Posts tagged as "EU"

ឆ្នាំនេះ របបដឹកនាំរបស់លោក ហ៊ុន សែន ដែលមិនមានឈ្មោះល្អស្រាប់ នៅក្នុងក្រុមប្រឹក្សាសិទ្ធិមនុស្ស របស់អង្គការសហប្រជាជាតិ (អ.ស.ប) អាចនឹងរងព្រនង់ធ្ងន់ៗបន្ថែមទៀត ពីសំណាក់ស្ថាប័នអន្តរជាតិខាងលើ ដែលនឹងធ្វើការប្រជុំ ប្រចាំឆ្នាំ សម្រាប់រយៈពេល១៨ថ្ងៃ ចាប់ពីថ្ងៃទី១០ ដល់ថ្ងៃទី២៨ ខែកញ្ញា ឆ្នាំ២០១៨នេះ ក្នុងការិយាល័យកណ្ដាលរបស់ខ្លួន ក្នុងក្រុងហ្សឺណែវ ប្រទេសស្វីស។

នេះ បើយោងតាមរបាយការណ៍បន្ថែម កម្រាស់២២ទំព័រ ដែលទើបនឹងត្រូវអ្នកស្រី រ៉ូណា ស្មីត (Rhona Smith) អ្នករាយការណ៍ពិសេស ​អ.ស.ប ​ទទួល​បន្ទុក​បញ្ហា​សិទ្ធិ​មនុស្ស​ ប្រចាំនៅកម្ពុជា ដាក់ឡើងទៅកាន់ស្ថាប័នខាងលើ ដែលមានរៀបរាប់យ៉ាងច្រើន ពី​ស្ថានភាព ​នៅ​មុន អំឡុង​ពេល និង​ក្រោយពេល នៃការ​បោះ​ឆ្នោត​នៅ​កម្ពុជា ​កាល​ពី​ចុង​ខែ​កក្កដា​កន្លងមក។

[...]

សាលាដំបូងរាជធានីភ្នំពេញ បានអះអាង តាមរយៈសេចក្ដីប្រកាសព័ត៌មាន របស់ខ្លួនថា ការដោះលែងប្រធានគណបក្សសង្គ្រោះជាតិ លោក កឹម សុខា ឲ្យនៅក្រៅឃុំ ជាបណ្ដោះអាសន្ន កាលពីយប់ថ្ងៃអាទិត្យ ចូលមកព្រឹកថ្ងៃចន្ទនេះ គឺដោយសារបញ្ហាសុខភាព របស់លោក។ ផ្ទុយទៅវិញ ទាំងមេធាវី និងក្រុមគ្រួសាររបស់លោក កឹម សុខា ធ្លាប់បានលើកឡើង មិនតិចដងទេ អំពីបញ្ហាសុខភាព របស់មេបក្សប្រឆាំង ជាពិសេស លើកឡើងនៅក្នុងសវនាការក្នុងពន្ធនាគារ កាលពីថ្ងៃព្រហស្បត្តិ៍ទី៣០ ខែសីហា ឆ្នាំ២០១៨កន្លងទៅ។

ផ្ទុយពីការបង្ហាញទឡ្ហីករណ៍ របស់ក្រុមមេធាវី ជុំវិញបញ្ហាសុខភាព ការធានា និងលក្ខណៈសម្បត្តិ របស់លោក កឹម សុខា ដែលគួរតែត្រូវបានអនុញ្ញាត ឲ្យនៅក្រៅឃុំនោះ (ទោះជាបណ្ដោះអាសន្នក៏ដោយ) សម្រាប់លោក គី ឬទ្ធី ចៅក្រមស៊ើបសួរ ដែលជាអធិបតី នៅក្នុងសវនាការនោះ នៅតែសម្រេចឲ្យបន្តឃុំខ្លួន មេដឹកនាំបក្សប្រឆាំង ក្នុងពន្ធនាគារ សម្រាប់រយៈពេល៦ខែទៅមុខទៀត ខណៈចៅក្រមដដែលនេះ [...]

ក្នុងសម័យប្រជុំពេញអង្គរបស់សភាអ៊ឺរ៉ុប ដែលមានរយៈបួនថ្ងៃ ពីថ្ងៃចន្ទទី១០ រហូតដល់ថ្ងៃព្រហស្បត្តិ៍ ទី១៣ ខែកញ្ញា ឆ្នាំ២០១៨ខាងមុខនេះ ស្ថាប័ននីតិបញ្ញត្តិរបស់សហភាពអ៊ឺរ៉ុបមួយនេះ នឹងមានរបៀបវាវៈដ៏ច្បាស់លាស់មួយ ស្ដីពីសិទ្ធិមនុស្ស និងលទ្ធិប្រជាធិបតេយ្យ នៅជុំវិញពិភពលោក ជាពិសេសនៅក្នុងបណ្ដាប្រទេស ដែលសហភាពអ៊ឺរ៉ុប មានទំនាក់ទំនងជាមួយ។ 

សេចក្ដីប្រកាសព័ត៌មាន ដែលចេញផ្សាយនៅចុងសប្ដាហ៍នេះ និងដែលទស្សនាវដ្ដីមនោរម្យ.អាំងហ្វូ ទើបនឹងទទួលបានក្នុងថ្ងៃនេះ បានសរសេរឲ្យដឹងថា៖ «សភាអ៊ឺរ៉ុប នឹងធ្វើការពិភាក្សា នៅលើសំនុំរឿងបន្ទាន់មួយចំនួន ដែលជាប់ទាក់ទងនឹង វិស័យសិទ្ធិមនុស្ស និងលទ្ធិប្រជាធិបតេយ្យ នៅថ្ងៃព្រហស្បត្តិ៍ ទី១៣ ខែកញ្ញា វេលាម៉ោង១០ព្រឹក ជាមួយនឹងការបោះឆ្នោតអនុម័ត ដែលនឹងប្រព្រឹត្តិទៅ នៅវេលាថ្ងៃត្រង់ (ថ្ងៃដដែល)»។

សំនុំរឿង«បន្ទាន់» ដែលសភាអ៊ឺរ៉ុបលើកយក មកធ្វើការជជែកពិភាក្សានោះ មាន (១) [...]

ពីក្នុងចំណោមស្ថានទូតបរទេស ទាំង៣១ ប្រចាំនៅកម្ពុជា ស្ថានទូតនៃប្រទេសធំៗ ចំនួន៩ មិនបានបញ្ជូនតំណាងរបស់ខ្លួន មកចូលរួមបើកនីតិកាលថ្មី នៃរដ្ឋសភាអាណត្តិទី៦ ដែលមានតំណាងរាស្ត្រ ១២៥ លើ ១២៥អសនៈ (១០០%) មកពីគណបក្សប្រជាជនកម្ពុជា តែមួយនោះទេ។ នេះ ជាការអះអាងឡើងដោយផ្ទាល់ ពីសំណាក់លោក ឡេង ប៉េងឡុង អ្នកនាំពាក្យរដ្ឋសភា ទៅកាន់ក្រុមអ្នកយកព័ត៌មាន ក្នុងព្រឹកថ្ងៃទី៥ ខែកញ្ញា ឆ្នាំ២០១៨។

តំណាងស្ថានទូត នៃប្រទេសលោកសេរី ទាំង៩នោះ មាន សហរដ្ឋអាមេរិក អូស្ដ្រាលី បារាំង អាល្លឺម៉ង់ កាដាណា អង់គ្លេស ស៊ុយអែត សហភាពអឺរ៉ុប និងប៊ុលហ្គារី។ ចំណែកអង្គការចំនួន៥ ក្នុងចំណោមអង្គការសង្គមស៊ីវិល ចំនួន១១ ក៏មិនបានចូលរួមផងដែរ។

» ក្រុមស្ថានទូត និងអ្នកអង្កេតការណ៍បរទេស ដែលបានចូលរួមក្នុងអង្គប្រជុំ៖

នៅចំពោះភាពស្ងៀមស្ងាត់ របស់គណៈកម្មការអ៊ឺរ៉ុប រាប់ចាប់តាំងពីប្រតិកម្មចុងក្រោយបំផុត របស់ស្ថាប័ននេះ ទៅនឹងការបោះឆ្នោតជាតិ ដ៏ចម្រូងចម្រាស នៅកម្ពុជា ថ្ងៃទី២៩ ខែកក្កដានោះមក សមាជិកសភាអ៊ឺរ៉ុបមួយរូប បានសម្រេចចិត្តធ្វើប្រតិកម្ម នៅថ្ងៃនេះ ដោយចោទសួរទៅកាន់អ្នកស្រី ហ្វេដឺរីកា ម៉ូហ្គេរីនី (Federica Mogherini) អនុប្រធានគណៈកម្មការអ៊ឺរ៉ុប / តំណាងជាន់ខ្ពស់នៃសហភាពអ៊ឺរ៉ុប ទទួលបន្ទុកកិច្ចការបរទេស និង​នយោបាយ​សន្តិសុខ ជុំវិញការព្យួរប្រព័ន្ធអនុគ្រោះពន្ធ «EBA» របស់សហភាពអ៊ឺរ៉ុប ដែលជាវិធានការឆ្លើយតប ជាយថាហេតុ ទៅនឹងការរំលោភសិទ្ធិមនុស្ស និងការធ្វើឲ្យខូចខាត ដល់លទ្ធិប្រជាធិបតេយ្យនៅកម្ពុជា។

លោក «Ramon Tremosa i Balcells» តំណាងរាស្ត្រអ៊ឺរ៉ុប មកពីប្រទេសអេស្ប៉ាញ បានចោទសួរ នូវសំណួរចំនួនពីរ ដើម្បីចង់ដឹង ពីការសម្រេចចិត្ត របស់គណៈកម្មការអ៊ឺរ៉ុប នៅចំពោះការបោះឆ្នោតជាតិ នៅកម្ពុជា និងជាពិសេស ពីសេចក្ដីសន្និដ្ឋាន [...]