសង្គ្រោះជាតិ ដោយហៅទង្វើខាងលើ ថាជា«ផលិតផល» ដែលជនផ្ដាច់ការខិតខំបង្កើតឡើង ដើម្បី«ប្លន់ឆន្ទៈប្រជាពលរដ្ឋ» តាមរយៈ«ច្បាប់កាឡៃ»ទាំងបួន។

«ច្បាប់កាឡៃ»ទាំងបួន ត្រូវបានលោក ឆៃអ៊ាង ចង្អុលដោយចំ ទៅលើការអនុម័តច្បាប់ធ្វើវិសោធនកម្ម ទៅលើច្បាប់ចំនួនបួន កាលពីព្រឹកថ្ងៃចន្ទ ទី១៦ ខែតុលា ឆ្នាំ២០១៧ កន្លងមកនេះ ដោយរដ្ឋសភាកម្ពុជា ដែលមានការចូលរួមប្រជុំ តែពីក្រុមតំណាងរាស្ត្រគណបក្សប្រជាជនកម្ពុជា។ ការអនុម័ត ដោយលើកដៃ ពីក្រុមសមាជិកសភាគណបក្សកាន់អំណាច ទាំង៦៧រូប រាប់ទាំងលោកនាយករដ្ឋមន្ត្រី ហ៊ុន សែន ផង នឹងជាជំហានឈានទៅដកហូតអាសនៈ​គណបក្ស ​ដែល​ត្រូវ​រំលាយដោយតុលាការ​ យកទៅ​ចែក​ឲ្យគណបក្សដទៃ​​ បើទោះជាគណបក្សទាំងនោះ គ្មានការគាំទ្រ (ឬមានការគាំទ្រតិចតួច) [...]

អេង ឆៃអ៊ាង៖ កម្ពុជា​បច្ចុប្បន្ន​ជា​«នីតិមាត់» ហ៊ុន សែន

អេង ឆៃអ៊ាង៖ កម្ពុជា​បច្ចុប្បន្ន​ជា​«នីតិមាត់» ហ៊ុន សែន

អនុប្រធានគណបក្សសង្គ្រោះជាតិ លោក អេង ឆៃអ៊ាង បានធ្វើប្រតិកម្មខ្លីមួយ នៅលើបណ្ដាញសង្គម នៅថ្ងៃនេះ មួយថ្ងៃបន្ទាប់ពីរដ្ឋសភាកម្ពុជា ដែលមានការចូលរួមប្រជុំ តែពីតំណាងរាស្ត្រទាំង៦៧រូប របស់គណបក្សប្រជាជនកម្ពុជា បានអនុម័តការធ្វើវិសោធនកម្ម ទៅលើច្បាប់ចំនួន៤ ដើម្បីជាការបើកផ្លូវ ឲ្យដកហូតអាសនៈទាំងឡាយ របស់គណបក្សមួយ ទៅចែកឲ្យគណបក្សផ្សេង ទោះគណបក្សទាំងនោះ គ្មានការគាំទ្រពីពលរដ្ឋក៏ដោយ។

លោក អេង ឆៃអ៊ាង ដែលកំពុងស្ថិតក្នុងសហរដ្ឋអាមេរិក តាំងពីច្រើនខែមកនោះ បានសរសេរនៅលើគណនីហ្វេសប៊ុករបស់លោកថា៖ «កម្ពុជា បច្ចុប្បន្ន មិនមែននីតិរដ្ឋទេ គឺ នីតិមាត់លោក ហ៊ុន សែន !»។

កាលពីព្រឹកម្សិលម៉ិញ ក្រុមតំណាងរាស្ត្រ គណបក្សប្រជាជនកម្ពុជា ចំនួន៦៧រូប បានលើកដៃក្នុងរដ្ឋសភា អនុម័តទាំងស្រុងលើសេចក្តីស្នើកែច្បាប់ចំនួន៤ ដើម្បីជាជំហាន ឈានទៅដកហូតអាសនៈ​គណបក្ស ​ដែល​ត្រូវ​រំលាយដោយតុលាការ​ ចែកឲ្យគណបក្សផ្សេង​​ [...]

អតីត​ឧត្ដមសេនីយ៍​ម្នាក់ ប្រកាស​​ឲ្យ​«ងើប​ឡើង​តស៊ូ»​​ដើម្បី​មាតុភូមិ​កម្ពុជា

អតីត​ឧត្ដមសេនីយ៍​ម្នាក់ ប្រកាស​​ឲ្យ​«ងើប​ឡើង​តស៊ូ»​​ដើម្បី​មាតុភូមិ​កម្ពុជា

ទោះជាអតីតចលនាតស៊ូជាច្រើន ដែលធ្លាប់មានវត្តមាន នៅក្នុងទសវត្សន៍ឆ្នាំ៧០ មកទល់នឹងចុងទសវត្សន៍ឆ្នាំ៨០ បានរំលាយខ្លួនអស់ ក្រោយកិច្ចព្រមព្រៀងសន្តិភាព ទីក្រុងប៉ារីស ឆ្នាំ១៩៩១ក្ដី តែមិនប្រាកដថា អតីតយុទ្ធជននៃចលនាតស៊ូទាំងនោះ បានបាត់រូបអស់ទៅ ចេញពីពិភពលោកនោះទេ។ ហើយការវិវត្តន៍ផ្នែកនយោបាយចុងក្រោយ ក្នុងប្រទេសកម្ពុជា បានជំរុញឲ្យអតីតឧត្ដមសេនីយ៍យោធាម្នាក់ ចេញមុខប្រកាស ទៅកាន់បណ្ដាខ្មែរ«អ្នកស្នេហាជាតិ»ទាំងឡាយ ឲ្យ«ងើបឡើងតស៊ូ» ដើម្បីលទ្ធិប្រជាធិបតេយ្យ នៅកម្ពុជា។

លោក សក់ ស៊ុតសារ៉េត ដែលគេស្គាល់ថា ជាអតីតមេបញ្ជាការកងអត្តឃាត នៃចលនាតស៊ូរណសិរ្យជាតិរំដោះប្រជាពលរដ្ឋខ្មែរ (រ.ជ.រ.ប.ខ -ដែលកាលនោះ ស្ថិតក្រោមការដឹកនាំ របស់លោក សឺន សាន) បានប្រកាសដូច្នេះ នៅលើគណនេយ្យ​ហ្វេសប៊ុក​របស់លោក ដោយសរសេរថា៖ «ខ្ញុំសូមអំពាវនាវ ដល់បងប្អូន​ជនរួមជាតិ ​ទាំង៣លាននាក់ នៅក្នុងប្រទេស ដែលគាំទ្រ បោះឆ្នោតឲ្យ CNRP [កាលពីឆ្នាំ]២០១៣ [...]

ហ៊ុន សែន ព្រមាន​អាមេរិក កុំ​ការពារ​«អាយ៉ង»

ហ៊ុន សែន ព្រមាន​អាមេរិក កុំ​ការពារ​«អាយ៉ង»

«អ្នកដែលបានធ្វើសេចក្ដីថ្លែងការណ៍ ដើម្បីការពារនូវជននេះ គឺវាគ្រាន់តែជាការការពារ អាយ៉ងរបស់ខ្លួន ឲ្យរួចផុតពីការចោទប្រកាន់ តែប៉ុណ្ណោះ» លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា បានថ្លែងខ្លាំងៗយ៉ាងដូច្នេះ សំដៅទៅសហរដ្ឋអាមេរិក ដែលលោកចាត់ទុកថា បាននៅពីក្រោយលោក កឹម សុខា ប្រធានគណបក្សសង្គ្រោះជាតិ ដើម្បីធ្វើគម្រោងការមួយ ដែលបុរសខ្លាំងកម្ពុជា អះអាងថា ជាគម្រោងការដើម្បីបំផ្លិចបំផ្លាញកម្ពុជា។

កាលពីល្ងាច​ម្សិលម៉ិញ សហរដ្ឋអាមេរិក តាមរយៈសម្លេង របស់អ្នកនាំពាក្យក្រសួងការបរទេស អ្នកស្រី «Heather Nauert» បានចេញសេចក្ដីថ្លែងការណ៍ សំដែងការព្រួយបារម្ភជាពន់ពេក នៅចំពោះការចាប់ខ្លួន លោក កឹម សុខា មេដឹកនាំគណបក្សប្រឆាំងធំជាងគេ នៅកម្ពុជា ដោយត្រូវបានធ្វើឡើង នៅយប់រំលងអាធ្រាត ចូលមកព្រឹកថ្ងៃទី៣ ខែកញ្ញា ឆ្នាំ២០១៧។ អ្នកស្រីបានហៅការចាប់ខ្លួននោះ ទំនងជាធ្វើឡើង នៅក្រោមហេតុផលនយោបាយ។ 

[...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...