Posts tagged as "CNRP"

IPU ថ្កោលទោស​ជាថ្មី ចំពោះ«ការ​រំលោភ​សិទ្ធិ​តំណាង​រាស្ត្រ»​នៅ​កម្ពុជា

IPU ថ្កោលទោស​ជាថ្មី ចំពោះ«ការ​រំលោភ​សិទ្ធិ​តំណាង​រាស្ត្រ»​នៅ​កម្ពុជា

«សហភាពអន្តរសភា សូមគូសបញ្ជាក់ឡើងវិញ ពីសេចក្ដីសន្និដ្ឋានរបស់ខ្លួន ជុំវិញការរំលោភធ្ងន់ធ្ងរ ដោយអាជ្ញាធរកម្ពុជា ចំពោះសិទ្ធិជាមូលដ្ឋានគ្រឹះ របស់អ្នកតំណាងរាស្ត្រ ជាពិសេសចំពោះសេរីភាព នៃការបញ្ចេញមតិ ការបង្កើតសមាគម និងការជួបប្រជុំ ដោយសន្តិវិធី»។

ខាងលើនេះ ជាការដកស្រង់ ចេញពីសេចក្ដីសម្រេចមួយ ដែលមានកម្រាស់៤ទំព័រ និង១២ចំណុច របស់គណៈកម្មការសហភាពអន្តរសភា ហៅកាត់តាមភាសា​អង់គ្លេស «IPU» និងភាសាបារាំង «UIP» ក្នុងឱកាសនៃមហាសន្និបាត លើកទី១៣៩របស់ខ្លួន ដែលបានប្រព្រឹត្តិទៅ នៅក្នុងសប្ដាហ៍នេះ នាទីក្រុងហ្សឺណែវ ប្រទេសស្វីស។

» អាចរកអានបានទាំងស្រុង ពីសេចក្ដីសម្រេចរបស់សហភាពអន្តរសភា នៅ​ទីនេះ (ភាសាអង់គ្លេស)។

នៅប៉ុន្មានម៉ោងក្រោយការអនុម័ត ទៅលើសេចក្ដីសម្រេចរបស់ខ្លួន ស្ថាប័នអន្តរសភាដ៏ធំមួយនេះ [...]

ហ៊ុន សែន មក​ដល់​ប៊ែលហ្សិក ខណៈ​ខ្មែរ​នៅ​អ៊ឺរ៉ុប​គ្រោង​បាតុកម្ម​ស្វាគមន៍

ហ៊ុន សែន មក​ដល់​ប៊ែលហ្សិក ខណៈ​ខ្មែរ​នៅ​អ៊ឺរ៉ុប​គ្រោង​បាតុកម្ម​ស្វាគមន៍

មេដឹកនាំរបបក្រុងភ្នំពេញ លោក ហ៊ុន សែន បានធ្វើដំណើរមកដល់រាជធានី ប្រ៊ុចហ្សែល នៃរាជាណាចក្រប៊ែលហ្សិកហើយ កាលពីព្រឹកថ្ងៃទី១៧ ខែតុលា ឆ្នាំ២០១៨នេះ ដើម្បីត្រៀមចូលរួម «កិច្ចប្រជុំអាស៊ី-អ៊ឺរ៉ុប» ហៅកាត់តាមភាសាអង់គ្លេស «ASEM» ដែលនឹងប្រព្រឹត្តិទៅ នៅថ្ងៃទី១៨ និងទី១៩ ខែតុលា ខាងមុខ។ លោក ហ៊ុន សែន បានចុះជាន់ទឹកដីអ៊ឺរ៉ុប នៅវេលាម៉ោងប្រមាណជា ៧ និង៤២នាទី ហើយក៏បានធ្វើដំណើរ ទៅដល់សណ្ឋាគារ ដែលរូបលោក នឹងគណៈប្រតិភូមកម្ពុជាស្នាក់នៅ នោះរួចរាល់ដែរ។

នៅលើទំព័រហ្វេសប៊ុករបស់លោក ហ៊ុន សែន គេឃើញមានការបង្ហោះ នូវរូបភាពជាច្រើនសន្លឹក និងច្រើនដងច្រើនសារ ពីការទទួលស្វាគមន៍ របស់ក្រុមអ្នកគាំទ្រ នៅផ្ទាល់នឹងសណ្ឋាគារ។

ទំព័រហ្វេសប៊ុកនាយករដ្ឋមន្ត្រី បានសរសេរបញ្ជាក់ថា៖ «មានបងប្អូនប្រជាពលរដ្ឋ និងកូនក្មួយយុវជនជាច្រើន បានមករង់ចាំទទួលគារវៈស្វាគមន៍ សម្តេចប្រមុខដឹកនាំ ប្រកបដោយក្តីគោរពស្រឡាញ់ និងនឹករឮក [...]

EU កំពុង​អនុវត្ត​នីតិវិធី​ដក​ប្រព័ន្ធ​អនុគ្រោះ EBA ចេញ​ពី​កម្ពុជា

EU កំពុង​អនុវត្ត​នីតិវិធី​ដក​ប្រព័ន្ធ​អនុគ្រោះ EBA ចេញ​ពី​កម្ពុជា

ស្នងការជាន់ខ្ពស់អ៊ឺរ៉ុប ទទួលបន្ទុកផ្នែកពាណិជ្ជកម្ម អ្នកស្រី អាណា សេស៊ីលីយ៉ា ម៉ាសស្ត្រម (Anna Cecilia Malmström) បានអះអាងនៅថ្ងៃនេះថា អ្នកស្រី រួមនឹងស្នងការជាន់ខ្ពស់អ៊ឺរ៉ុប ទទួលបន្ទុកកិច្ចការបរទេស និងនយោបាយសន្តិសុខ អ្នកស្រី ហ្វេដឺរីកា ម៉ូហ្គេរីនី (Federica Mogherini) បានប្រាប់ទៅរបបក្រុងភ្នំពេញរួចហើយថា សហភាពអ៊ឺរ៉ុបកំពុងអនុវត្តនីតិវិធី ដើម្បីដកប្រព័ន្ធអនុគ្រោះ «Everything But Arm - EBA» ចេញពីប្រទេសកម្ពុជា បន្ទាប់ពីសហភាពមិនបានរកឃើញ ពីការអើពើរបស់របបដឹកនាំមួយនេះ ដើម្បីធ្វើឲ្យប្រសើរឡើងវិញ នូវការគោរពសិទ្ធិមនុស្ស និងលទ្ធិប្រជាធិបតេយ្យ ដែលបានរងការបំផ្លិចបំផ្លាញ តាំងពីប៉ុន្មានខែមកនោះ។

ក្រុមអ្នកវិភាគ បានគិតថា ប្រសិនជាប្រព័ន្ធអនុគ្រោះ «EBA» ត្រូវបានដកចេញ ពីប្រទេសកម្ពុជា វានឹងបង្កឲ្យបាត់នូវទីផ្សារនាំចេញ របស់ប្រទេសកម្ពុជា ដែលធំជាងគេបង្អស់ នៅលើពិភពលោក ដែលកម្ពុជាតែងនាំផលិតផល [...]

សម រង្ស៊ី ប្រាប់​ពី​មូលហេតុ​មិន​ទៅ​ចូលរួម​បាតុកម្ម​ប្រឆាំង ហ៊ុន សែន នៅ​ញ៉ូយក

សម រង្ស៊ី ប្រាប់​ពី​មូលហេតុ​មិន​ទៅ​ចូលរួម​បាតុកម្ម​ប្រឆាំង ហ៊ុន សែន នៅ​ញ៉ូយក

ការចូលរួម ឬមិនចូលរួម ពីសំណាក់លោក សម រង្ស៊ី ក្នុងបាតុកម្មប្រឆាំងវត្តមានលោក ហ៊ុន សែន នៅមុខអាគារអង្គការសហប្រជាជាតិ ក្នុងក្រុងញ៉ូយក សហរដ្ឋអាមេរិក នឹងមិនប៉ះពាល់ដល់ការប្រមូលផ្ដុំ របស់បណ្ដាជនខ្មែរ នៅទីនោះទេ។ មេដឹកនាំប្រឆាំងដ៏សំខាន់ បានអះអាងនៅមុននេះថា បាតុកម្មនោះ នឹងនៅតែមានដំណើរការល្អ ទោះជាគ្មានវត្តមានរូបលោកដ៏ដោយ។

កាលពីថ្ងៃទី២៦ ខែកញ្ញា ឆ្នាំ២០១៨ ម្សិលម្ងៃ ប្រធានចលនាសង្គ្រោះជាតិ និងជាអតីតប្រធានគណបក្សសង្គ្រោះជាតិ បានប្រកាសលប់ចោល គម្រោងនៃការចូលរួមរបស់លោក ក្នុងការធ្វើបាតុកម្ម នៅចុងសប្ដាហ៍នេះ ជាមួយបណ្ដាជនខ្មែរអាមេរិកាំង ដោយគ្រាន់តែលើកមូលហេតុ មកអះអាងថា ដោយសារលោកមានធុរៈសំខាន់ផ្សេងទៀត ដែលត្រូវធ្វើ។ ការប្រកាសលប់ចោល ដែលភ្លាមមួយរំពេច បានក្លាយជាសង្គ្រាម​ប៉ាកកា ដែលវាយបកមកលើលោក សម រង្ស៊ី វិញ ជាពិសេសពីសំណាក់ប្រដាប់ឃោសនា របស់រដ្ឋាភិបាលលោក ហ៊ុន សែន។

នៅថ្ងៃនេះ លោក សម រង្ស៊ី [...]

ប្រធានាធិបតី​បារាំង​ជួប ហ៊ុន សែន ដើម្បី​ជំទាស់​ពី​ដំណើរការ​បោះឆ្នោត​ជាតិ ខែ​កក្កដា?

ប្រធានាធិបតី​បារាំង​ជួប ហ៊ុន សែន ដើម្បី​ជំទាស់​ពី​ដំណើរការ​បោះឆ្នោត​ជាតិ ខែ​កក្កដា?

ទស្សនាវដ្ដី-សារព័ត៌មាន «Paris Match» ដ៏ធំរបស់ប្រទេសបារាំង បានចុះផ្សាយកាលពីសប្ដាហ៍មុនថា នៅក្នុងឱកាសនៃមហាសន្និបាត អង្គការសហប្រជាជាតិ ក្នុងក្រុងញ៉ូយក សហរដ្ឋអាមេរិក ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នឹងមានឱកាសជួបលោក ហ៊ុន សេន ដើម្បីសំដែង ពីការជំទាស់របស់ប្រទេសបារាំង ចំពោះដំណើរការ នៃការបោះឆ្នោតជាតិ​ចុងក្រោយបំផុត ក្នុងប្រទេសកម្ពុជា ដែលបានប្រព្រឹត្តិទៅ កាលពីខែកក្កដាកន្លងទៅ។

សារព័ត៌មានបារាំង បានអះអាងដូច្នេះ នៅក្នុងអត្ថបទមួយរបស់ខ្លួន ដែលមានចំណងជើងថា «សេចក្ដីអំពាវនាវ របស់បណ្ដាជនខ្មែរ ទៅកាន់ អេម៉ានុយអែល ម៉ាក្រុង»។ អត្ថបទនោះ បានលើកមកនិយាយ ពីបាតុកម្មរបស់ពលរដ្ឋខ្មែរ និងពលរដ្ឋមានដើមកំណើតខ្មែរ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...