បើក​បុក​ជន​រង​គ្រោះ​ហើយ ទារ​សំណង​បាន ៥០​ម៉ឺន​រៀល​ទៀត

គ្រោះថ្នាក់ចេរាចរណ៍មួយ បានកើតឡើងរវាងម៉ូតូ និងម៉ូតូ តែជនរងគ្រោះ បែរជាត្រូវចេញសំណង ឲ្យជនបង្កទៅវិញ ដោយសារការគម្រាមកំហែង លើជនរងគ្រោះ ដែលជាយុវជនមកពីជនបទ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី១៩ មិនា ២០១៥
  • កែប្រែចុងក្រោយ: March 20, 2015
  • ប្រធានបទ: គ្រោះថ្នាក់
  • អត្ថបទ: មានបញ្ហា?
  • មតិ-យោបល់

ករណីគ្រោះថ្នាក់ចររាចរណ៍មួយ បានកើតឡើងរវាងម៉ូតូ និងម៉ូតូ នៅវេលាម៉ោង២រសៀល ថ្ងៃទី១៩ ខែមិនា ឆ្នាំ​២០១៥​នេះ បណ្តាលឲ្យជនរងគ្រោះ ទទួលរងការខូចខាតម៉ូតូ ហើយត្រូចេញថ្លៃសំណង ឲ្យទៅជនបង្ករទៀត ទាំងភាព​ភ័យ​ខ្លាច។ ប្រភពព័ត៌មាននៅផ្ទាល់កន្លែង បានឲ្យដឹងថា បុរសជនបង្កមិនស្គាល់អត្តសញ្ញាណ បានបុកគ្នាជាក្មេងប្រុសម្នាក់ ដែលបើកបរបញ្ច្រាស់គ្នា នៅលើ ផ្លូវ១០១៥ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជាធានីភ្នំពេញ។ ប្រភពឲ្យ​ដឹង​ថា ដំបូង ភាគីបង្កបានគម្រាម ទារសំណងពីជនរងគ្រោះ ២០០ដុល្លា តែដោយម្តាយជនរងគ្រោះគ្មាន បានឲ្យតែ៥០​ម៉ឺន​រៀល ព្រោះអាណិតកូន ពេលឃើញគេសំឡុត។

សាក្សីបានឲ្យដឹងទៀតថា ដំបូងគេឃើញ ម៉ូតូម៉ាក់សងឌ្រីម ពាក់ស្លាកលេខភ្នំពេញ 1BS-4923 បើកបរក្នុង​ទិសដៅ​ពី​កើត​ទៅលិច មកដល់ចំណុចផ្លូវបំបែកជាបួន បានពើបប្រទះ ជាមួយម៉ូតូមួយគ្រឿងទៀត ធុនឌ្រីមដូចគ្នា ពាក់ស្លាក​លេខ ភ្នំពេញ1BG-1590 ដែលកំពុងបើកបរក្នុងទិសដៅកែងគ្នា។ ស្រាប់តែមកដល់កន្លែងកើតហេតុ បានបុកគ្នា​ពេញ​ទំហឹង នៅលើទ្រូងផ្លូវតែម្ដង។ បណ្តាលឲ្យម៉ូតូម្ខាងខូចខាត ឯម៉ូតូម្ខាងទៀតមិនខូចខាតអ្វីទេ ខណៈអ្នកបើកបរ មិន​មាន​អ្នកណាម្នាក់ រងរបួសធ្ងន់ធ្ងរអ្វីឡើយ។

សាក្សីបានឲ្យដឹងថា ម្ចាស់ម៉ូតូដែលមិនមានខូចអ្វី បែរជាទាមទារសំណង ពីអ្នកដែលមានម៉ូតូខូចខាតទៅវិញ ដោយ​និយាយ​បង្វែរឿងថា ជនរងគ្រោះ ជាអ្នកយកទូរស័ព្ទខ្លួន តម្លៃ៤០០ដុល្លា នៅពេលកើតហេតុ។ តែជនរងគ្រោះ បាន​បដិសេធ​មិនបាន ដឹងពីរឿង ដែលបាត់ទូរស័ព្ទរបស់ជនបង្កនោះទេ។ សាក្សីបាននិយាយថា បុរស ជនបង្កមិនបាន​ប្រាប់​ឲ្យដឹង ពីអត្តសញ្ញាណរបស់ខ្លួនទេ តែជនរងគ្រោះឈ្មោះ ស៊ាង វិចិត្រ ជាអាជិវករលក់គ្រឿងក្រអូប នៅផ្សារ អូឡាំពិក មានផ្ទះជួល នៅសង្កាត់ទឹកថ្លា។

ជនរងគ្រោះ ស៊ាង វិចិត្រ បានឲ្យទស្សនាវដ្តីដឹងថា ក្រោយពីកើតហេតុភ្លាម ជនបង្ករបាន ទូរស័ព្ទហៅបក្សពួក​មួយ​ចំនួន។ ពេលមកដល់ អ្នកទាំងនោះបានគម្រាមកំហែង ខ្លួនឲ្យចេញថ្លៃទូរស័ព្ទនោះ តែម្តង។ ពេលនោះ ជនរងគ្រោះ មិនមានអ្នកណាម្នាក់ស្គាល់ទេ ព្រោះទើបមករស់នៅភ្នំពេញ គ្មានជម្រើស បានទូរស័ព្ទហៅម្តាយមក។ ពេលអ្នកស្រី​មក​ដល់ ឃើញគេគម្រាមកូន ឲ្យចេញសំណងបែបនេះ បានប្រកែក តែប្រកែកមិនឈ្នះ ក៏យល់ព្រមឲ្យថ្លៃសំណង «ខុស​សាច់​រឿង» ទៅជនបង្កចំនួន ៥០ម៉ឺនរៀល ហើយយកកូន និងម៉ូតូដែលខូច ទៅជូសជុលខ្លួនឯង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...