«She’s gone ឬ Lady» របស់​កញ្ញា លីន ស្រែក​ផ្អើល​ហ្វេសប៊ុក

កញ្ញាមា្នក់ ដែលដាក់ឈ្មោះខ្លួនថា លីន បានបញ្ចេញសូរសៀងរបស់ខ្លួន តាមរយះបទ «She’s gone» ឬ «Lady» បង្ក​ឲ្យ​មាន​ការ​ភ្ញាក់​ផ្អើល​យ៉ាង​ខ្លាំង នៅលើបណ្តាញសង្គម។
Loading...
  • ដោយ: ក. ស្រីនាង អត្ថបទ និងយកការណ៍៖ ក.ស្រីនាង ([email protected]) - ភ្នំពេញថ្ងៃទី ១៨ វិច្ឆិកា ២០១៥
  • កែប្រែចុងក្រោយ: November 19, 2015
  • ប្រធានបទ: ចម្រៀង
  • អត្ថបទ: មានបញ្ហា?
  • មតិ-យោបល់

បន្ទាប់ពីយកមកច្រៀងឡើងវិញ ដោយកំពូលតារាចម្រៀង របស់ប្រទេសកម្ពុជា លោក ព្រាប សុវត្ថិ និងតារា ចម្រៀងទើបនឹងរះ លោក ដួង វីរះសិទ្ធ នោះ ចម្រៀង «She’s gone» ឬ «Lady» ដែល​ជា​ចម្រៀង​ដើម របស់​ក្រុម​ចម្រៀងអាមេរិក «Steelheart» ក្នុងពេលថ្មីៗនេះ ត្រូវបានយុវតីវ័យក្មេងម្នាក់ យក​មក​បកស្រាយ បញ្ចេញ​សូរសៀងម្ដង មុននឹងចម្រៀងនេះ ត្រូវបានយកមកបង្ហោះ នៅលើហ្វេសប៊ុក។

តាមពិតបទចម្រៀង របស់តារាចម្រៀង​តាមហ្វេសប៊ុកនេះ ត្រូវបានយកមកបង្ហោះ នៅលើបណ្តាញសង្គម តាំងពីថ្ងៃទី២៣ ខែតុលា ឆ្នាំ២០១៥ មកម្លេះ នៅគណនីមួយឈ្មោះ « Sopheak Fc Real» តែមិនសូវ​មាន​ការ​ចាប់អាម្មរណ៍ទេ។ ទើបតែក្នុងពេលថ្មីៗនេះ បណ្ដាអ្នកប្រើប្រាស់បណ្ដាញសង្គម ទើបនឹង​មាន​ការ​ចាប់​អាម្មរណ៍ ហើយបានធ្វើការចែករំលែក និងបញ្ចេញមតិយោបល់ គាំទ្រយ៉ាងច្រើន ជាបន្តបន្ទាប់។

ម្ចាស់សំនៀង ដែលចូលខ្លួនបកស្រាយចម្រៀងនេះ មានឈ្មោះនៅលើបណ្ដាញសង្គម ថា «Zeii Lin Oto Love»។ អ្នកផង បានសរសើរ និងសម្ដែងការគាំទ្រ ថានាងច្រៀងបានពិរោះ ព្រមទាំងស្រែកច្រៀង ចម្រៀង​នេះបាន ពិតជាមិនធម្មតា។ អ្នកគាំទ្រមួយចំនួន បានបញ្ចេញក្ដីសង្ឃឹមថា នឹងឃើញវត្តមាន របស់តារាតូចខ្ចី នៅកម្មវិធី «The voice Cambodia វគ្គ ២»។ ចម្រៀង «She’s gone» ឬ «Lady» របស់ «Zeii Lin Oto Love» ត្រូវបានអ្នកប្រើប្រាស់បណ្ដាញសង្គម ធ្វើការចែករំលែក ជាង១ម្មឺនដងហើយ មក​ដល់​ពេល​បច្ចុប្បន្ន៕


» ចង់ដឹងថា កញ្ញាច្រៀងបានដល់កំរិតណា សូមទស្សនាដូចតទៅ៖

----------

--------------

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...