ការ​ប្រឡង​បាក់​ឌុប​ទី២៖ ជា​ការ​ចម្រាញ់​ទឹក១០ យក​ទឹក​១ ឬ​ដើម្បី​ចំណេញ​នយោបាយ?

ប្រសាសន៍របស់លោកនាយករដ្ឋមន្ត្រី ហ៊ុន សែន បានថ្លែងឲ្យដឹងថា ការប្រឡងសញ្ញាប័ត្រ មធ្យមសិក្សាទុតិយភូមិ លើកទី២ នាថ្ងៃទី ១៣ ១៤តុលាខាងមុខនេះ នៅតែមានភាពតឹងរឹងដដែល។
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ០១ កញ្ញា ២០១៤
  • កែប្រែចុងក្រោយ: September 13, 2014
  • ប្រធានបទ: ប្រព័ន្ធអប់រំ
  • អត្ថបទ: មានបញ្ហា?
  • មតិ-យោបល់

ស្នាមញញឹមរបស់សិស្សសាលា នៅកម្ពុជា។ (រូបថត ឯកសារ)

បន្ទាប់ពីលទ្ធផលប្រឡងសញ្ញាប័ត្រទុតិយភូមិ ត្រូវបានប្រកាសរួចមក គេបានសង្កេតឃើញថា អត្រានៃ​ចំនួន​សិស្សធ្លាក់ មានច្រើនគួឲ្យកត់សម្គាល់។ នោះ គឺដោយសារការប្រឡងលើកទី១នាឆ្នាំនេះ មានការតឹងរឹង​ខុស​ពីឆ្នាំមុនៗ ហើយលទ្ធផលដែលទទួលបាននោះ មានគុណភាពពិតៗ ដោយសារកំណែរទម្រង់ថ្មី​របស់​រដ្ឋាភិបាល។

សម្រាប់អ្នកដែលបានធ្លាក់ ពីការប្រលងលើកទីមួយនេះ នឹងត្រូវរងចាំឱកាស ដើម្បីប្រឡងជាថ្មីម្តងទៀត នា​ថ្ងៃទី១៣ ខែតុលាខាងមុខ។

កាលពីចុងខែសីហានេះដែរ លោកនាយករដ្ឋមន្ត្រីកម្ពុជា ហ៊ុន សែន បានអំពាវនាវឲ្យសិស្ស ដែលត្រូវប្រឡង​បាក់ឌុបលើកទី២ ត្រូវប្រឹងប្រែងរៀនសូត្រ ឫត្រូវបំប៉នបន្ថែម ក្នុងរយៈពេលជាង ១ខែនេះ ដើម្បីការប្រឡង​របស់ពួកគេទទួលបានជោគជ័យ។ លោកបានសង្កត់ធ្ងន់ទៀតថា កំណែរទម្រង់នាឆ្នាំ ២០១៤នេះ ថាជា​កំណែទម្រង់ចម្រាញ់ទឹក ១០យកទឹក១។

ប្រធានសមាគមគ្រូបង្រៀនឯករាជ្យ លោក រ៉ុង ឈុន  បានប្រាប់ទស្សនាវដ្តីមនោរម្យ.អាំងហ្វូ ថា សមាគម​របស់លោកមិនគាំទ្រ ឲ្យមានការប្រឡងជាលើកទី ២ទេ នៅពេលដែលការប្រលងលើកទីពីរនេះ បានធ្វើ​ឡើង​ទៅតាមការនឹកឃើញ មិនមានគោលការណ៍ច្បាស់លាស់នោះ។

លោក រ៉ុង ឈុន បានបន្តទៀតថា លោកមើលឃើញពីមូលហេតុពីរចំនុច ដែលធ្វើឲ្យមានការប្រឡង​លើក​ទី២នេះ ទីមួយ អាចកេងចំនេញពីផ្នែកនយោបាយ  ដែលលោក ហ៊ុន សែន ប្រកាសឲ្យមានការប្រឡង​ឡើង​វិញ ដើម្បីទទួលបានការគាំទ្រពីយុវជន និងទីពីរ ជាការផ្គាប់ចិត្តទៅ មហាវិទ្យាល័យ សាកលវិទ្យាល័យ​ឯក​ជន​ផងដែរ។

គួរបញ្ជាក់ថា ដើម្បីពង្រឹងនូវសមត្ថភាពរបស់សិស្ស ដែលត្រូវប្រឡងលើកទីពីរនោះ ក្រសួងអប់រំយុវជន និង​កីឡាបានរៀបចំមេរៀនចំនួនបួនមុខ សំរាប់ជំនួយស្មារតីនៃការប្រឡងមុខវិជ្ជាទាំងអស់នោះ រួមមាន គណិតវិទ្យា រូបវិទ្យា គីមីវិទ្យា និងជីវៈវិជ្ជា។ មុខវិជ្ជាទាំងអស់នេះ សិស្សអាចរកបាននៅតាម បណ្តាញ​សង្គម​ដូចជា​គេហទំព័រ ក្រសួងអប់រំយុវជន និងកីឡា និងតាមរយៈបណ្តាញហ្វេសប៊ុកជាផ្លូវការរបស់ ក្រសួង អប់រំ​យុវជន និងកីឡាជាដើម។

ចំពោះការប្រឡងជាថ្មីនេះ ក្រសួងអប់រំបានសហការ ជាមួយអង្គភាពប្រឆាំងអំពើពុករលួយ ឲ្យចូលសង្កេត​ការណ៍​ដដែល ដើម្បីឲ្យការប្រឡងប្រព្រឹត្តទៅ តាមគោលការណ៍ច្បាប់ មានយុត្តិធម៌ តម្លាភាព និងលទ្ធផល​ទទួលយកបាន៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...