សួន សេរីរដ្ឋា៖ «អ្នកដែលប្ដឹងខ្ញុំ ជាអ្នកលើកលែងទោសឲ្យខ្ញុំ»
ប្រធាន និងជាស្ថាបនិកគណបក្សអំណាចខ្មែរ ដែលជាគណបក្សថ្មីមួយ បានលើកឡើងថា រូបលោក មិនដែលទទួលស្គាល់ថា លោកបានប្រព្រឹត្តិទោសកំហុស ហើយលោកក៏មិនទទួលស្គាល់ ប្រព័ន្ធតុលាការ នៅប្រទេសកម្ពុជា ថាអាចផ្ដល់យុត្តិធម៌ជូនលោកនោះដែរ។
នៅចំពោះអ្នកសារព័ត៌មាន បន្ទាប់ពីចុះជាន់លើទឹកដីខ្មែរ ជាលើកដំបូង នាព្រឹកថ្ងៃទី០១ ខែតុលា ឆ្នាំ២០១៥ លោក សួន សេរីរដ្ឋា បានឲ្យដឹងថា៖ «ការកាត់ទោសខ្ញុំ តាំងពីដើមទីមក ខ្ញុំមិនដែលទទួលស្គាល់ថាខ្ញុំមានទោសទេ។ ខ្ញុំក៏មិនបានទទួលស្គាល់ ប្រព័ន្ធតុលាការនៅស្រុកខ្មែរ ថាអាចផ្តល់យុត្តិធម៌ឲ្យខ្ញុំដែរ។ តុលាការនៅស្រុកខ្មែរ កុំថាឡើយ ដល់ផ្តល់យុត្តិធម៌ ឲ្យអ្នកនយោបាយ អ្នកពាណិជ្ជកម្ម ឬទំនាស់បទឧក្រិដ្ឋ សូម្បី “ផ្តល់យុត្តិធម៌ដល់ប្តីប្រពន្ធ ប្តឹងលែងលះគ្នា ក៏គ្មានលទ្ធភាព រកយុត្តិធម៌ឲ្យដែរ”។»
ឈានជើង ត្រឡប់មកដល់ប្រទេសកម្ពុជាជាថ្មី លោក សេរីរដ្ឋា បានធ្វើការវាយប្រហារខ្លាំងៗ ចំៗ [...]
