ប្រតិកម្ម​ពី​សហគមន៍​អន្តរជាតិ ជុំ​វិញ​ដំណោះ​ស្រាយ​នយោបាយ​កម្ពុជា

បន្ទាប់ពីដំណោះស្រាយនយោបាយកម្ពុជា ត្រូវបានរកច្រកចេញរួច តាមរយៈការចរចានយោបាយ រវាងគណបក្ស​ប្រជាជន​កម្ពុជា និងគណបក្សសង្រ្គោះជាតិមក មជ្ឈដ្ឋានអន្តរជាតិ បានសម្តែងការសាទរជាបន្តបន្ទាប់ ហើយ​មជ្ឈដ្ឋាន​ដដែលនោះ វាយតម្លៃពីភាពត្រូវរូវគ្នា របស់គណបក្សទាំងពីរ ថានឹងត្រួសត្រាយផ្លូវ នាំប្រទេសកម្ពុជាទៅកាន់លិទ្ធិ​ប្រជាធិបតេយ្យរឹងមាំ។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]monoroom.info) - ភ្នំពេញ ថ្ងៃទី២៣ កក្កដា ២០១៤
  • កែប្រែចុងក្រោយ: July 23, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បន្ទាប់ពីដំណោះស្រាយនយោបាយកម្ពុជា ត្រូវបានរកច្រកចេញរួច តាមរយៈការចរចានយោបាយ រវាងគណបក្ស​ប្រជាជន​កម្ពុជា និងគណបក្សសង្រ្គោះជាតិមក មជ្ឈដ្ឋានអន្តរជាតិ បានសម្តែងការសាទរជាបន្តបន្ទាប់ ហើយ​មជ្ឈដ្ឋាន​ដដែលនោះ វាយតម្លៃពីភាពត្រូវរូវគ្នា របស់គណបក្សទាំងពីរ ថានឹងត្រួសត្រាយផ្លូវ នាំប្រទេសកម្ពុជាទៅកាន់លិទ្ធិ​ប្រជាធិបតេយ្យរឹងមាំ។


ប្រធានគណបក្សប្រឆាំង លោក សម រង្សី (រូបខាងឆ្វេង) និងនាយករដ្ឋមន្ត្រី លោក ហ៊ុន សែន កាលពីខែកុម្ភះ​ឆ្នាំ​២០០៦ ក្នុងរាជធានីភ្នំពេញ។ (រូបថត AFP)

នយោបាយ - អ្នករាយការណ៍ពិសេសអង្គការសហប្រជាជាតិ ប្រចាំប្រទេសកម្ពុជាលោក សុរិយា ប្រាសាទស៊ូប៊ែឌី បានហៅកិច្ចព្រមព្រៀងនយោបាយ របស់គណបក្សប្រជាជនកម្ពុជា និងគណបក្សសង្រ្គោះជាតិថា ផ្អែកលើមូលដ្ឋាន​រួមតែមួយ គឺផលប្រយោជន៍របស់ប្រជាជនកម្ពុជា។

តែលោក សុរិយា ប្រាសាទស៊ូប៊ែឌី ក៏បានសម្តែងការព្រួយបារម្ភ ពីលទ្ធភាពការអនុវត្តជាក់ស្តែង ថាអាចនឹងឃ្លាតឆ្ងាយ ពីគោលការណ៍ដែលមានកំណត់ ក្នុងកិច្ចព្រមព្រៀងរបស់គណបក្សទាំងពីរ។ បើតាមអ្នករាយការណ៍ពិសេស អង្គការ​សហប្រជាជាតិប្រចាំប្រទេសកម្ពុជា ដដែលនេះ បានសង្កត់ធ្ងន់ថា គណបក្សប្រជាជនកម្ពុជា និងគណបក្សសង្រ្គោះ​ជាតិគម្បី បន្តកែទម្រង់ការបោះឆ្នោតកម្ពុជា ដោយផ្អែកលើមូលដ្ឋាននៃកិច្ចព្រមព្រៀងនេះ ហើយក្រៅពីនោះ ចាំបាច់​ជំរុញឲ្យប្រព័ន្ធបោះឆ្នោតនៅកម្ពុជា មានស្ដង់ដារមួយ ដែលសហគមន៍អន្តរជាតិអាចទទួលយកបាន។

ចំណែកឯប្រទេសជប៉ុន តាមរយៈក្រសួងការបរទេសរបស់ខ្លួន បានអត្ថាធិប្បាយថា ដំណោះស្រាយ​នយោបាយ​កម្ពុជា នឹងនាំឲ្យរដ្ឋសភាកម្ពុជា ដំណើរការទៅមុខជាប្រក្រតី ដែលបើកផ្លូវឲ្យមានការកែទម្រង់ផ្សេងៗ ការរីកចម្រើន​លិទ្ធិប្រជាធិបតេយ្យ និងការក៏សាងប្រទេសជាតិ តារមយៈការជជែកគ្នា ប្រកបដោយស្មារតីស្ថាបនា នៅក្នុងរដ្ឋសភា ត្រូវបានជំរុញបន្ថែមទៀត។

ក្នុងសេចក្តីថ្លែងការណ៍ របស់ក្រសួងការទេសជប៉ុន ជាប្រទេសដែលធ្លាប់សន្យាថា នឹងជួយដល់ការកំណែ​ទម្រង់​ប្រព័ន្ធបោះឆ្នោតនៅកម្ពុជា ពីពេលកន្លងមក បានឲ្យដឹងទៀតថា រដ្ឋាភិបាលជប៉ុននឹងយកចិត្តទុកដាក់ តាមដាន​សភាពការណ៍នៅកម្ពុជាបន្តទៀត ហើយនឹងបន្តគាំទ្រ ដល់កិច្ចខិតខំប្រឹងប្រែងរបស់កម្ពុជា ក្នុងស្មារតីធ្វើកំណែទម្រង់ និងក៏សាងប្រទេសជាតិ។

គួរបញ្ជាក់ថា ភាពជាប់គាំងនយោបាយកម្ពុជា ដែលបានអូសបន្លាយពេលជិតមួយឆ្នាំ ក្រោយការច្រានចោល​លទ្ធផល​បោះឆ្នោតសកលឆ្នាំ២០១៣ ដោយគណបក្សសង្រ្គោះជាតិ ត្រូវបិតបញ្ចប់ទាំងស្រុងហើយ ក្រោយការចរចាត្រឹមតែ​ពេលជាង៥ម៉ោង រវាងមន្រ្តីជាន់ខ្ពស់របស់គណបក្សប្រជាជនកម្ពុជា និងគណបក្សសង្រ្គោះជាតិ នៅថ្ងៃទី២២ ខែកក្កដា ឆ្នាំ២០១៤៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...