![EU កំពុងអនុវត្តនីតិវិធីដកប្រព័ន្ធអនុគ្រោះ EBA ចេញពីកម្ពុជា](https://monoroom.info/uploads/2018/10/20181005-eu_anna-cecilia-malmstrm.jpg)
EU កំពុងអនុវត្តនីតិវិធីដកប្រព័ន្ធអនុគ្រោះ EBA ចេញពីកម្ពុជា
ស្នងការជាន់ខ្ពស់អ៊ឺរ៉ុប ទទួលបន្ទុកផ្នែកពាណិជ្ជកម្ម អ្នកស្រី អាណា សេស៊ីលីយ៉ា ម៉ាសស្ត្រម (Anna Cecilia Malmström) បានអះអាងនៅថ្ងៃនេះថា អ្នកស្រី រួមនឹងស្នងការជាន់ខ្ពស់អ៊ឺរ៉ុប ទទួលបន្ទុកកិច្ចការបរទេស និងនយោបាយសន្តិសុខ អ្នកស្រី ហ្វេដឺរីកា ម៉ូហ្គេរីនី (Federica Mogherini) បានប្រាប់ទៅរបបក្រុងភ្នំពេញរួចហើយថា សហភាពអ៊ឺរ៉ុបកំពុងអនុវត្តនីតិវិធី ដើម្បីដកប្រព័ន្ធអនុគ្រោះ «Everything But Arm - EBA» ចេញពីប្រទេសកម្ពុជា បន្ទាប់ពីសហភាពមិនបានរកឃើញ ពីការអើពើរបស់របបដឹកនាំមួយនេះ ដើម្បីធ្វើឲ្យប្រសើរឡើងវិញ នូវការគោរពសិទ្ធិមនុស្ស និងលទ្ធិប្រជាធិបតេយ្យ ដែលបានរងការបំផ្លិចបំផ្លាញ តាំងពីប៉ុន្មានខែមកនោះ។
ក្រុមអ្នកវិភាគ បានគិតថា ប្រសិនជាប្រព័ន្ធអនុគ្រោះ «EBA» ត្រូវបានដកចេញ ពីប្រទេសកម្ពុជា វានឹងបង្កឲ្យបាត់នូវទីផ្សារនាំចេញ របស់ប្រទេសកម្ពុជា ដែលធំជាងគេបង្អស់ នៅលើពិភពលោក ដែលកម្ពុជាតែងនាំផលិតផល [...]